ഒരു സ്പൂൺ തേങ്ങ പോലും വേണ്ട, കടലക്കറി രുചികരമാക്കാൻ ഈ മസാലക്കൂട്ട് മതി

പുട്ടാണെങ്കിൽ മലയാളികൾക്ക് കടല കറി നിർബന്ധമാണ്. കൂടാതെ ദോശ, ഇടിയപ്പം, അപ്പം, പൂരി എന്നിവയുടെ കൂടെ കഴിക്കാൻ ഏറ്റവും മികച്ച ഒരു കറിയാണിത്. തേങ്ങ അരച്ചതോ, അല്ലാതെയോ പല രീതിയിൽ കടലക്കറി തയ്യാറാക്കാറുണ്ട്. എന്നാൽ ചിലപ്പോൾ തിരക്കിട്ട ദിവസങ്ങളിൽ വളരെ ലളിതമായി, നല്ല നാടൻ രുചിയിൽ ഒരു കടലക്കറി ഉണ്ടാക്കാൻ കഴിഞ്ഞിരുന്നെങ്കിലെന്ന് നമ്മൾ ആഗ്രഹിക്കാറില്ലേ?

Also Read: എണ്ണ കുറച്ച് രുചി കൂട്ടാം; പൂരി ക്രിസ്പിയാകാൻ ഇങ്ങനെ വറുത്തെടുക്കൂ

വളരെ കുറഞ്ഞ സമയത്തിനുള്ളിൽ, വീട്ടിലുള്ള ചേരുവകൾ മാത്രം ഉപയോഗിച്ച് വളരെ എളുപ്പത്തിലും ഇത് പാകം ചെയ്യാം. പ്രത്യേക മസാലക്കൂട്ടുകൾ ഉണ്ടാക്കുന്നതിലെ ബുദ്ധിമുട്ടുകൾ ഒഴിവാക്കി, വീട്ടിലുള്ള സാധാരണ ചേരുവകൾ ഉപയോഗിച്ച് എങ്ങനെ സ്വാദിഷ്ടമായ കടല കറി തയ്യാറാക്കാം എന്ന് പരിചയപ്പെടാം. അപർണ തൻ്റെ ഇൻസ്റ്റഗ്രാം പേജിലൂടെയാണ് ഇതിൻ്റെ റെസിപ്പി പരിചയപ്പെടുത്തി തരുന്നത്. 

Also Read: കറികളൊന്നും വേണ്ട, നാവിലിട്ടാൽ അലിയും ഈ പാൽ പുട്ട്

ചേരുവകൾ

• കടലക്കറി
• ഇഞ്ചി
• വെളുത്തുള്ളി
• സവാള
• തക്കാളി
• കറിവപ്പില
• മഞ്ഞൾപ്പൊടി
• ഉപ്പ്
• പെരുംജീരകം
• വറ്റൽമുളക്
• ചുവന്നുള്ളി
• മുളുകപൊടി
• മഞ്ഞൾപ്പൊടി
• ഗരംമസാല
• കുരുമുളകുപൊടി

Also Read: മാവ് ഇങ്ങനെ അരച്ചെടുക്കൂ, ദോശയും ഇഡ്ഡലിയും ഇനി പഞ്ഞിപോലെ സോഫ്റ്റായി കിട്ടും

View this post on Instagram

A post shared by Photographer & Visual Storyteller (@inji_pennu)

തയ്യാറാക്കുന്ന വിധം

• ആവശ്യത്തിന് കടല ഒരു രാത്രി മുഴുവൻ വെള്ളത്തിൽ കുതിർത്തു വയ്ക്കാം.
• അതിലേക്ക് ഇഞ്ചിയും വെളുത്തുള്ളി ചതച്ചതും, ഒരു സവാള കട്ടി കുറച്ച് അരിഞ്ഞതും, തക്കാളി കഷ്ണങ്ങളാക്കിയതും ചേർക്കാം.
• അൽപം മഞ്ഞൾപ്പൊടിയും ഉപ്പും ചേർത്ത് കുക്കറിൽ വേവിക്കാം.
• അടി കട്ടിയുള്ള ഒരു പാത്രം അടുപ്പിൽ വച്ച് ആവശ്യത്തിന് എണ്ണ ഒഴിച്ചു ചൂടാക്കാം.
• അതിലേക്ക് അൽപ്പം പെരുംജീരകവും, വറ്റൽമുളകും ചേർത്ത് വറുക്കാം.
• ചുവന്നുള്ളി ചെറുതായി അരിഞ്ഞതു ചേർത്ത് വഴറ്റുക. എരിവിനനുസരിച്ച് മുളകുപൊടി,
• അൽപം മഞ്ഞൾപ്പൊടി, മല്ലിപ്പൊടി, ഗരംമസാല, കുരുമുളകുപൊടി എന്നിവ ചേർത്തിളക്കി യോജിപ്പിക്കാം.
• അതിലേക്ക് വേവിച്ച കടല കൂടി ചേർത്തിളക്കുക. അടച്ചു വച്ച് അൽപ സമയം വേവിക്കാം.

Read More: ഉപ്പിൻ്റെ അളവ് കുറയ്ക്കാം രുചി കൂട്ടാം, ഈ പൊടിക്കൈകൾ പ്രയോഗിക്കൂ