അരിപ്പൊടിവേണ്ട, ബ്രേക്ക്ഫാസ്റ്റിന് പാലപ്പം 5 മിനിറ്റിൽ ചുട്ടെടുക്കാൻ ഇതാ ഒരു പൊടിക്കൈ

അരി കുതിർത്ത്, അരച്ച്, പുളിപ്പിച്ചെടുക്കുന്ന മാവ് ഉപയോഗിച്ച് തയ്യാറാക്കുന്ന പാലപ്പം എപ്പോഴും തയ്യാറാക്കാൻ സാധിച്ചെന്നു വരില്ല. എങ്കിൽ ഇതൊന്നുമില്ലാതെ അധികം സമയം കളയാതെ നിമിഷ നേരം കൊണ്ട് തയ്യാറാക്കാൻ പറ്റിയ വിഭവമാണ് റവ പാലപ്പം. തിരക്കിട്ട പ്രഭാതങ്ങളിൽ ഇതുണ്ടെങ്കിൽ പിന്നെ ബ്രേക്ക്ഫാസ്റ്റ് മിനിറ്റുകൾക്കുള്ളിൽ തയ്യാറാക്കാം.

Also Read: പച്ചരിയും ഉഴുന്നും വേണ്ട, വേവിച്ച ചോറ് കൊണ്ട് 5 മിനിറ്റിൽ പഞ്ഞിപോലുള്ള ദോശ റെഡി 

ചേരുവകൾ

• റവ- 1 കപ്പ് 
• തേങ്ങ ചിരകിയത്- 1/2 കപ്പ് 
• ചോറ്- 1/4 കപ്പ് 
• പഞ്ചസാര- 2 ടേബിൾ സ്പൂൺ 
• ഉപ്പ്- ആവശ്യത്തിന് 
• ഇൻസ്റ്റൻ്റ് യീസ്റ്റ്- 1/2 ടീസ്പൂൺ
• ചെറുചൂടുവെള്ളം-1 1/2 കപ്പ് 

Also Read: ഓവൻ ഇല്ലാതെ പഞ്ഞിപോലുള്ള ക്രീം ബൺ തയ്യാറാക്കാൻ ഇതാ ഒരു പൊടിക്കൈ

Also Read: സോഫ്റ്റ് മാത്രമല്ല ഇനി പുട്ട് ഹെൽത്തിയുമാക്കാം, ഈ റെസിപ്പി ട്രൈ ചെയ്യൂ

തയ്യാറാക്കുന്ന വിധം 

• ആദ്യം ഒരു ചെറിയ പാത്രത്തിൽ 1/4 കപ്പ് ചെറുചൂടുവെള്ളത്തിൽ ഇൻസ്റ്റൻ്റ് യീസ്റ്റും ഒരു ടീസ്പൂൺ പഞ്ചസാരയും ചേർത്ത് നന്നായി ഇളക്കി യോജിപ്പിച്ച് 5 മുതൽ 10 മിനിറ്റ് വരെ മാറ്റിവെക്കാം. 
• ഒരു മിക്സിയുടെ ജാറിൽ റവ, ചിരകിയ തേങ്ങ, ചോറ്, ബാക്കിയുള്ള പഞ്ചസാര, ഉപ്പ് എന്നിവ ചേർക്കാം. ഇതിലേക്ക് തയ്യാറാക്കിയ യീസ്റ്റ് മിശ്രിതവും ആവശ്യത്തിന് ചെറുചൂടുവെള്ളവും ചേർക്കാം.
• ഇത് നന്നായി അരച്ചെടുക്കാം, ശേഷം ഒരു പാത്രത്തിലേയ്ക്കു മാറ്റി 2 മണിക്കൂറെങ്കിലും അടച്ചു സൂക്ഷിക്കാം. 
• പാലപ്പ ചട്ടി അടുപ്പിൽ വച്ചു ചൂടാക്കാം. അതിലേയ്ക്ക് തയ്യാറാക്കിയ മാവ് ഒഴിക്കാം. ശേഷം അടച്ചു വച്ച് വേവിക്കാം. 
• അരികുകൾ മൊരിഞ്ഞ തൂവെള്ള നിറത്തിലുള്ള പാലപ്പം ഇനി ചൂടോടെ കഴിച്ചു നോക്കൂ.

Read More: പ്രതിരോധശേഷി മാത്രമല്ല ദഹനാരോഗ്യവും മെച്ചപ്പെടുത്താം, ഇത് ദിവസവും കഴിക്കൂ