പച്ചരിയും ഉഴുന്നും കൈയ്യിലില്ലേ? എങ്കിൽ ദോശ മാവ് അരയ്ക്കാൻ ഇത് ഒരു കപ്പ് ഉപയോഗിക്കൂ

ദോശയും ഇഡ്ഡലിയുമാണ് മലയാളികളുടെ പ്രിയപ്പെട്ട പ്രഭാത ഭക്ഷണങ്ങൾ. അരിയും ഉഴുന്നും അരച്ച് ചുട്ടെടുക്കുന്ന ദോശയും ആവിയിൽ വേവിച്ചെടുക്കുന്ന ഇഡ്ഡലിയും ആരോഗ്യത്തിനും ഗുണകരമാണ്. എന്നാൽ എപ്പോഴും മാവ് അരച്ച് സൂക്ഷിക്കാൻ സാധിച്ചെന്നു വരില്ല. അങ്ങനെയെങ്കിൽ ഇടയ്ക്ക് അതൊന്നു മാറ്റിപിടിക്കാം. ഹോം കുക്കിങ് ഷോ എന്ന യൂട്യൂബ് ചാനലാണ് അത് തയ്യാറാക്കുന്ന വിധം പരിചയപ്പെടുത്തി തരുന്നത്. 

Also Read: ഒരു കപ്പ് റവ കൈയ്യിലുണ്ടെങ്കിൽ ഇനി ബ്രേക്ക്ഫാസ്റ്റ് രുചികരമാക്കാം ഒപ്പം ഹെൽത്തിയും

ചേരുവകൾ

• കടല - 1 കപ്പ്
• പച്ചമുളക് - 3
• ഇഞ്ചി
• ജീരകം - 1 ടീസ്പൂൺ
• മഞ്ഞൾപ്പൊടി - 1/4 ടീസ്പൂൺ
• ഉപ്പ് - 1 ടീസ്പൂൺ
• മല്ലിയില
• തൈര് - 1/2 കപ്പ്
• ചുവന്നുള്ളി- 1/2 കപ്പ്
• നെയ്യ്

Also Read: അരിപ്പൊടിവേണ്ട, ബ്രേക്ക്ഫാസ്റ്റിന് പാലപ്പം 5 മിനിറ്റിൽ ചുട്ടെടുക്കാൻ ഇതാ ഒരു പൊടിക്കൈ

Also Read: സോഫ്റ്റ് മാത്രമല്ല ഇനി പുട്ട് ഹെൽത്തിയുമാക്കാം, ഈ റെസിപ്പി ട്രൈ ചെയ്യൂ

തയ്യാറാക്കുന്ന വിധം 

• ഒരു കപ്പ് കടല ഒരു രാത്രി വെള്ളത്തിൽ കുതിർത്തു വയ്ക്കാം. ശേഷം അതിലേയ്ക്ക് പച്ചമുളക്, ഇഞ്ചി, കറിവേപ്പില, ഒരു നുള്ള് മഞ്ഞൾപ്പൊടി, ആവശ്യത്തിന് ഉപ്പ്, മല്ലിയില, തൈര് എന്നിവ ചേർത്ത് നന്നായി അരച്ചെടുക്കാം. 
• ഇതിലേയ്ക്ക് കുറച്ച് വെള്ളം ഒഴിച്ച് ഒരിക്കൽ കൂടി അരയ്ക്കാം.
• അരച്ചെടുത്ത മാവ് മറ്റൊരു പാത്രത്തിലേയ്ക്കു പകർന്ന് കുറച്ചു സമയം അടച്ചു വയ്ക്കാം. 
• ഇടയ്ക്ക് ഇതിലേയ്ക്ക് ചുവന്നുള്ളി ചെറിയ കഷ്ണങ്ങളാക്കിയതും ചേർക്കാം. 
• ദോശ പാൻ അടുപ്പിൽ വച്ചു ചൂടാക്കാം. അതിൽ എണ്ണ​ പുരട്ടി ചൂടാക്കാം. ഇതിലേയ്ക്ക് മാവ് ഒഴിച്ച് ചുട്ടെടുക്കാം.
• ഇത് ചൂടോടെ ചമ്മന്തിക്കൊപ്പമോ സാമ്പാറിനൊപ്പമോ കഴിക്കാം.

Read More: ഇടിയപ്പം സോഫ്റ്റായി കിട്ടും, അരിപ്പൊടിയിലേയ്ക്ക് ഇത് രണ്ട് സ്പൂൺ ചേർക്കൂ