10 മിനിറ്റിൽ പഞ്ഞിപോലൊരു ദോശ, അരിയും ഉഴുന്നും വേണ്ട

അരിയും ഉഴുന്നും തലേദിവസം തന്നെ അരച്ചു വച്ചാലേ രാവിലെ ദോശ ചൂടാറാകുമ്പോൾ മാവ് പുളിക്കൂ. എന്നാൽ ഒരു ദിവസം ഇത് ചെയ്യാൻ മറന്നു പോയാലോ? മാവ് അരച്ചു പുളിപ്പിച്ചും ഒരുപാട് തയ്യാറെടുപ്പുകൾ ഉണ്ടെങ്കിൽ മാത്രമേ രാവിലത്തേയ്ക്ക് ദോഷ ചുട്ടെടുക്കാൻ കഴിയൂ എന്നത് തെറ്റിദ്ധാരണയാണ്. ഇതൊന്നുമില്ലാതെ 10 മിനിറ്റിൽ ഭക്ഷണം തയ്യാറാക്കാം. അരിയും വേണ്ട ഉഴുന്നും വേണ്ട, മാവ് അരച്ചു വയ്ക്കുകയും വേണ്ട. ഒരു കപ്പ് സേമിയ ഇങ്ങനെ ചെയ്തെടുക്കൂ. നുസീറ തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്.

Also Read: പൂപോലുള്ള ദോശ വേണോ? മാവ് തയ്യാറാക്കുമ്പോൾ ഇവ രണ്ടും ചേർക്കൂ

ചേരുവകൾ

• സേമിയ 
• റവ 
• തൈര് 
• വെള്ളം
• ഉപ്പ്
• ബേക്കിങ് സോഡ 
• എണ്ണ

Also Read: അരിപ്പൊടിയിലേയ്ക്ക് ഇതു കൂടി ചേർക്കൂ, ഇനി ഇടിയപ്പം പഞ്ഞിപോലെ സോഫ്റ്റും രുചികരവുമാകും

View this post on Instagram

A post shared by Nuseera PA (@dians_kannur_kitchen)

Also Read: മാവ് കുഴയ്ക്കുമ്പോൾ ഇതൊരു സ്പൂൺ ഗോതമ്പ് പൊടിയിലേയ്ക്ക് ചേർക്കൂ, ചപ്പാത്തി സോഫ്റ്റായി ചുട്ടെടുക്കാം

തയ്യാറാക്കുന്ന വിധം

• അടി കട്ടിയുള്ള ഒരു പാൻ അടുപ്പിൽ വച്ച് സേമിയ വറുത്തെടുക്കാം.
• വറുത്തെടുത്ത സേമിയയിലേയ്ക്ക് മുക്കാൽ കപ്പ് റവയും മുക്കാൽ കപ്പ് തൈരും ചേർത്ത് അരച്ചെടുക്കാം.
• ഇതിലേയ്ക്ക് ആവശ്യത്തിന് വെള്ളം ഒഴിച്ചിളക്കിയെടുക്കാം.
• ശേഷം ഉപ്പും, കാൽ ടീസ്പൂൺ ബേക്കിംഗ് സോഡയും ചേർത്ത് യോജിപ്പിക്കാം.
• ദോശ തവ അടുപ്പിൽ വച്ചു ചൂടാക്കാം. അതിലേയ്ക്ക് എണ്ണ പുരട്ടാം.
• തയ്യാറാക്കിയ മാവ് അതിലേയ്ക്ക് ഒഴിക്കാം. അതിൻ്റെ ഇരുവശങ്ങളും ചുട്ടെടുക്കാം. 

Read More: തന്തൂരി റൊട്ടി തവയിൽ ചുട്ടെടുക്കാം, ഇത്രമാത്രം ചെയ്താൽ മതി