ഇതൊരു സ്പൂൺ ഗോതമ്പ് പൊടിയിലേയ്ക്ക് ചേർക്കൂ, ചപ്പാത്തി സോഫ്റ്റായി ചുട്ടെടുക്കാം

ചപ്പാത്തി സോഫ്റ്റായി കിട്ടണം എങ്കിൽ കുഴച്ചെടുക്കുന്ന മാവും മൃദുവായിരിക്കണം. അതിന് ഗോതമ്പ് പൊടി ചൂടുവെള്ളത്തിൽ കുഴച്ചെടുത്തതു കൊണ്ട് മാത്രം കാര്യമില്ല. ഒരു തവണ​ മാവ് ഇങ്ങനെ തയ്യാറാക്കി നോക്കൂ, പിന്നെ  ദിവസവും ചപ്പാത്തി കഴിക്കാൻ കൊതിക്കും. 

ചേരുവകൾ

• ഗോതമ്പ് മാവ്– 2 കപ്പ്
• വെള്ളം – 1 1/2 കപ്പ്
• ഉപ്പ്- ആവശ്യത്തിന്
• പഞ്ചസാര– 1 ടീസ്പൂൺ
• എണ്ണ അല്ലെങ്കിൽ നെയ്യ്– 2 ടീസ്പൂൺ

Also Read: ഗോതമ്പ് മാവിലേയ്ക്ക് ഇത് പൊടിച്ചു ചേർക്കൂ, ചപ്പാത്തി പൂപോലെ സോഫ്റ്റായി ചുട്ടെടുക്കാം

Also Read: യീസ്റ്റും ബേക്കിങ് സോഡയും ചേർക്കേണ്ട, അപ്പത്തിനുള്ള മാവ് ഇങ്ങനെയും തയ്യാറാക്കാം

തയ്യാറാക്കുന്ന വിധം

• ഒരു പാത്രത്തിൽ രണ്ട് കപ്പ് ഗോതമ്പ് പൊടിയെടുക്കാം. അതിലേയ്ക്ക് ആവശ്യത്തിന് ഉപ്പും ഒരു ടീസ്പൂൺ പഞ്ചസാരയും ചേർത്തിളക്കി യോജിപ്പിക്കാം.
• ശേഷം രണ്ട് ടീസ്പൂൺ എണ്ണ അല്ലെങ്കിൽ നെയ്യ് കൂടി ഒഴിച്ച് മാവ് കുഴയ്ക്കാം.
• കട്ടകളില്ലാതെ മാവ് കുഴയ്ക്കാം. മാവ് കൈയ്യിൽ പറ്റിപ്പിടിക്കുന്നുണ്ടെങ്കിൽ കുറച്ച് നെയ്യ് കൈയ്യിൽ പുരട്ടാം. 
• കുഴച്ച മാവ് 10 മിനിറ്റ് അടച്ചു വയ്ക്കാം. 
• മാവ് ചെറിയ ഉരുളകളാക്കാം. ശേഷം നന്നായി പരത്തിയെടുക്കാം. 
• കട്ടി കുറച്ച് പരത്താൻ ശ്രദ്ധിക്കാം.
• ഒരു പാൻ അടുപ്പിൽ വച്ചു ചൂടാക്കാം. അതിലേയ്ക്ക് എണ്ണയോ നെയ്യോ പുരട്ടാം.
• പാൻ നന്നായി ചൂടായതിനു ശേഷം തീ കുറച്ചു വയ്ക്കാം. ഇതിലേയ്ക്ക് പരത്തിയ മാവ് വച്ച് ഇരുവശങ്ങളും ചുട്ടെടുക്കാം. 
• ഇരുവശങ്ങളും വെന്തുവരുമ്പോൾ ഇടയ്ക്ക് നെയ്യ് പുരട്ടി കൊടുക്കാം. 
• ഇത് ചൂടോടെ കഴിച്ചു നോക്കൂ. 

Also Read: 2 മിനിറ്റിൽ ദോശ റെഡി, അരിയും ഉഴുന്നും അരയ്‌ക്കേണ്ട ഗോതമ്പ് പൊടിയും വേണ്ട

ചപ്പാത്തി സോഫ്റ്റാകാൻ ഇതാ  ചില നുറുങ്ങു വിദ്യകൾ

പാൽ
ചപ്പാത്തി സോഫ്റ്റ് മാത്രമല്ല രുചികരവുമാക്കാൻ ചെറുചൂടോടെ പാൽ ഒഴിച്ച് മാവ് കുഴയ്ക്കാം.

തൈര്
ഗോതമ്പ് പൊടിയിലേയ്ക്ക് തൈര് കൂടി ചേർത്ത് ചപ്പാത്തിക്ക് മാവ് കുഴച്ചെടുക്കാം. ഒന്നു മുതൽ രണ്ട് മണിക്കൂർ വരെ അത് മാറ്റി വച്ചതിനു ശേഷ ഉപയോഗിക്കാം.

പാൻ ചൂടാകാൻ കാത്തിരിക്കാം
പാൻ ചൂടാകുന്നതിനു മുമ്പ് ചപ്പാത്തി മാവ് അതിൽ വയ്ക്കരുത്. പാൻ ചൂടായി അൽപം നെയ്യ് പുരട്ടിയതിനു ശേഷം ചപ്പാത്തി ചുട്ടെടുത്തു നോക്കൂ.

Read More: ഒരു കപ്പ് ഗോതമ്പ് പൊടിയിലേയ്ക്ക് ഇവ അരിഞ്ഞു ചേർക്കൂ, ദോശ രുചികരവും ഹെൽത്തിയുമാക്കാം