ശരീരഭാരം അതിവേഗം കുറയ്ക്കാം, രാവിലെയോ രാത്രിയോ ഇത് കഴിച്ചാൽ മതി

പ്രഭാതഭക്ഷണം ഒഴിവാക്കുകയോ പോഷകങ്ങൾ ഇല്ലാത്ത ഭക്ഷണം കഴിക്കുകയോ ചെയ്യുന്നത് നിങ്ങളുടെ ആരോഗ്യത്തെ ബാധിക്കും. ശരീരത്തിന് ആവശ്യമായ പോഷകങ്ങൾ ലഭ്യമാക്കുന്നതിനൊപ്പം തന്നെ ശരീരഭാരം വർധിക്കാതിരിക്കാനും വഴിയുണ്ട്. അതിന് സഹായകരമായ ഈ കഞ്ഞി ഭക്ഷണക്രമത്തിൽ ഉൾപ്പെടുത്താം.

Also Read: വിശപ്പ് ശമിപ്പിക്കുക മാത്രമല്ല രക്തസമ്മർദ്ദം കുറയ്ക്കാം ആരോഗ്യം നേടാം, ദിവസവും ഇവ ഭക്ഷണത്തിൽ ഉൾപ്പെടുത്തൂ

ഇതിൽ പോഷക സമ്പന്നമായ പല ചേരുവകൾ ഉണ്ട്. പ്രോട്ടീൻ സമ്പുഷ്ടമായതിനാൽ ഇത് ശരീരത്തിന് ശക്തി നൽകുക മാത്രമല്ല, ശരീരഭാരം കുറയ്ക്കാനും സഹായിക്കുന്നു. ഈ കഞ്ഞി എങ്ങനെ ഉണ്ടാക്കാമെന്ന് നോക്കാം.

Also Read: റവയിലേയ്ക്ക് ഇതു കൂടി അരച്ചു ചേർക്കാം, ഇനി ബ്രേക്ക്ഫാസ്റ്റിന് ഇഡ്ഡലി 5 മിനിറ്റിൽ റെഡിയാക്കാം

ചേരുവകൾ

• ബ്രൗൺ റൈസ് - 1 കപ്പ്
• പയർ - 1 കപ്പ്
• വെളുത്തുള്ളി - 4-5 അല്ലി
• ചുവന്നുള്ളി- 5
• കാരറ്റ് - 1
• ജീരകം - 1/2 ടീസ്പൂൺ
• ഉലുവ - 1/4 ടീസ്പൂൺ
• പച്ചമുളക് - 1
• ഉപ്പ് - ആവശ്യത്തിന്
• വെള്ളം - 5 കപ്പ്
• ചൂടുവെള്ളം - ആവശ്യത്തിന്
• തേങ്ങ ചിരകിയത് - 1/2 കപ്പ്

Also Read: ഊർജ്ജവും ഉന്മേഷവും വീണ്ടെടുക്കാൻ രാവിലെ ഇത് കുടിച്ചു ദിവസം തുടങ്ങൂ

തയ്യാറാക്കുന്ന വിധം

• ഒരു കപ്പ് ബ്രൗൺ റൈസും പച്ചപയറും നന്നായി കഴുകിയെടുക്കാം. അതിലേയ്ക്ക് ചെറുതായി അരിഞ്ഞ വെളുത്തുള്ളി, ചുവന്നുള്ളി, കാരറ്റ് കഷ്ണങ്ങൾ, ജീരകം, ഉലുവ, പച്ചമുളക്, ആവശ്യത്തിന് ഉപ്പ് എന്നിവ ചേർക്കാം. ശേഷം 5 കപ്പ് വെള്ളം അതിലേയ്ക്ക് ഒഴിച്ച് 8 മുതൽ 9 വരെ വിസിൽ അടിയ്ക്കാൻ വയ്ക്കാം. വിസിൽ വന്നതിനു ശേഷം അടുപ്പണച്ച് പ്രഷർ പോയി കഴിയുമ്പോൾ തുറക്കാം. ഒരു ഫോർക്ക് ഉപയോഗിച്ച് അരിയും പയറും ഉടയ്ക്കാം. 
• അവസാനം ആവശ്യമായ അളവിൽ ചൂടുവെള്ളം ഒഴിച്ച് അതിലേയ്ക്ക് തേങ്ങ ചിരകിയതു ചേർത്തിളക്കി യോജിപ്പിക്കാം. ഇത് ചൂടോടെ വിളമ്പാം.
• രുചികരവും ആരോഗ്യകരവുമായ ഒരു പയർ കഞ്ഞിയാണിത്. ചമ്മന്തി, അച്ചാർ എന്നിവ ഇതിനൊപ്പം കഴിക്കാവുന്നതാണ്. 
• രുചിയിൽ മാത്രമല്ല പ്രോട്ടൻ സമ്പന്നമായ ഈ കഞ്ഞിയുടെ ഗുണവും നിങ്ങളെ അത്ഭുതപ്പെടുത്തും. 
• രാവിലെ ഈ കഞ്ഞി കുടിക്കുന്നത് അനാവശ്യമായ കൊഴുപ്പ് അലിയിച്ചു കളയാൻ സഹായിക്കും. 

Read More: ഊർജ്ജവും ഉന്മേഷവും നേടാം, ബ്രേക്ക്ഫാസ്റ്റിൽ ഇതും ഉൾപ്പെടുത്തൂ