ഒരു കപ്പ് ഗോതമ്പ് പൊടിയിലേയ്ക്ക് ഇവ മൂന്നും ചേർത്തു നോക്കൂ, ഇനി ദോശ കിടിലൻ രുചിയിൽ കഴിക്കാം

അരിയും ഉഴുന്നും അരച്ചെടുത്തിട്ടില്ലെങ്കിൽ പിന്നെ ഗോതമ്പ് പൊടിയാണ് അടുത്ത ഓപ്ഷൻ. ബ്രേക്ക്ഫാസ്റ്റിന് ദോശ തയ്യാറാക്കാൻ ഗോതമ്പ് പൊടി വെറുതെ കലക്കിയെടുത്ത് ചുടാറാണോ പതിവ്?. എങ്കിലിനി ഗോതമ്പ് ദോശയ്ക്കും ഒരു മേക്കോവർ ആയാലോ?. രുചികരവും ഹെൽത്തിയുമായ ബ്രേക്ക്ഫാസ്റ്റ് തയ്യാറാക്കാം,  ഈ റെസിപ്പി പരീക്ഷിച്ചു നോക്കൂ. നുസീറ തൻ്റെ ഇൻസ്റ്റഗ്രാം പേജിലൂടെയാണ് ഈ ഗോതമ്പ് ദോശ റെസിപ്പി പരിചയപ്പെടുത്തി തരുന്നത്. ഇനി ക്രിസ്പിയും രുചികരവുമായ ദോശ കഴിച്ച് ദിവസം തുടങ്ങാം.

Also Read: ഗോതമ്പ് പൊടിയിലേയ്ക്ക് ഇതു ചേർത്ത് മാവ് കുഴയ്ക്കൂ; ഇനി ചപ്പാത്തി സോഫ്റ്റും പോഷക സമ്പന്നവുമാകും

ചേരുവകൾ

• ഗോതമ്പ് പൊടി- 1 കപ്പ്
• മല്ലിയില- 2 സ്പൂൺ
• ജീരകം- 1/2 ടീസ്പൂൺ
• ഉപ്പ്- ആവശ്യത്തിന്

Also Read: അരിയും ഉഴുന്നും കുതിർത്തു വയ്‌ക്കേണ്ട, ഈ​ പൊടി ഒരു കപ്പ് ഉണ്ടെങ്കിൽ ദോശ ഇൻസ്റ്റൻ്റായി ചുട്ടെടുക്കാം

Also Read: അരിപ്പൊടിയും രണ്ട് നേന്ത്രപ്പഴവും മതി, ഇനി ദിവസങ്ങൾക്കു മുമ്പ് ദോശ മാവ് അരച്ചെടുത്തു സൂക്ഷിക്കേണ്ട

തയ്യാറാക്കുന്ന വിധം

• ഒരു ബൗളിലേക്ക് ഒരു കപ്പ് ഗോതമ്പ് പൊടിയെടുത്ത് രണ്ട സ്പൂൺ​ മല്ലിയില അരിഞ്ഞതും, അര ടീസ്പൂൺ ജീരകവും, ആവശ്യത്തിന് ഉപ്പും ചേർത്തിളക്കി യോജിപ്പിക്കാം.
• കൂടുതൽ രുചികരമാക്കാൻ കാരറ്റ്, സവാള എന്നിങ്ങനെയുള്ള പച്ചക്കറികളും ചെറുതായി അരിഞ്ഞ് ചേർക്കാവുന്നതാണ്.
• ആവശ്യത്തിന് വെള്ളം അതിലേക്ക് ഒഴിച്ച് മാവ് കലക്കിയെടുക്കാം.
• ഒരു പാൻ അടുപ്പിൽ വച്ച് അൽപ്പം നെയ്യ് പുരട്ടി മാവ് ആവശ്യത്തിന് ഒഴിച്ച് ദോശ ചുട്ടെടുക്കാം.
• ഇരു വശങ്ങളും വെന്തതിനു ശേഷം രുചിയോടെ കഴിച്ചോളൂ.

Read More: പാലപ്പം സോഫ്റ്റും രുചികരവുമാക്കാൻ ഈസ്റ്റും കള്ളും വേണ്ട, ഈ ഒരു പൈടിക്കൈ മതി