അരിയും ഉഴുന്നും അരയ്ക്കുമ്പോൾ ഇത് 2 സ്പൂൺ ചേർത്താൽ പൂപോലുള്ള ഇഡ്ഡലി കിട്ടും

സോഫ്റ്റായിട്ടുള്ള ഇഡ്ഡലി ഉണ്ടാക്കുക എന്നത് പലർക്കും വെല്ലുവിളിയാണ്. ഉഴുന്നും അരിയും കൃത്യമായ അനുപാതത്തിൽ അരച്ചെടുത്താൽ മാത്രമേ അത് സാധ്യമാകൂ. കല്ലു പോലുള്ള ഇഡ്ഡലി കഴിക്കാൻ ആർക്കാണ് ഇഷ്ടം? ഇനി വീട്ടിൽ തന്നെ പൂപോലുള്ള ഇഡ്ഡലി റെഡിയാക്കാൻ ഈ റെസിപ്പി ട്രൈ ചെയ്യൂ. സുധാജി തൻ്റെ യൂട്യൂബ് ചാനലിലൂടെയാണ് ഇത് പരിചയപ്പെടുത്തുന്നത്.

Also Read: ഇടിയപ്പം ഇതിലും സോഫ്റ്റായി കിട്ടില്ല, ബാക്കി വന്ന ചോറ് ഉപയോഗിച്ച് തയ്യാറാക്കി നോക്കൂ

ചേരുവകൾ

• പച്ചരി- 4 കപ്പ്
• ഉഴുന്ന്- 1½ കപ്പ്
• ഉലുവ- 2 സ്പൂൺ
• ഉപ്പ്- ആവശ്യത്തിന്

Also Read: കൈ ഉപയോഗിച്ച് ഒരുപാട് നനയ്‌‌‌‌‌‌‌‌‌‌‌‌‌ക്കേണ്ട, പുട്ട് സോഫ്റ്റാകാൻ ഇതാ ചില നുറുങ്ങു വിദ്യകൾ

Also Read: ഗോതമ്പ് പൊടിയിലേയ്ക്ക് ഇത് ചേർക്കൂ, പഞ്ഞിപോലുള്ള ചപ്പാത്തി ചുട്ടെടുക്കാം

തയ്യാറാക്കുന്ന വിധം

• നാല് കപ്പ് ഇഡ്ഡലി, ഒന്നര കപ്പ് ഉഴുന്ന്, രണ്ട് സ്പൂൺ ഉലുവ എന്നിവ വെള്ളത്തിൽ കുതിർക്കാൻ വയ്ക്കാം. 8 മണിക്കൂറെങ്കിലും ഇവ കുതിർക്കണം. ഉഴുന്ന് അര മണിക്കൂർ കുതിർത്താൽ മതിയാകും. 
• ശേഷം ആദ്യം ഉഴുന്ന് നന്നായി അരച്ചു മാറ്റാം. നാല് കപ്പ് അരി കുതിർത്തെടുത്തതും അരയ്ക്കാം. ഇതിലേയ്ക്ക് ഉഴുന്ന് അരച്ചതും ചേർത്തിളക്കി യോജിപ്പിക്കാം. ഇതിലേയ്ക്ക് ഉലുവ അരച്ചതും ചേർത്ത് അര മണിക്കൂർ പുളിക്കാൻ അടച്ചു വയ്ക്കാം. 
• ഒരു ചെറിയ ബൗളിലേയ്ക്ക് ആവശ്യത്തിന് മാവെടുക്കാം. ആവശ്യത്തിന് ഉപ്പും അൽപം ചെറുചൂടു വെള്ളവും ഇതിലേയ്ക്ക് ഒഴിച്ചിളക്കിയെടുക്കാം. വെള്ളം കൂടി പോകാതിരിക്കാൻ ശ്രദ്ധിക്കാം
• ഇഡ്ഡലി പാത്രത്തിൽ വെള്ളമെടുത്ത് ചൂടാക്കാം. ഇഡ്ഡലി തട്ടിലേയക്ക് മാവ് ഒഴിച്ച് പാത്രത്തിലേയ്ക്ക് ഇറക്കിവയ്ക്കാം. 15 മുതൽ 20 മിനിറ്റ് വരെ ആവിയിൽ വേവിക്കാം. 
• വെന്തതിനു ശേഷം അടുപ്പിൽ നിന്നും മാറ്റാം. പഞ്ഞി പോലുള്ള ഇഡ്ഡലി ഇനി ചൂടോടെ വിളമ്പി കഴിക്കാം. ഒപ്പം ചമ്മന്തിയോ, സാമ്പാറോ ഉണ്ടെങ്കിൽ എത്ര കഴിച്ചാലും മതിവരില്ല. 

Read More: ഇഡ്ഡലി കഴിക്കാൻ ആരും മടിക്കില്ല, വേവിച്ചു കഴിയുമ്പോൾ ഇതു കൂടി ചേർക്കാം