ഒരു കപ്പ് ഗോതമ്പ് പൊടി ഇത് ഒഴിച്ചു കുഴയ്ക്കൂ, ഇനി ചപ്പാത്തി കൂടുതൽ സോഫ്റ്റ് മാത്രമല്ല രുചികരവുമാകും

വീട്ടിൽ പലപ്പോഴും ചപ്പാത്തി തയ്യാറാക്കാറുണ്ടെങ്കിലും അത് സോഫ്റ്റായി കിട്ടിയില്ലെങ്കിൽ പിന്നെ കഴിക്കാൻ സുഖമുണ്ടാകില്ല. ഒപ്പം രുചികരമായ കറി കൂടിയില്ലെങ്കിൽ പിന്നെ ബ്രേക്ക്ഫാസ്റ്റ് മടുപ്പാകും. എന്നാൽ ഇനി അതോർത്ത് വിഷമിക്കേണ്ട. സോഫ്റ്റും രുചികരവുമായ ചപ്പാത്തി ഇൻസ്റ്റൻ്റായി ചുട്ടെടുക്കാം. അതിനായി ഗോതമ്പ് പൊടി കുഴയ്ക്കുമ്പോൾ മറ്റ് ചില ചേരുവകളും ഉൾപ്പെടുത്താം. 

Also Read: ഉഴുന്നു വേണ്ട, അരിയിലേയ്ക്ക് ഇവ രണ്ടും ചേർത്ത് മാവ് അരയ്ക്കൂ; പഞ്ഞിപോലുള്ള ദോശ കഴിക്കാം

ശരീരഭാര നിയന്ത്രണത്തിന് അനുയോജ്യമായ ഭക്ഷണമാണ് ചപ്പാത്തി. അമിതമായി വിശക്കുന്നത് തടയുന്നു. ഇത് ശരീരഭാരം കുറയ്ക്കാൻ ഏറെ സഹായകരമാണ്. രക്തത്തിലെ പഞ്ചസാരയുടെ അളവ് നിയന്ത്രിക്കാൻ ഭക്ഷണക്രമത്തിൽ ഗോതമ്പ് ഉൾപ്പെടുത്തുന്നത് ഉചിതമാണ്. ഇനി ചപ്പാത്തി മാവ് ഒരു തവണ ഇങ്ങനെ കുഴച്ച് ചുട്ടു നോക്കൂ.

Also Read: മാവ് കുഴച്ച് കഷ്ടപ്പെടേണ്ട, പൂപോലുള്ള പൊറോട്ട തയ്യാറാക്കാൻ ഇതാ ചില പൊടിക്കൈകൾ

ചേരുവകൾ

• തക്കാളി- 2
• വെള്ളം- 1 1/2 കപ്പ്
• ഉപ്പ്- 1/2 ടീസ്പൂൺ
• മഞ്ഞൾപ്പൊടി- 1/4 ടീസ്പൂൺ
• ഗോതമ്പ് മാവ്- 1 കപ്പ്
• ഓട്സ് - 1/2 ടീസ്പൂൺ
• എണ്ണ- അല്പം
• മുട്ട- 2
• മഞ്ഞൾപ്പൊടി- 1/4 ടീസ്പൂൺ
• മുളകുപൊടി- 1 ടീസ്പൂൺ
• ഉപ്പ്- 1/4 ടീസ്പൂൺ
• മല്ലി- അല്പം

Also Read: ഗോതമ്പ് പൊടിയിൽ ഇവ ചേർത്താൽ ചപ്പാത്തി പൊങ്ങിവരും പഞ്ഞിപോലെ സോഫ്റ്റാകും

തയ്യാറാക്കുന്ന വിധം

• ഒരു പാത്രത്തിൽ ഒന്നര കപ്പ് വെള്ളമെടുത്ത് അടുപ്പിൽ വച്ചു തിളപ്പിക്കാം. അതിലേയ്ക്ക് രണ്ട് തക്കാളി ചേർത്ത് ഏകദേശം 5 മിനിറ്റ് തിളപ്പിക്കാം. ശേഷം സ്റ്റൗ ഓഫാക്കി തണുക്കാൻ വയ്ക്കാം. 
• തക്കാളി തണുത്തു കഴിഞ്ഞാൽ തൊലി കളഞ്ഞ് അരച്ചെടുക്കാം. അതിലേയ്ക്ക് അര ടീസ്പൂൺ ഉപ്പും, കാൽ ടീസ്പൂൺ മഞ്ഞൾപ്പൊടിയും ചേർത്ത് ഒരിക്കൽ കൂടി ഇളക്കി യോജിപ്പിക്കാം. 
• ഒരു ബൗളിൽ ഒരു കപ്പ് ഗോതമ്പ് പൊടിയെടുക്കാം. അരച്ചെടുത്ത തക്കാളി ചേർക്കാം. അര ടീസ്പൂൺ ഓട്സും ഗോതമ്പ് പൊടിയിലേയ്ക്കു ചേർത്തിളക്കി യോജിപ്പിക്കാം. മാവ് മൃദുവാകുന്നതു വരെ കുഴച്ചെടുക്കാം. അതിനു മുകളിൽ എണ്ണ പുരട്ടി അഞ്ച് മിനിറ്റ് അടച്ചു വയ്ക്കാം. 
• ഒരു ബൗളിൽ രണ്ട് മുട്ട പൊട്ടിച്ചൊഴിക്കാം. അതിലേയ്ക്ക് കാൽ ടീസ്പൂൺ മഞ്ഞൾപ്പൊടി, ഒരു ടീസ്പൂൺ മുളകുപൊടി, ആവശ്യത്തിന് ഉപ്പ്, മല്ലിപ്പൊടി എന്നിവ ചേർത്തിളക്കി യോജിപ്പിക്കാം. 
• കുഴച്ചെടുത്ത ഗോതമ്പ് മാവ് ചെറിയ ഉരുളകളാക്കിയെടുക്കാം. ശേഷം കട്ടി കുറച്ച് പരത്തിയെടുക്കാം. 
• പാൻ അടുപ്പിൽ വച്ചു ചൂടാക്കാം. അതിലേയ്ക്ക് പരത്തിയ മാവ് വച്ചു വേവിക്കാം. ഇരുവശത്തും അതിനു മുകളിൽ മുട്ട മിശ്രിതം പുരട്ടാം. വെന്തു വരുമ്പോൾ ചപ്പാത്തിയിൽ എണ്ണ പുരട്ടാം.

Read More: പൂ പോലുള്ള ഇഡ്ഡലിക്ക് മാവ് ഇങ്ങനെ അരച്ചെടുക്കൂ