പത്ത് മിനിറ്റിൽ സിംപിളായൊരു ബ്രേക്ക്ഫാസ്റ്റ് വേണോ? എങ്കിൽ ഇതൊരു തവണ​ ട്രൈ ചെയ്യൂ

ബ്രേക്ക്ഫാസ്റ്റ്​ വെറൈറ്റിയാകണം എന്ന് ആഗ്രഹിക്കാത്തവരായി ആരാണുള്ളത്?. സ്ഥിരമായി ദോശയും ഇഡ്ഡലിയുമാണെങ്കിൽ ആരായാലും മടുത്ത് പോകും. എന്നാലിനി റെസിപ്പി മാറ്റി പിടിച്ചാലോ?. കുറച്ച് ഗോതമ്പ് പൊടി കലക്കിയെടുത്തോളൂ. അതിലേക്ക് സവാളയും അൽപ്പം മസാലയും ചേർത്താൽ കിടിലൻ ബ്രേക്ക്ഫാസ്റ്റാണ്. മാവ് തലേ ദിവസം തന്നെ അരച്ച് സൂക്ഷിക്കേണ്ട കാര്യമില്ല. മിനിറ്റുകൾക്കുള്ളിൽ തന്നെ ഇത് തയ്യാറാക്കാവുന്നതേയുള്ളൂ. ഡിണ്ടിഗൽ ഫുഡ് കോർട്ട് എന്ന യൂട്യൂബ് ചാനലാണ് ഒനിയൻ ദേശയുടെ റെസിപ്പി പരിചയപ്പെടുത്തി തരുന്നത്. 

Also Read: അരിയും ഉഴുന്നും കുതിർത്തു വയ്‌ക്കേണ്ട, ഈ​ പൊടി ഒരു കപ്പ് ഉണ്ടെങ്കിൽ ദോശ ഇൻസ്റ്റൻ്റായി ചുട്ടെടുക്കാം

ചേരുവകൾ

• ഗോതമ്പ് പൊടി- 1 കപ്പ്
• ഉപ്പ്- ആവശ്യത്തിന്
• വെളിച്ചെണ്ണ- 1 ടീസ്പൂൺ
• കടുക്- 1 നുള്ള്
• ഉഴുന്നു പരിപ്പ്- 1 ടീസ്പൂൺ
• പരിപ്പ്- 11/2 ടീസ്പൂൺ
• കായപ്പൊടി- 1 നുള്ള്
• സവാള- 1
• ഇഞ്ചി- ഒരു കഷ്ണം
• പച്ചമുളക്- 1
• തക്കാളി- 1
• കറിവേപ്പില- ആവശ്യത്തിന്

Also Read: അരിപ്പൊടിയും രണ്ട് നേന്ത്രപ്പഴവും മതി, ഇനി ദിവസങ്ങൾക്കു മുമ്പ് ദോശ മാവ് അരച്ചെടുത്തു സൂക്ഷിക്കേണ്ട

Als Read: പാലപ്പം സോഫ്റ്റും രുചികരവുമാക്കാൻ ഈസ്റ്റും കള്ളും വേണ്ട, ഈ ഒരു പൈടിക്കൈ മതി

തയ്യാറാക്കുന്ന വിധം

• ഒരു ബൗളിലേക്ക് ഒരു കപ്പ് ഗോതമ്പ് പൊടിയെടുക്കാം.
• അതിലേക്ക് ആവശ്യത്തിന് ഉപ്പും കുറച്ച് വെള്ളവും ഒഴിച്ച് മാവ് തയ്യാറാക്കാം.
• ഒരു പാൻ അടുപ്പിൽ വച്ച് ഒരു സ്പൂൺ വെളിച്ചെണ്ണ ഒഴിച്ചു ചൂടാക്കാം.
• ഇതിലേക്ക് ഒരു നുള്ള് കടുക് ചേർത്ത് പൊട്ടിക്കാം.
• ഒരു ടീസ്പൂൺ ഉഴുന്ന് പരിപ്പ്, ഒന്നര ടീസ്പൂൺ പരിപ്പ്, ഒരു നുള്ള് കായപ്പൊടി, എന്നിവ ചേർത്ത് വറുക്കാം.
• അതിലേയ്ക്ക് ഇടത്തരം വലിപ്പമുള്ള സവാള അരിഞ്ഞതും, ഒരു പച്ചമുളക് അരിഞ്ഞതും, ഒരു തക്കാളി അരിഞ്ഞതും ചേർത്തിളക്കി യോജിപ്പിക്കാം.
• കുറച്ച് കറിവേപ്പില ഉപ്പ് എന്നിവ കൂടി ചേർത്തിളക്കി അടുപ്പണയ്ക്കാം.
• ഇത് മാവിലേക്ക് ചേർത്ത് ഇളക്കി യോജിപ്പിക്കാം.
• ലഭ്യമെങ്കിൽ കുറച്ച് മല്ലിയില കൂടി ചേർക്കാം.
• ഒരു പാൻ അടുപ്പിൽ വച്ച് കുറച്ച് നെയ്യ് പുരട്ടി ആവശ്യത്തിന് മാവ് ഒഴിച്ച് ദോശ ചുട്ടെടുക്കാം. എരിവൻ മുളകു ചമ്മന്തിക്കൊപ്പം കഴിച്ചു നോക്കൂ. 

Read More: ഒരു കപ്പ് ഗോതമ്പ് പൊടിയിലേയ്ക്ക് ഇവ മൂന്നും ചേർത്തു നോക്കൂ, ഇനി ദോശ കിടിലൻ രുചിയിൽ കഴിക്കാം