നെല്ലിക്കയുണ്ടോ? മധുരം പങ്കിടാം ഒപ്പം ആരോഗ്യവും നേടാം

ദഹനത്തിനും പ്രതിരോധശേഷി വർധിപ്പിക്കുന്നതിനും പേരുകേട്ടതാണ് നെല്ലിക്ക. ഇതിൽ നിറയെ വിറ്റാമിൻ സിയും ആന്റിഓക്‌സിഡന്റുകളും അടങ്ങിയിട്ടുണ്ട്. ഫ്രീ റാഡിക്കലുകളെ ചെറുക്കാനുള്ള കഴിവുണ്ട്. രോഗപ്രതിരോധ ശേഷി വർധിപ്പിക്കാനും ഹൃദയാരോഗ്യം മെച്ചപ്പെടുത്താനും ചർമ്മത്തിന്റെയും മുടിയുടെയും ആരോഗ്യത്തിനും നെല്ലിക്ക ഗുണം ചെയ്യും. രക്തത്തിലെ ഗ്ലൂക്കോസിൻ്റെ അളവ് സന്തുലിതമാക്കുന്നതിനാൽ പ്രമേഹമുള്ളവർക്കും അതിനു സാധ്യതയുള്ളവർക്കും ഇത് ഗുണം ചെയ്യും എന്ന് വിദഗ്ധർ പറയാറുണ്ട്. നെല്ലിക്ക ജ്യൂസും, അച്ചാറുമാണ് ഏറെ പ്രചാരത്തിലുള്ളത്. ആരോഗ്യത്തിനും വളർച്ചയ്ക്കും ഗുണം ചെയ്യുമെങ്കിലും രുചി വ്യത്യസം മൂലം ഇത് കുട്ടികളിൽ ഏറെപ്പേർക്കും പ്രിയങ്കരമല്ല. എന്നാൽ ഗുണപ്രദമായ രീതിയിൽ നെല്ലിക്ക ഉപയോഗിക്കാൻ സാധിക്കുന്ന ഒരു റെസിപ്പിയാണ് ലക്ഷ്മി തൻ്റെ ഇൻസ്റ്റഗ്രാം പേജിലൂടെ പങ്കുവെയ്ക്കുന്നത്. 

ചേരുവകൾ

• നെല്ലിക്ക 
• വെള്ളം
• ശർക്കര 
• ഉപ്പ്
• ഏലയ്ക്കപ്പൊടി 
• ഉണക്കമുന്തിരി 
• തേൻ 

View this post on Instagram

A post shared by Lekshmi S Nair (@amma_secret_recipes)

തയ്യാറാക്കുന്ന വിധം

• ഒരു പാൻ അടുപ്പിൽ വെച്ച് 250 ഗ്രാം നെല്ലിക്ക പൊടിയായി അരിഞ്ഞത് അല്ലെങ്കിൽ ഗ്രേറ്റ് ചെയ്ത് ചേർക്കുക.
• ഇതിലേയ്ക്ക് കാൽ കപ്പ് വെള്ളം കൂടി ഒഴിച്ച് അടച്ചു വെച്ച് കുറഞ്ഞ തീയിൽ വേവിക്കുക.
• ഇതേ സമയം മറ്റൊരു പാനിൽ 150 ഗ്രാം ശർക്കര പൊടിച്ചതെടുത്ത് ഇതിലേയ്ക്ക് കാൽ കപ്പ് വെള്ളവും ചേർത്ത് അലിയിച്ചെടുക്കുക.
• തയ്യാറാക്കിയ ശർക്കര ലായനി നെല്ലിക്കയിലേയ്ക്കു ചേർത്തിളക്കുക.  
• വെള്ളം വറ്റിയതിനു ശേഷം ഇതിലേയ്ക്ക് അര ടേബിൾസ്പൂൺ ഏലയ്ക്ക പൊടിച്ചത്, ഒരു നുള്ള് ഉപ്പ്, രണ്ട് ടേബിൾസ്പൂൺ ഉണക്കമുന്തിരി എന്നിവ ചേർത്തിളക്കുക.
• ശേഷം അടുപ്പിൽ നിന്നും മാറ്റി മൂന്ന് ടേബിൾസ്പൂൺ തേൻ കൂടി ചേർത്തിളക്കി ആവശ്യാനുസരണം കഴിക്കാം.

Read More

• കടച്ചക്കയും ചെമ്മീനും ഉലർത്തിയത് കഴിച്ചിട്ടുണ്ടോ? ഇതാണ് റെസിപ്പി
• തേങ്ങ മതി ഇനി വട തയ്യാറാക്കൽ സിംപിളാണ്
• ഈ രാജസ്ഥാനി സ്നാക്ക് ക്രിസ്പ്പിയാണ്, ഹെൽത്തിയുമാണ്
• നാവിൽ കൊതിയൂറും അവൽ ഉടച്ചത്
• വഴുതനങ്ങ ബാക്കിയുണ്ടെങ്കിൽ ഇങ്ങനെ ചെയ്യൂ
• വാഴക്കൂമ്പ്‌ കിട്ടിയാൽ ഈ റെസിപ്പി ഉറപ്പായും ട്രൈ ചെയ്യൂ
• ചിക്കൻ റോസ്റ്റിനെ വെല്ലുന്നൊരു സോയ റെസിപ്പി
• ബിഹാർ സ്റ്റൈലിലൊരു വഴുതനങ്ങ റോസ്റ്റ്
• മാമ്പഴക്കാലം കഴിയുന്നതിനു മുൻമ്പ് തയ്യാറാക്കിക്കോളൂ ഈ പായസം
• കോഴിക്കോടൻ സ്പെഷ്യൽ പൊരിച്ച പത്തിരി
• ബ്രെഡ് ബാക്കി വന്നാൽ ഇനി റോളാക്കി മാറ്റാം
• ബാക്കി വന്ന ചെമ്മീൻ കൊണ്ട് ഒരു വെറൈറ്റി അട