മാവ് അരച്ചെടുക്കേണ്ട, അരിപ്പൊടിയിലേയ്ക്ക് ഇവ ചേർത്താൽ ഞൊടിയിടയിൽ ദോശ ചുട്ടെടുക്കാം

മലയാളികളുടെ അടുക്കളയിലെ സ്ഥിരം വിഭവമാണ് ദോശയും, ഇഡ്ഡലിയും. അൽപ്പം മാവ് അരച്ചെടുത്താൽ ദിവസങ്ങളോളം ഉപയോഗിക്കാം എന്നതും, തയ്യാറാക്കാൻ അധികം സമയം വേണ്ട എന്നതുമാണ് അടുക്കളയിലെ ഇവയുടെ പ്രാധാന്യത്തിനു കാരണം. 

Also Read: കരുത്തുള്ള ശരീരം നേടാം, ഇനി ചപ്പാത്തി തയ്യാറാക്കാൻ ഈ പൊടി ഉപയോഗിക്കൂ

എന്നും ഒരേ രീതിയിൽ തന്നെ രാവിലത്തെ പലഹാരം കഴിച്ചു മടുത്തോ?. എങ്കിൽ ദോശയ്ക്ക് അൽപ്പം മാറ്റം വരുത്തി നോക്കൂ. തലേ ദിവസം തന്നെ മാവ് തയ്യാറാക്കി സൂക്ഷിക്കാതെ ഇൻസ്റ്റൻ്റായി റെഡിയാക്കാവുന്ന ഒരു സ്പെഷ്യൽ റെസിപ്പിയുണ്ട്. ഹെൽത്തിയായ മിക്സ്ഡ് വെജിറ്റബിൾ ദോശ തയ്യാറാക്കുന്ന വിധം പരിചയപ്പെടാം. പ്രോട്ടീനും, നാരുകളും, കാർബോഹൈഡ്രോറ്റ്സും ചേർന്ന രുചികരമായ പലഹാരമാണിത്.

Also Read: പച്ചരിയും ഉഴുന്നും കൈയ്യിലില്ലേ? എങ്കിൽ ദോശ മാവ് അരയ്ക്കാൻ ഇത് ഒരു കപ്പ് ഉപയോഗിക്കൂ

ചേരുവകൾ

• അരി
• ക്യാപ്സിക്കം
• തക്കാളി
• സവാള
• ജീരകം
• തുവരപരിപ്പ്
• പച്ചമുളക്
• ഇഞ്ചി
• വറ്റൽമുളക്
• കുരുമുളക്
• ഉപ്പ്
• മല്ലിയില
• ബേക്കിങ് സോഡ
• ഉരുളക്കിഴങ്ങ്

Also Read: 1 കപ്പ് അരിയുണ്ടെങ്കിൽ ഇനി ഇഷ്ടം പോലെ ബർഫി കഴിക്കാം, സിംപിളാണ് റെസിപ്പി

തയ്യാറാക്കുന്ന വിധം

• ഒരു കപ്പ് അരിയിലേയ്ക്ക് ഇടത്തരം വലിപ്പത്തിലുള്ള രണ്ട് ഉരുളക്കിഴങ്ങ് വേവിച്ചെടുത്തത് ചേർത്ത് അരയ്ക്കാം
• അതിലേയ്ക്ക് ആവശ്യത്തിന് ഉപ്പ്, കുരുമുളകുപൊടി, വറ്റൽമുളക് ചതച്ചത് എന്നിവ ചേർത്തിളക്കി പതിനഞ്ചു മിനിറ്റ് മാറ്റി വെയ്ക്കാം.
• ഒരു പാൻ അടുപ്പിൽ വെച്ച് അൽപ്പം എണ്ണയൊഴിച്ചു ചൂടാക്കി കുറച്ച് ജീരകം, തുവരപരിപ്പ് എന്നിവ വറുക്കാം.
• അതിലേയ്ക്ക് ചെറുതായി  അരിഞ്ഞ പച്ചമുളക്, ഇഞ്ചി, വെളുത്തുള്ളി എന്നിവ ചേർത്തിളക്കാം.
• സവാളയും ക്യാപ്സിക്കവും തക്കാളിയും ചെറുതായി അരിഞ്ഞതു ചേർത്ത് വഴറ്റാം.
• ഇത് മാറ്റി വെച്ചിരിക്കുന്ന മാവിലേയ്ക്ക് അൽപ്പം ബേക്കിങ് സോഡയോടൊപ്പം ചേർത്തിളക്കുക. മല്ലിയില കൂടി ആവശ്യമെങ്കിൽ ചേർക്കാം.
• പാൻ അടുപ്പിൽ  വെച്ച് എണ്ണയൊഴിച്ചു ചൂടാക്കി മാവൊഴിച്ച് ഇരുവശങ്ങളും വേവിച്ചെടുക്കാം.

Read More: ബാക്കി വന്ന ചപ്പാത്തി ഉപയോഗിച്ച് ഇനി ചിപ്സ് മുതൽ ഉപ്പുമാവ് വരെ തയ്യാറാക്കാം, ഇതിലൊരു റെസിപ്പി ട്രൈ ചെയ്യൂ