റവയിലേയ്ക്ക് ഇതു കൂടി അരച്ചു ചേർക്കാം, ഇനി ബ്രേക്ക്ഫാസ്റ്റിന് ഇഡ്ഡലി 5 മിനിറ്റിൽ റെഡിയാക്കാം

ഇഡ്ഡലി  നമ്മുടെ തനത് ഭക്ഷണമാണ്. അരിയും ഉഴുന്നും അരച്ച് പുളിപ്പിച്ചെടുക്കുന്ന മാവ് കൊണ്ട് ആവിയിൽ  വേവിച്ചെടുക്കുന്ന ചൂടൻ ഇഡ്ഡലിയ ചട്നിയോ അല്ലെങ്കിൽ സാമ്പറോ ചേർത്ത് കഴിക്കാൻ അടിപൊളി രുചിയാണ്.  ഈതേ ഇഡ്ഡലി സ്ഥിരമായി കഴിക്കുമ്പോൾ മടുപ്പ് തോന്നില്ലേ?. എങ്കിൽ അതിൻ്റെ നൂതനമായ മറ്റൊരു വെറൈറ്റി പരീക്ഷിച്ചാലോ?.

അരിയും ഉഴുന്നും വേണ്ട. കുറച്ച് തക്കാളിയും റവയും തൈരും ചേർത്ത് മാവ് തയ്യാറാക്കിക്കോളൂ. ഇൻസ്റ്റൻ്റ് ആയിട്ടാണ് വേണ്ടതെങ്കി. ഇതിലൽപ്പം ബേക്കിങ് സോഡ ചേർത്തിളക്കി അഞ്ച് മിനിറ്റ് വെച്ച് ഇഡ്ഡലി പാത്രത്തിൽ തന്നെ ആവിയിൽ വേവിച്ചെടുത്തോളൂ. 

Also Read: പാലപ്പം സോഫ്റ്റും രുചികരവുമാക്കാൻ ഈസ്റ്റും കള്ളും വേണ്ട, ഈ ഒരു പൈടിക്കൈ മതി

റവയുടെ സോഫ്റ്റ്നെസും തക്കാളിയുടെ പുളിപ്പും, സ്വൽപ്പം എരിവുമൊക്കെ ചേർന്ന ഈ സ്പെഷ്യൽ ഇഡ്ഡലി കുട്ടികൾക്ക് എന്തായാലും ഇഷ്ട്ടപ്പെടും.  നുസീറ തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• തക്കാളി 
• റവ 
• മുളകുപൊടി 
• ഉപ്പ്
• വെളിച്ചെണ്ണ
• മല്ലിയില
• തൈര്
• വെളിച്ചെണ്ണ
• കടുക്
• ഉഴുന്ന്
• ബേക്കിങ് സോഡ

Also Read: ഒരു കപ്പ് ഗോതമ്പ് പൊടിയിലേയ്ക്ക് ഇവ മൂന്നും ചേർത്തു നോക്കൂ, ഇനി ദോശ കിടിലൻ രുചിയിൽ കഴിക്കാം

View this post on Instagram

A post shared by Nuseera PA (@dians_kannur_kitchen)

Also Read: ഇനി രസത്തിന് രുചി കൂടും, ഒപ്പം ഈ ബോണ്ട കൂടി ഉണ്ടെങ്കിൽ

തയ്യാറാക്കുന്ന വിധം

• അടി കട്ടിയുള്ള ഒരു പാത്രം അടുപ്പിൽ വെച്ച അൽപ്പം എണ്ണയൊഴിച്ചു ചൂടാക്കി ഒരു സവാള ചെറുതായി അരിഞ്ഞ് വഴറ്റാം.
• ഇതിലേയ്ക്ക് നന്നായി പഴുത്ത മൂന്ന് തക്കാളി ചെറുതായി അരിഞ്ഞതു ചേർത്ത് വേവിച്ച് ഉടച്ച് മാറ്റിവെയ്ക്കാം.
• മറ്റൊരു പാൻ അടുപ്പിൽ വെച്ച് കുറച്ച് എണ്ണയൊഴിച്ചു ചൂടാക്കി അൽപ്പം കടുക്, ഉഴുന്ന് എന്നിവ വറുക്കാം.
• ഇതിലേയ്ക്ക് ഒരു കപ്പ് റഴ ചേർത്തു വറുക്കാം.  
• ഉടച്ചു വെച്ചിരിക്കുന്ന തക്കാളിയും, അര ടീസ്പൂൺ മുളകുപൊടിയും ആവശ്യത്തിന് ഉപ്പും ചേർത്തിളക്കാം.
• ഒരു കപ്പ് തൈരും ആവശ്യത്തി വെള്ളവും ഒഴിച്ച് മാവ് കലക്കി അൽപ്പ സമയം മാറ്റി വെയ്ക്കാം. ഒരു നുള്ള ബേക്കിങ് സോഡ കൂടി ചേർത്തിളക്കിയെടുക്കാം.
• ഇഡ്ഡലി തയ്യാറാക്കുന്ന പാത്രം അടുപ്പിൽ വെച്ച് മാവ് ഒഴിച്ച് ആവിയിൽ വേവിച്ചെടുക്കാം. 

Read More: പത്ത് മിനിറ്റിൽ സിംപിളായൊരു ബ്രേക്ക്ഫാസ്റ്റ് വേണോ? എങ്കിൽ ഇതൊരു തവണ​ ട്രൈ ചെയ്യൂ