ആരോഗ്യവും രുചിയും ഒരുമിച്ച്; ഇനി സാമ്പാർ പൊടി തയ്യാറാക്കുമ്പോൾ ഇത് പൊടിച്ചു ചേർക്കൂ

നമ്മുടെ അടുക്കളയിലെ ഒരു സൂപ്പർ ഹീറോയാണ് മുതിര (കുതിരപ്പയർ). കേവലം ഒരു ധാന്യം എന്നതിലുപരി, ഇത് പോഷകങ്ങളുടെ ഒരു കലവറ കൂടിയാണ്. തടി കുറയ്ക്കാനും, കിഡ്‌നിയിലെ കല്ലുകൾ നീക്കാനും, ദഹന സംബന്ധമായ പ്രശ്നങ്ങൾ പരിഹരിക്കാനും മുതിരയ്ക്ക് പ്രത്യേക കഴിവുണ്ട്. എന്നാൽ, മുതിര കഴിക്കാൻ പലർക്കും അത്ര ഇഷ്ടമുണ്ടാകില്ല. അത്തരക്കാർക്ക് മുതിരയുടെ എല്ലാ ഗുണങ്ങളും നഷ്ടപ്പെടാതെ, അത് ഏറ്റവും രുചികരമായ രീതിയിൽ എങ്ങനെ ഭക്ഷണത്തിൽ ഉൾപ്പെടുത്താം?

Also Read: 5 അല്ലി വെളുത്തുള്ളിയും ചെറിയ കഷ്ണം ഇഞ്ചിയും ഉണ്ടെങ്കിൽ തയ്യാറാക്കാം

അതിനൊരു ഉത്തരമാണ് മുതിര സാമ്പാർ! തനത് നാടൻ രുചിക്കൂട്ടുകളോടെ ഉണ്ടാക്കുന്ന ഈ സാമ്പാർ, സാധാരണ സാമ്പാറിനേക്കാൾ ആരോഗ്യകരവും അതുപോലെതന്നെ രുചികരവുമാണ്. മുതിരയുടെ ഗുണങ്ങളെല്ലാം നിലനിർത്തിക്കൊണ്ട്, നിങ്ങളുടെ ഊണിനെ കൂടുതൽ സമ്പന്നമാക്കുന്ന ഈ ഹോഴ്സ് ഗ്രാം  സാമ്പാർ എങ്ങനെ തയ്യാറാക്കാം എന്ന് പരിചയപ്പെടാം. ആർകെ റെസിപ്പി എന്ന ഇൻസ്റ്റഗ്രാം പേജാണ് ഇതിൻ്റെ റെസിപ്പി പരിചയപ്പെടുത്തി തരുന്നത്.

Also Read: ശരീരഭാരം നിയന്ത്രിക്കാം തിളക്കമുള്ള ചർമ്മം നേടാം, ഈ പുഡ്ഡിംഗ് കഴിക്കുന്നത് ശീലമാക്കൂ

ചേരുവകൾ

• മുതിര- 1 കപ്പ്
• ഉഴുന്ന് പരിപ്പ് - ½ കപ്പ്
• തക്കാളി - 2 (അരിഞ്ഞത്)
• പച്ചമുളക് - 2
• ഇഞ്ചി - 1 ഇഞ്ച് കഷണം
• ശർക്കര - ആവശ്യത്തിന്
• എണ്ണ - 1 ടേബിൾസ്പൂൺ
• കടുക് - 1/2 ടേബിൾസ്പൂൺ
• ഉലുവ - 1/2 ടേബിൾസ്പൂൺ
• കറിവേപ്പില - 8-10 ഇലകൾ
• വഴുതനങ്ങ- ആവശ്യത്തിന്
• മുരിങ്ങ- ആവശ്യത്തിന്
• സാമ്പാർ പൊടി - 2 ടേബിൾസ്പൂൺ
• മഞ്ഞൾ പൊടി - 1/4 ടേബിൾസ്പൂൺ
• ഉപ്പ്
• നെയ്യ് അല്ലെങ്കിൽ എണ്ണ - 1 ടേബിൾസ്പൂൺ

Also Read: രുചിയിലും ഗുണത്തിലും മുൻപിൽ തന്നെ ഈ ചമ്മന്തി, തേങ്ങ ഇല്ലാതെ അരച്ചെടുക്കാം

View this post on Instagram

A post shared by RK Recipes Bowl (@rk_recipes_bowl)

Also Read: തക്കാളി ഒരു മുറി ഉണ്ടെങ്കിൽ ദോശയ്ക്കും ചോറിനും ഈ ഒരു കറി മതി

തയ്യാറാക്കുന്ന വിധം

• മുതിരയും, പരിപ്പും വെള്ളത്തിൽ കഴുകിയെടുക്കാം. അടി കട്ടിയുള്ള ഒരു പാൻ അടുപ്പിൽ വച്ചു ചൂടാക്കാം. അതിലേയ്ക്ക് പരിപ്പും, മുതിരയും ചേർത്തു വറുക്കാം. അതിൻ്റെ നിറം മാറി വരുമ്പോൾ അടുപ്പണച്ച് തണുക്കാൻ വയ്ക്കാം. ശേഷം ഇത് നന്നായി പൊടിച്ചെടുക്കാം. 
• അതിലേയ്ക്ക് തേങ്ങ കഷ്ണങ്ങൾ ചേർത്ത് അരച്ചെടുക്കാം. 
• ഒരു ചീനച്ചട്ടി അടുപ്പിൽ വയ്ക്കാം. അതിൽ വെളിച്ചെണ്ണ ഒഴിച്ചു ചൂടാക്കാം. എണ്ണ ചൂടായി കഴിയുമ്പോൾ അതിലേയ്ക്ക് കടുകും, ഉലുവയും ചേർത്തു പൊടിക്കാം. 
• ശേഷം ചുവന്നുള്ളി ചേർത്തു വഴറ്റാം. അതിൻ്റെ നിറം മാറി വരുമ്പോൾ തക്കാളി കഷ്ണങ്ങളാക്കിയതും, വഴുതനങ്ങയും ചേർത്തു വഴറ്റാം. 
• പച്ചക്കറികൾ വെന്തു വരുമ്പോൾ മഞ്ഞൾപ്പൊടി, മുളകുപൊടി, കായപ്പൊടി, സാമ്പാർ പൊടി, ആവശ്യത്തിന് ഉപ്പ് എന്നിവ ചേർത്തിളക്കാം. ഇതിലേയ്ക്ക് അരപ്പ് ചേർത്ത് കുറച്ച് വെള്ളം ഒഴിച്ച് തിളപ്പിക്കാം. 
• മുകളിൽ മല്ലിയില ചേർത്ത് ചൂടോടെ വിളമ്പാം. 

Read More: ലഞ്ച് ബോക്സിലേയ്ക്ക് പ്രത്യേകം കറി വേണ്ട, 5 മിനിറ്റിൽ രുചികരമായ റൈസ് തയ്യാറാക്കാം