ഉഴുന്നു വേണ്ട, അരിയിലേയ്ക്ക് ഇവ രണ്ടും ചേർത്ത് മാവ് അരയ്ക്കൂ; പഞ്ഞിപോലുള്ള ദോശ കഴിക്കാം

അരിയും ഉഴുന്നും ഉപയോഗിച്ചാണ് സാധാരണ ദോശ മാവ് തയ്യാറാക്കാറുള്ളത്. എന്നാൽ പഞ്ഞി പോലുള്ള ദോശ വേണമെങ്കിൽ അതിൽ ഒരു ചെറിയ മാറ്റം വരുത്താം. ഉഴുന്നിനു പകരം മറ്റ് രണ്ട് ചേരുവകൾ കൂടി മാവ് അരയ്ക്കുമ്പോൾ ചേർക്കാം. ഇത് ദോശയുടെ ഗുണവും രുചിയും വർധിപ്പിക്കും. 

ദക്ഷിണേന്ത്യൻ വിഭവങ്ങളിൽ ഒന്നാണ് ഉലുവ ദോശ. ഇത് വളരെ സോഫ്റ്റാണെന്നു മാത്രമല്ല എളുപ്പത്തിൽ ദഹിക്കുന്ന ഭക്ഷണമായതിനാൽ കുട്ടികൾ മുതൽ മുതിർന്നവർ വരെ ഇത് കഴിക്കാൻ ഇഷ്ടപ്പെടും. ഈ ദോശയുടെ മണം തന്നെ നിങ്ങളെ ഇത് കഴിക്കാൻ പ്രേരിപ്പിക്കും. സൗമ്യ തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധൺ പരിചയപ്പെടുത്തി തരുന്നത്. 

Also Read: ഇത്ര രുചികരവും സോഫ്റ്റുമായി ദോശ തയ്യാറാക്കിയാൽ ഇനി ആരും കഴിക്കാൻ മടിക്കില്ല

ചേരുവകൾ

• ഇഡ്ഡലി അരി - 1 1/4 കപ്പ്
• കടലപരിപ്പ് - 1/4 കപ്പ്
• ഉലുവ - 1 1/2 ടീസ്പൂൺ
• ഉപ്പ് - ആവശ്യത്തിന്
• ചൂടുവെള്ളം - കുതിർക്കാൻ

View this post on Instagram

A post shared by Sowmya Arun | Indian Vegetarian Food | SouthIndianCooking (@thehomemadecooking)

Also Read: ദോശ കഴിക്കാൻ മടി തോന്നാറുണ്ടോ? എങ്കിലിനി മസാല ചേർത്തൊരു പരീക്ഷണം നടത്തി നോക്കാം

തയ്യാറാക്കുന്ന വിധം

• അരിയും, കടലപരിപ്പും, ഉലുവയും, പ്രത്യേകം വെള്ളം ഒഴിച്ച് ആറ് മണിക്കൂർ കുതിർക്കാൻ വയ്ക്കാം.
• ശേഷം അത് കഴുകിയെടുത്ത് കുറച്ച് വെള്ളം ഒഴിച്ച് നന്നായി അരച്ചെടുക്കാം.
• ഇതിലേയ്ക്ക് ആവശ്യത്തിന് ഉപ്പ് ചേർത്തിളക്കി യോജിപ്പിക്കാം.
• 12 മണിക്കൂറെങ്കിലും ഇത് അടച്ചു സൂക്ഷിക്കാം.
• മാവ് പുളിച്ചു പൊങ്ങി കഴിയുമ്പോൾ നന്നായി ഇളക്കി യോജിപ്പിക്കാം.
• കട്ടി കൂടുതലാണെങ്കിൽ കുറച്ച് വെള്ളം ഒഴിച്ചിളക്കാം.
• ഒരു പാൻ അടുപ്പിൽ വച്ചു ചൂടാക്കാം.
• അതിൽ എണ്ണ പുരട്ടാം. പാൻ ചൂടായി കഴിയുമ്പോൾ, മാവിൽ നിന്ന് ആവശ്യത്തിന് അതിലേയ്ക്ക് ഒഴിച്ചു പരത്താം. കട്ടി കുറച്ച് പരത്താൻ ശ്രദ്ധിക്കാം.
• ഇരുവശവും വെന്തതിനു ശേഷം പ്ലേറ്റിലേയ്ക്കു മാറ്റാം. സാമ്പാർ, ഇഡ്ഡലി പൊടി, ചമ്മന്തി, എന്നിവയോടൊപ്പം ഇത് കഴിച്ചു നോക്കൂ. തക്കാളി ചമ്മന്തിയും ഈ ദോശയക്ക് കിടിലൻ കോമ്പിനേഷനാണ്. 

Also Read: ഒറ്റക്കാഴ്ചയിൽ കൊതിപ്പിക്കും മലബാർ സ്പെഷ്യൽ ഏലാഞ്ചി, സിംപിളാണ് റെസിപ്പി

ഇക്കാര്യങ്ങൾ ശ്രദ്ധിക്കാം

• ദോശ ചുടുമ്പോൾ നല്ലെണ്ണ ഉപയോഗിച്ചാൽ രുചികരമായിരിക്കും. 
• കടലപരിപ്പ് പോലെ നിലക്കടല അരച്ചെടുത്തും മാവിലേയ്ക്കു ചേർക്കാവുന്നതാണ്. 
• അരി ഒരു രാത്രി അല്ലെങ്കിൽ 8 മണിക്കൂറെങ്കിലും വെള്ളത്തിൽ കുതിർത്തു വയ്ക്കണം.
• ഉലുവ ചേർക്കുന്നതിനാൽ ദോശ ചുടുമ്പോൾ നിറത്തിൽ അൽപം വ്യത്യാസം തോന്നിയേക്കാം. അത് സ്വാഭാവികമാണ്. 

Read More: 10 മിനിറ്റിൽ പഞ്ഞിപോലൊരു ദോശ, അരിയും ഉഴുന്നും വേണ്ട