1 കപ്പ് അരിയുണ്ടെങ്കിൽ ഇനി ഇഷ്ടം പോലെ ബർഫി കഴിക്കാം, സിംപിളാണ് റെസിപ്പി

പഞ്ചസാരയും പാലും പ്രധാന ചേരുവകളാക്കി എളുപ്പത്തിൽ ഉണ്ടാക്കാവുന്ന ഒരു പരമ്പരാഗത ഇന്ത്യൻ മധുരപലഹാരമാണ് ബർഫി. വടക്കേ ഇന്ത്യയിലെ പ്രധാനപ്പെട്ട മധുരവിഭവമായ ഇതിന് ഉത്സവകാലത്തും വിശേഷ അവസരങ്ങളിലും വലിയ സ്ഥാനമുണ്ട്.

Also Read: കരുത്തുള്ള ശരീരം നേടാം, ഇനി ചപ്പാത്തി തയ്യാറാക്കാൻ ഈ പൊടി ഉപയോഗിക്കൂ

'ബർഫ്' എന്ന പേര് മഞ്ഞുകട്ടയെ സൂചിപ്പിക്കുന്നതിനാൽ, കട്ടിയുള്ളതും എന്നാൽ വായിലിട്ടാൽ അലിഞ്ഞുപോകുന്നതുമായ ഇതിൻ്റെ ഘടനയാണ് ഈ പേരിന് പിന്നിൽ. ഇത് തയ്യാറാക്കാൻ മൈദയോ ഗോതമ്പ് പൊടിയോ വേണ്ട. വീട്ടിൽ സുലഭമായ അരി മാത്രം മതി ഇനി സിംപിളായി ബർഫി വീട്ടിൽ തയ്യാറാക്കാം.  

ചേരുവകൾ

• അരി- 3/4 കപ്പ്
• തേങ്ങ ചിരകിയത്- 1 കപ്പ്
• ശർക്കര- 1 1/2 കപ്പ്
• ഏലയ്ക്ക്- 4
• പാൽ- 2 1/2 കപ്പ്
• നെയ്യ്- 1 സ്പൂൺ

Also Read: 4 ചേരുവകൾ കൊണ്ട് 5 മിനിറ്റിൽ ഒരു ക്രിസ്പി സ്നാക് തയ്യാറാക്കാം

Also Read: കുറഞ്ഞ സമയത്തിൽ കൂടുതൽ രുചികരമായ വിഭവങ്ങൾ തയ്യാറാക്കാം, ഇനി കൂൺ കിട്ടിയാൽ ഈ റെസിപ്പികൾ ട്രൈ ചെയ്യൂ

തയ്യാറാക്കുന്ന വിധം

• അടി കട്ടിയുള്ള ഒരു ചീനച്ചട്ടി അടുപ്പിൽ വച്ച് ചൂടാക്കാം. അതിലേയ്ക്ക് കഴുകി വാരിയ മുക്കാൽ കപ്പ് അരി ചേർത്ത് നന്നായി വറുക്കം.
• വറുത്തെടുത്ത അരി തണുക്കുമ്പോൾ അത് മിക്സിയിലേയ്ക്ക് മാറ്റി പൊടിച്ചെടുക്കാം.
• ഇതിലേയ്ക്ക് ഒരു കപ്പ് തേങ്ങ ചിരകിയതും നാല് ഏലയ്ക്കയും ചേർത്ത് ഒരിക്കൽ കൂടി അരയ്ക്കാം. ഒരു പാനിലേയ്ക്ക് രണ്ട് കപ്പ് പാലെടുത്ത് തിളപ്പിക്കാം.
• പാൽ തിളച്ചു വരുമ്പോൾ പൊടിച്ചെടുത്ത അരി ചേർത്തിളക്കി യോജിപ്പിക്കാം. പാല് വറ്റിവരുമ്പോൾ മധുരത്തിന് ഒന്നര കപ്പ് ശർക്കര ലായനിയും ഒരു ടീസ്പൂൺ നെയ്യും ചേർത്തിളക്കാം.
• വെള്ളം വറ്റിയതിനു ശേഷം അടുപ്പണയ്ക്കാം. ഒരു പാത്രത്തിൽ കുറച്ച് നെയ്യ് പുരട്ടി തയ്യാറാക്കിയ മിശ്രിതം അതിലേയ്ക്കു മാറ്റാം. ശേഷം തണുക്കാൻ മാറ്റി വയ്ക്കാം.
• തണുത്തതിനു ശേഷം ഇത് ആവശ്യാനുസരണം മുറിച്ചു കഴിക്കാം. 

Read More: പച്ചരിയും ഉഴുന്നും കൈയ്യിലില്ലേ? എങ്കിൽ ദോശ മാവ് അരയ്ക്കാൻ ഇത് ഒരു കപ്പ് ഉപയോഗിക്കൂ