പച്ചരിയും ഉഴുന്നും വേണ്ട, വേവിച്ച ചോറ് കൊണ്ട് 5 മിനിറ്റിൽ പഞ്ഞിപോലുള്ള ദോശ റെഡി

രാത്രി ഭക്ഷണം കഴിച്ച ശേഷം അൽപ്പം ചോറ് ബാക്കി വന്നാൽ എന്ത് ചെയ്യും? കളയാതെ അതുകൊണ്ട് രുചികരവും മൃദുവുമായ ദോശ ഉണ്ടാക്കാം. ബാക്കി വന്ന ചോറ് ഉപയോഗിച്ച് തയാറാക്കുന്ന ദോശയ്ക്ക് സാധാരണ ദോശ മാവിനേക്കാൾ കൂടുതൽ മൃദുത്വം ഉണ്ടാകും. ഇത് പ്രഭാതഭക്ഷണത്തിനോ നാലുമണി പലഹാരമായോ ഉപയോഗിക്കാം. വിനീസ് കിച്ചൺ എന്ന യൂട്യൂബ് ചാനലാണ് ഈ റെസിപ്പി പരിചയപ്പെടുത്തി തരുന്നത്.

Also Read: ആരോഗ്യവും രുചിയും ഒരുമിച്ച്; ഇനി സാമ്പാർ പൊടി തയ്യാറാക്കുമ്പോൾ ഇത് പൊടിച്ചു ചേർക്കൂ

ചേരുവകൾ

• വേവിച്ച ചോറ്
• ചുവന്നുള്ളി
• ജീരകം
• തേങ്ങ
• റവ
• എണ്ണ
• ഉപ്പ്
• വെള്ളം

Also Read: ലഞ്ച് ബോക്സിലേയ്ക്ക് പ്രത്യേകം കറി വേണ്ട, 5 മിനിറ്റിൽ രുചികരമായ റൈസ് തയ്യാറാക്കാം

Also Read: ഡയറ്റിലാണോ? എങ്കിലിനി ബ്രേക്ക്ഫാസ്റ്റിന് ഇത് ശീലമാക്കൂ

തയ്യാറാക്കുന്ന വിധം

• വേവിച്ച ചോറിലേയ്ക്ക് കുറച്ച് വെള്ളം ഒഴിച്ച് അൽപ സമയം കുതിരാൻ മാറ്റി വയ്ക്കാം.
• ശേഷം അതിൽ രണ്ട് പിടിയെടുത്ത് മിക്സിയിലേയ്ക്കു മാറ്റാം.
• ഇതിലേയ്ക്ക് അൽപം ജീരകം, തേങ്ങ ചിരകിയത്, ആവശ്യത്തിന് ഉപ്പ്, ചുവന്നുള്ളി എന്നിവ ചേർക്കാം. കുറച്ച് വെള്ളം ഒഴിച്ച് ഇത് അരച്ചെടുക്കാം.
• ഒരു ബൗളിലേയ്ക്ക് ഇത് ഒഴിച്ചു വയ്ക്കാം. കട്ടി കൂടുതലാണെങ്കിൽ ചോറ് കുതിർത്ത് വെള്ളം അതിലേയ്ക്ക് ഒഴിച്ചിളക്കി യോജിപ്പിക്കാം. ഇതിൽ റവ കൂടി ചേർത്ത് യോജിപ്പിക്കാം.
• ഇത് 10 മിനിറ്റ് അടച്ച് മാറ്റി വയ്ക്കാം.
• ഒരു പാൻ അടുപ്പിൽ വച്ചു ചൂടാക്കാം. ശേഷം കുറച്ച് എണ്ണ പുരട്ടി ആവശ്യത്തിന് മാവ് ഒഴിക്കാം. മുകളിൽ കുറച്ച് നെയ്യ് പുരട്ടാം.
• ഇരുവശങ്ങളും ചുട്ടെടുത്ത ദോശ ചൂടോടെ കഴിച്ചു നോക്കാം. 

Read More: ഉപ്പുമാവ് കൊണ്ട് ബിരിയാണി ഉണ്ടാക്കി കഴിച്ചിട്ടുണ്ടോ? ഈ റെസിപ്പി ട്രൈ ചെയ്യൂ