രണ്ട് ഉരുളക്കിഴങ്ങും തൈരും മതി, ഇനി ബ്രേക്ക്ഫാസ്റ്റ് 5 മിനിറ്റിൽ റെഡി

രാവിലത്തെ സ്ഥിരം ബ്രേക്ക്ഫാസ്റ്റ് ദോശയാണോ? അരിയും ഉഴുന്നും നേരത്തെ തന്നെ അരച്ച് മാവ് തയ്യാറാക്കി സൂക്ഷിക്കുന്നതായിരിക്കും പതിവ്. എന്നാൽ എല്ലായിപ്പോഴും ഇങ്ങനെ മാവ് നേരത്തെ അരച്ചു വയ്ക്കാൻ സാധിച്ചെന്നു വരില്ല. അങ്ങനെയെങ്കിൽ പച്ചരി മാത്രം മതി, ഒരു ഉരുളക്കിഴങ്ങ് കൂടി ചേർത്ത് മാവ് അരച്ചെടുക്കാം. ഇനി ദിവസവും രാവിലെ ക്രിസ്പിയായി ദോശ ചുട്ടെടുക്കാം. ഇച്ചൂസ് കിച്ചൺ എന്ന യൂട്യൂബ് ചാനലാണ് ഈ ദോശ റെസിപ്പി പരിചയപ്പെടുത്തി തരുന്നത്.

Also Read: പൂ പോലുള്ള ഇഡ്ഡലിക്ക് മാവ് ഇങ്ങനെ അരച്ചെടുക്കൂ

ചേരുവകൾ

• പച്ചരി- 1 കപ്പ്
• ഉരുളക്കിഴങ്ങ്- 2 എണ്ണം
• തൈര്- 1/4 കപ്പ്
• ബേക്കിംഗ് സോഡ- 1/4 ടീസ്പൂൺ

Also Read: അരിയും ഉഴുന്നും അല്ല, ഒരു കപ്പ് റവയിലേയ്ക്ക് ഈ കറി ചേർത്താൽ രുചികരവും സോഫ്റ്റുമായ ദോശ ഇൻസ്റ്റൻ്റായി ചുട്ടെടുക്കാം

Also Read: ഒരു കപ്പ് ഗോതമ്പ് പൊടി ഇത് ഒഴിച്ചു കുഴയ്ക്കൂ, ഇനി ചപ്പാത്തി കൂടുതൽ സോഫ്റ്റ് മാത്രമല്ല രുചികരവുമാകും

തയ്യാറാക്കുന്ന വിധം

• ഒരു കപ്പ് പച്ചരി അൽപ്പം വെള്ളത്തിൽ കുതിർത്തു വയ്ക്കാം.
• രണ്ട് ഉരുളക്കിഴങ്ങ് പുഴുങ്ങി തൊലി കളഞ്ഞ് ഉടച്ചെടുക്കാം.
• കുതിർത്തെടുത്ത പച്ചരിയിലേയ്ക്ക് ഉരുളക്കിഴങ്ങ് ഉടച്ചതും, കാൽ കപ്പ് തൈരും ചേർക്കാം.
• ഒരു കപ്പ് പച്ചരിക്ക് ഒന്നേ കാൽ കപ്പ് വെള്ളം എന്ന കണക്കിൽ ഒഴിച്ച് അരി അരച്ചെടുക്കാം.
• അത് മറ്റൊരു ബൗളിലേക്ക് മാറ്റാം.
• ഇതിലേക്ക് ആവശ്യത്തിന് ഉപ്പ്, കാൽ ടീസ്പൂൺ ബേക്കിംഗ് സോഡ എന്നിവ ചേർത്ത് നന്നായി ഇളക്കി യോജിപ്പിക്കാം.
• ഒരു പാൻ അടുപ്പിൽ വച്ച് ചൂടാക്കാം.
• അതിലേക്ക് ആവശ്യത്തിന് മാവ് ഒഴിച്ച് ഇരുവശങ്ങളും ചുട്ടെടുക്കാം.
• മുകളിലായി മുളകുപൊടിയും നെയ്യും കലക്കിയെടുത്തത് പുരട്ടാം. ചൂടോടെ കഴിച്ചു നോക്കൂ.

Read  More: അരിയും ഉഴുന്നും കുതിർത്തു വയ്‌ക്കേണ്ട, ഈ​ പൊടി ഒരു കപ്പ് ഉണ്ടെങ്കിൽ ദോശ ഇൻസ്റ്റൻ്റായി ചുട്ടെടുക്കാം