പാലപ്പം സോഫ്റ്റും രുചികരവുമാക്കാൻ ഈസ്റ്റും കള്ളും വേണ്ട, ഈ ഒരു പൈടിക്കൈ മതി

മലയാളികളുടെ പാൻകേക്കാണ് പാലപ്പം. രുചിയിലും ആകൃതിയിലും പ്രകൃതത്തിലും ഏറെ വ്യത്യസ്തമാണത്. അരിപ്പൊടി കൊണ്ട് തയ്യാറാക്കുന്ന മാവ് പുളിപ്പിച്ചെടുത്താണ് സാധാരണ പാലപ്പം ചുട്ടെടുക്കാറുള്ളത്. മാവ് പുളിപ്പിക്കാൻ കള്ളാണ് ഉപയോഗിക്കാറുള്ളത്. അത് പാലപ്പം സോഫ്റ്റാകാനും സഹായിക്കും. അതില്ലാതെയും പൂപോലുള്ള പാലപ്പം ചുട്ടെടുക്കാം. ചേരുവകളിൽ അൽപം മാറ്റം വരുത്തിയാൽ മതി.  

Also Read: അരിപ്പൊടിയും രണ്ട് നേന്ത്രപ്പഴവും മതി, ഇനി ദിവസങ്ങൾക്കു മുമ്പ് ദോശ മാവ് അരച്ചെടുത്തു സൂക്ഷിക്കേണ്ട

ചേരുവകൾ

• പച്ചരി- 1 1/2 കപ്പ്
• തേങ്ങ- 1 കപ്പ്
• ചോറ്- 1/2 കപ്പ്
• തേങ്ങാവെള്ളം- ആവശ്യത്തിന്
• പഞ്ചസാര- ആവശ്യത്തിന്

Also Read: അരിയും ഉഴുന്നും കുതിർത്തു വയ്‌ക്കേണ്ട, ഈ​ പൊടി ഒരു കപ്പ് ഉണ്ടെങ്കിൽ ദോശ ഇൻസ്റ്റൻ്റായി ചുട്ടെടുക്കാം

തയ്യാറാക്കുന്ന വിധം

• ഒന്നര കപ്പ് പച്ചരി വെള്ളത്തിലെടുത്തു 8 മണിക്കൂർ കുതിർക്കാൻ വയ്ക്കാം. 
• ഒരു കപ്പ് തേങ്ങ ചിരകിയതിലേയ്ക്ക് അര കപ്പ് വേവിച്ച ചോറും ആവശ്യത്തിന് ഉപ്പും ചേർക്കാം. 
• അതിലേയ്ക്ക് കുറച്ച് വെള്ളം ഒഴിച്ച് അരച്ചെടുക്കാം. 
• ഒന്നര കപ്പ് പച്ചരി പ്രത്യേകം അരച്ചെടുക്കാം. അതിലേയ്ക്ക് തേങ്ങ അരച്ചതും ചേർത്തിളക്കി യോജിപ്പിക്കാം. 

Also Read: ഇത് ഒരു തുള്ളി ഗോതമ്പ് പൊടിയിലേയ്ക്കു ചേർക്കൂ, ചപ്പാത്തി മൃദുവാകാൻ ഒരു കിടിലൻ വിദ്യ

• ഒരു തേങ്ങയുടെ വെള്ളത്തിലേയ്ക്ക് ഒരു ടീസ്പൂൺ പഞ്ചസാര ചേർത്തിളക്കി യോജിപ്പിക്കാം. ഇത് മാവിലേയ്ക്കു ചേർത്തിളക്കി യോജിപ്പിക്കാം. 
• ഈ മാവ് 8 മണിക്കൂർ അടച്ചു മാറ്റി വയ്ക്കാം. 
• മാവ് പുളിച്ചതിനു ശേഷം അടുപ്പിൽ വച്ചു ചൂടാക്കിയ അപ്പ ചട്ടിയിലേയ്ക്ക് ഒഴിച്ച് ചുട്ടെടുക്കാം. 

Read More: രണ്ട് ഉരുളക്കിഴങ്ങും തൈരും മതി, ഇനി ബ്രേക്ക്ഫാസ്റ്റ് 5 മിനിറ്റിൽ റെഡി