പഞ്ഞി പോലുള്ള പുട്ടിന് അരിപ്പൊടിയും ഗോതമ്പും വേണ്ട, ഇത് രണ്ട് കപ്പ് ഉപയോഗിക്കാം

അരിപ്പൊടി നനച്ച് ആവിയിൽ വേവിച്ചെടുക്കുന്ന സ്ഥിരം പുട്ടിന് ഒരൽപം രുചിയും മയവും കൂടിയാലോ? അതിനൊു പൊടിക്കൈ ഉണ്ട്.

Also Read: ഗോതമ്പ് പൊടിയിലേയ്ക്ക് ഇത് ചേർക്കൂ, പഞ്ഞിപോലുള്ള ചപ്പാത്തി ചുട്ടെടുക്കാം

ധാരാളം ആരോ​ഗ്യ​ഗുണങ്ങളുള്ള ഒന്നാണ് അവൽ. എല്ലിനും പല്ലിനും ബലം നല്‍കുന്ന പോഷകങ്ങള്‍ അവലില്‍ അടങ്ങിയിട്ടുണ്ട്. ഇതിലടങ്ങിയിരിക്കുന്ന ഫൈബര്‍ ദീര്‍ഘനേരം വിശപ്പില്ലാതാക്കും. വണ്ണം കുറയ്ക്കാനും ഇത് മികച്ചതാണ്. അവല്‍ കൊണ്ട് രുചികരമായ വിഭവങ്ങൾ തയാറാക്കാൻ കഴിയും. രാവിലത്തെ ഭക്ഷണത്തിന് രുചിയുള്ളതും സോഫ്റ്റുമായ അവൽ പുട്ട് തയ്യാറാക്കിയാലോ? സിംപിളായ റെസിപ്പിയാണ്.

ചേരുവകൾ

• അവൽ- 2 കപ്പ്
• വെള്ളം- 4 ടേബിൾസ്പൂൺ
• ഉപ്പ്- ആവശ്യത്തിന്
• തേങ്ങ- 1/4 കപ്പ്

Also Read: കൈ ഉപയോഗിച്ച് ഒരുപാട് നനയ്‌‌‌‌‌‌‌‌‌‌‌‌‌ക്കേണ്ട, പുട്ട് സോഫ്റ്റാകാൻ ഇതാ ചില നുറുങ്ങു വിദ്യകൾ

Also Read: ഇടിയപ്പം ഇതിലും സോഫ്റ്റായി കിട്ടില്ല, ബാക്കി വന്ന ചോറ് ഉപയോഗിച്ച് തയ്യാറാക്കി നോക്കൂ

തയ്യാറാക്കുന്ന വിധം

• അടികട്ടിയുള്ള ഒരു പാത്രത്തിലേയ്ക്ക് രണ്ട് കപ്പ് അവൽ ചേർത്തു നന്നായി വറുത്തെടുക്കാം.
• അത് തണുത്തതിനു ശേഷം മിക്സിയിൽ പൊടിച്ചെടുക്കാം.
• ഇതിലേയ്ക്ക് ചെറുചൂടുള്ള വെള്ളം ആവശ്യത്തിന് ഒഴിച്ച് നനച്ചെടുക്കാം.
• അവൽപ്പൊടിയിലേയ്ക്ക് ഉപ്പ് ചേർത്തിളക്കി യോജിപ്പിക്കാം.
• കാൽ കപ്പ് തേങ്ങ ചിരകിയെടുക്കാം.
• പുട്ട് കുടത്തിൽ വെള്ളം അടുപ്പിൽ വയ്ക്കാം.
• സാധാരണ പുട്ട് തയ്യാറാക്കാറുള്ളതു പോലെ പുട്ടികുറ്റിയിലേയ്ക്ക് തേങ്ങ ചിരകിയതും നനച്ചു വച്ച് അവൽ പൊടിയും ചേർത്ത് ആവിയിൽ വേവിക്കാം. 

Read More: അരിയും ഉഴുന്നും അരയ്ക്കുമ്പോൾ ഇത് 2 സ്പൂൺ ചേർത്താൽ പൂപോലുള്ള ഇഡ്ഡലി കിട്ടും