പ്രതിരോധശേഷി മാത്രമല്ല ദഹനാരോഗ്യവും മെച്ചപ്പെടുത്താം, ഇത് ദിവസവും കഴിക്കൂ

കടുകിനോളം വലിപ്പമുള്ള ഇത്തിരി കുഞ്ഞൻ എള്ളുകൾ നിസാരക്കാരല്ല. വലിപ്പത്തിലല്ല ഗുണത്തിലാണ് കാര്യം എന്ന് അവയെ നോക്കി ഉറപ്പിച്ചു പറയാം. അടുക്കളയിൽ സ്ഥിരമായി ഉപയോഗിക്കാറില്ലെങ്കിലും എള്ളുണ്ട കഴിക്കാത്ത മലയാളികൾ ഉണ്ടാവില്ല. ആസ്വദിച്ചു കഴിക്കുമ്പോൾ അതിൻ്റെ ഗുണത്തെ കുറിച്ച് ചിന്തിച്ചിട്ടുണ്ടോ?

Also Read: ദഹനം മെച്ചപ്പെടും ശരീരഭാരം കുറയും, ഉച്ചയൂണിലേയ്ക്ക് ഇത് ചേർക്കൂ

കാത്സ്യം, ഇരുമ്പ്, മറ്റ് ധാതുക്കൾ എന്നിവയാൽ സമ്പന്നമാണ് എള്ള്. ഇത് എല്ലുകൾക്ക് ബലം നൽകാനും ശരീരത്തിന് ഊർജ്ജം നൽകാനും സഹായിക്കുന്നു. കൂടാതെ, ഇതിലെ നാരുകൾ ദഹന പ്രക്രിയയെ സഹായിക്കുകയും ചെയ്യുന്നു. കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്ന ഈ നാടൻ പലഹാരം ഉണ്ടാക്കാൻ വളരെ എളുപ്പമാണ്. ഒരു തവണ തയ്യാറാക്കി വച്ചാൽ ഇത് ഏറെനാൾ കേടുകൂടാതെ സൂക്ഷിക്കാം.

Also Read: സോഫ്റ്റ് മാത്രമല്ല ഇനി പുട്ട് ഹെൽത്തിയുമാക്കാം, ഈ റെസിപ്പി ട്രൈ ചെയ്യൂ

ചേരുവകൾ

• എള്ള്- 1/2 കിലോ
• ശർക്കര- 1/2 കിലോ
• വെള്ളം- ആവശ്യത്തിന്
• ഏലയ്ക്ക- 2 

Also Read: ഇനി അരിപ്പൊടി വേണ്ട, ഒരു പിടി അവലുണ്ടെങ്കിൽ രുചികരമായ ഈ നാലുമണിപലഹാരം തയ്യാറാക്കാം

തയ്യാറാക്കുന്ന വിധം

• അര കിലോ എള്ള് വൃത്തിയായി കഴുകിയെടുക്കാം.
• അത് ഒരു പാനിലേയ്ക്കു മാറ്റി എണ്ണ ചേർക്കാതെ വറുത്തെടുക്കാം.
• മറ്റൊരു പാനിൽ അര കിലോ ശർക്കര പൊടിച്ചു ചേർക്കാം.
• അതിലേയ്ക്ക് വെള്ളം ഒഴിച്ച് അടുപ്പിൽ വയ്ക്കാം.
• ഏലയ്ക്ക പൊടിച്ചതു കൂടി ചേർത്ത് ശർക്കര നന്നായി അലിയുന്നതു വരെ ഇളക്കാം.
• അലിഞ്ഞു കിട്ടിയ ശർക്കര ലായനി തണുത്തതിനു ശേഷം അരിച്ചെടുക്കാം.
• വറുത്ത എള്ളിലേയ്ക്ക് അത് ഒഴിച്ചിളക്കാം.
• ശേഷം കൈ ഉപയോഗിച്ച് ചെറിയ ഉരുളകളാക്കി മാറ്റാം. 

Read More: ദിവസം തുടങ്ങാം ഉന്മേഷത്തോടെ ഒപ്പം ശരീരഭാരവും നിയന്ത്രിക്കാം; ബ്രേക്ക്ഫാസ്റ്റിനൊപ്പം ഇത് കുടിക്കൂ