അരി കുതിർക്കേണ്ട, ചോറും വേണ്ട; ഇനി പഞ്ഞിപോലുള്ള അപ്പം ചുട്ടെടുക്കാൻ ഇതാ പൊടിക്കൈ

അപ്പം തയ്യാറാക്കാൻ അരി വെള്ളത്തിൽ ഇടാൻ മറന്നു പോകാറുണ്ടോ?. അങ്ങനെ മറന്നു പോയിട്ടുണ്ടെങ്കിൽ വിഷമിക്കേണ്ട. അരി വെള്ളത്തിൽ ഇട്ടില്ലെങ്കിലും അരച്ചില്ലെങ്കിലും അരമണിക്കൂറിൽ അപ്പം തയ്യാറാക്കാവുന്നതേയുള്ളൂ. പലഹാരം തയ്യാറാക്കാൻ അടുക്കളയിൽ സൂക്ഷിച്ചിരിക്കുന്ന അവൽ തന്നെ ഇതിൽ താരം. അൽപ്പം അവൽ കുതിർത്തെടുത്തോളൂ. ക്രിസ്പിയായി അപ്പം ചുട്ടെടുക്കാം. ബീഫ്, ചിക്കൻ, വെജിറ്റബി സ്റ്റ്യൂ എന്നിവയോടൊപ്പം കഴിച്ചു നോക്കൂ. നുസീറ തൻ്റെ ഇൻസ്റ്റഗ്രാം പേജിലൂടെയാണ് ഈ ഇൻസ്റ്റൻ്റ് അപ്പം റെസിപ്പി പരിചയപ്പെടുത്തി തരുന്നത്. 

Also Read: ഇടിയപ്പം സോഫ്റ്റായി കിട്ടും, അരിപ്പൊടിയിലേയ്ക്ക് ഇത് രണ്ട് സ്പൂൺ ചേർക്കൂ

ചേരുവകൾ

• അവൽ- 1/2 കപ്പ്
• ഈസ്റ്റ്- 1 ടീസ്പൂൺ
• പഞ്ചസാര- 3 ടീസ്പൂൺ
• അരിപ്പൊടി- 11/4 കപ്പ്

Also Read: പച്ചരിയും ഉഴുന്നും കൈയ്യിലില്ലേ? എങ്കിൽ ദോശ മാവ് അരയ്ക്കാൻ ഇത് ഒരു കപ്പ് ഉപയോഗിക്കൂ

Also Read: ചപ്പാത്തി സോഫ്റ്റ് മാത്രമല്ല ഹെൽത്തിയുമാക്കാം, ഗോതമ്പ് പൊടിക്ക് പകരം ഇനി മാവ് തയ്യാറാക്കാൻ ഇത് ഉപയോഗിക്കൂ

തയ്യാറാക്കുന്ന വിധം

• അര കപ്പ് അവൽ കഴുകിയെടുത്ത് വെള്ളം ഒഴിച്ച് പത്ത് മുതൽ പതിനഞ്ച് മിനിറ്റ് വരെ കുതിർക്കാൻ വയ്ക്കാം.
• കുതിർത്തെടുത്ത അവലിലേക്ക് ഒരു ടീസ്പൂൺ ഈസ്റ്റ്, മൂന്ന് ടീസ്പൂൺ പഞ്ചസാര എന്നിവ ചേർത്ത് നന്നായി അരച്ചെടുക്കാം. ഇത് ഒരു പാത്രത്തിലേക്ക് മാറ്റുക.
• ഒന്നേകാൽ കപ്പ് അരിപ്പൊടിലേക്ക് കുറച്ച് വെള്ളം ഒഴിച്ച് അരച്ചെടുക്കാം.
• ഇത് അവൽ അരച്ചെടുത്തിലേക്ക് ചേർത്തിളക്കി യോജിപ്പിച്ച് പത്ത് മുതൽ പന്ത്രണ്ട് മണിക്കൂർ വരെ മാറ്റി വയ്ക്കാം.
• ശേഷം ആവശ്യത്തിന് ഉപ്പ് കൂടി ചേർത്തിളക്കി അപ്പം ചുട്ടെടുക്കാം. ചൂടോടെ തന്നെ കറിക്കൊപ്പം കഴിച്ചു നോക്കൂ.

Read More: മാവ് അരച്ചെടുക്കേണ്ട, അരിപ്പൊടിയിലേയ്ക്ക് ഇവ ചേർത്താൽ ഞൊടിയിടയിൽ ദോശ ചുട്ടെടുക്കാം