രണ്ട് കപ്പ് റവ എടുത്തോളൂ, ഇനി ഇടിയപ്പം സോഫ്റ്റായി തയ്യാറാക്കാം

ഇടിയപ്പവും മുട്ടക്കറിയും മലയാളികൾക്ക് ഏറെ പ്രിയമാണ്. എന്നാൽ മുട്ടക്കറിയോടൊപ്പം മാത്രമല്ല, കടലക്കറി, ചിക്കൻ കറി, വെജിറ്റബിൾ കുറുമ എന്നിവയോടൊപ്പവും ചേർന്നുപോവുന്ന ബ്രേക്ക്ഫാസ്റ്റ് വിഭവമാണ് ഇടിയപ്പം. പ്രഭാത ഭക്ഷണമായി പലരും വീടുകളിൽ ഇടിയപ്പം തയ്യാറാക്കാറുണ്ട്. അരിപ്പൊടിയാണ് ഇതിൻ്റെ മാവിനായി ഉപയോഗിക്കാറുള്ളത്. എന്നാൽ അരിപ്പൊടി ഇല്ലെങ്കിലും ഹെൽത്തിയായി ഇടിയപ്പം തയ്യാറാക്കാൻ റവ ഉപയോഗിക്കാം. രുചികരം എന്ന യൂട്യൂബ് ചാനലാണ് അത് തയ്യാറാക്കുന്ന വിധം പരിചയപ്പെടുത്തി തരുന്നത്.

Also Read: ഇനി മാവ് കുഴയ്ക്കുമ്പോൾ ഇത് കൂടി ചേർക്കാം, ചപ്പാത്തി സോഫ്റ്റും രുചികരവുമാക്കാം

ചേരുവകൾ

• റവ- 2 കപ്പ്
• തേങ്ങ ചിരകിയത്- ആവശ്യത്തിന്
• എണ്ണ- 1 ടീസ്പൂൺ
• വെള്ളം- 4 കാപ്പ്
• ഉപ്പ്- ആവശ്യത്തിന്

Also Read: പഞ്ഞി പോലുള്ള പുട്ടിന് അരിപ്പൊടിയും ഗോതമ്പും വേണ്ട, ഇത് രണ്ട് കപ്പ് ഉപയോഗിക്കാം

Also Read: ശരീരഭാരം അതിവേഗം കുറയ്ക്കാം, രാവിലെയോ രാത്രിയോ ഇത് കഴിച്ചാൽ മതി

തയ്യാറാക്കുന്ന വിധം

• ഒരു സോസ് പാൻ അടുപ്പിൽ വച്ച് നാല് കപ്പ് വെള്ളം അതിലേയ്ക്ക് ഒഴിച്ച് ചൂടാക്കാം.
• ചൂടായി വരുമ്പോൾ ഒരു ടീസ്പൂൺ എണ്ണ ഒഴിച്ച് ആവശ്യത്തിന് ഉപ്പും ചേർത്തു തിളപ്പിക്കാം.
• വെള്ളം തിളച്ചു വരുമ്പോൾ തീ കുറച്ചു വച്ച് രണ്ട് കപ്പ് റവ ചേർത്തിളക്കാം.
• ശേഷം അടച്ചു വച്ച് വേവിക്കാം. വെള്ളം വറ്റി റവ  വെന്തു കഴിയുമ്പോൾ അടുപ്പണയ്ക്കാം.
• ഇഡ്ഡലി പാത്രത്തിൽ വെള്ളമെടുത്ത് അടുപ്പിൽ വച്ചു ചൂടാക്കാം. ഇഡ്ഡലി തട്ടിൽ നെയ്യ് പുരട്ടാം.
• സേവനാഴിയിലേയ്ക്ക് വെന്ത റവ മാറ്റി ഇഡ്ഡലി തട്ടിലേയ്ക്ക് പിഴിഞ്ഞെടുക്കാം.  മുകളിൽ കുറച്ച് തേങ്ങ ചിരകിയതും വയ്ക്കാം.
• ഇത് അടച്ചു വച്ച് 10 മുതൽ 15 മിനിറ്റു വരെ വേവിക്കാം. ശേഷം ചൂടോടെ കഴിച്ചു നോക്കൂ. 

Read More: റവ മാത്രമല്ല, ഇവ കൂടി ചേർത്താൽ ഉപ്പുമാവ് ആരും കഴിച്ചു പോകും