തന്തൂരി റൊട്ടി തവയിൽ ചുട്ടെടുക്കാം, ഇത്രമാത്രം ചെയ്താൽ മതി

കളിമണ്ണ് കൊണ്ടുള്ള ഓവനുകളിലോ അല്ലെങ്കിൽ ഗ്രില്ലിലോ തയ്യാറാക്കിയ എടുക്കുന്നവയാ തന്തൂരി റൊട്ടികൾ. ഹോട്ടലുകളിലും മറ്റും വ്യത്യസ്ത നോൺ വെജ് വിഭവങ്ങൾക്കൊപ്പം ഇത് വിളമ്പുന്നത് കണ്ടിട്ടുണ്ടാകുമെല്ലോ? ചപ്പാത്തിയും ദോശയും കഴിച്ചു മടുത്തുവെങ്കിൽ നിങ്ങൾക്കും ഇത് ട്രൈ ചെയ്യാവുന്നതേയുള്ളൂ. അതിന് ഓവനോ, ഗ്രില്ലോ ആവ്യശ്യമില്ല. ദോശ തവ ഉണ്ടെങ്കിൽ തന്തൂരി റൊട്ടി വീട്ടിൽ തന്നെ ചുട്ടെടുക്കാം. നിമിഷ അത് എങ്ങനെ തയ്യാറാക്കാം എന്ന് യൂട്യൂബ് ചാനലിലൂടെ പരിചയപ്പെടുത്തി തരുന്നു. 

ചേരുവകൾ

• ഗോതമ്പ് പൊടി
• ഉപ്പ്
• പഞ്ചസാര
• ബേക്കിംഗ് സോഡ
• ബേക്കിംഗ് പൗഡർ
• തൈര്
• എണ്ണ
• വെള്ളം

തയ്യാറാക്കുന്ന വിധം

• ഒരു ബൗളിലേയ്ക്ക് ഗോതമ്പ് പൊടിയെടുക്കാം.
• അതിലേയ്ക്ക് ആവശ്യത്തിന് ഉപ്പും കുറച്ച് പഞ്ചസാരയും ചേർത്തിളക്കാം.
• ഒപ്പം ബേക്കിംഗ് സോഡയും ബേക്കിംഗ് പൗഡറും ചേർത്ത് കുറച്ച് എണ്ണയും ഒഴിക്കാം.
• ശേഷം ചെറുചൂടുള്ള വെള്ളം ഒഴിച്ച് മാവ് കുഴച്ചെടുക്കാം. ഇത് 30 മിനിറ്റ് അടച്ച് മാറ്റി വയ്ക്കാം.
• ശേഷം മാവ് ചെറിയ ഉരുളകളായി ഉരുട്ടിയെടുക്കാം.
• അത് കട്ടി കുറച്ച് പരത്താം. ഒരു തവ അടുപ്പിൽ വച്ചു നന്നായി ചൂടാക്കാം.
• ശേഷം തീ കറുച്ച് വച്ച് പരത്തിയ മാവ് ഓരോന്നായി വയ്ക്കാം.
• അതിൻ്റെ ഇരുവശങ്ങളും ചുട്ടെടുക്കാം. വെന്ത റൊട്ടിൽ അൽപം നെയ്യോ എണ്ണയോ പുരട്ടി വിളമ്പാം. 

Read More: പൂപോലുള്ള ദോശ വേണോ? മാവ് തയ്യാറാക്കുമ്പോൾ ഇവ രണ്ടും ചേർക്കൂ