ബിഹാർ സ്റ്റൈലിലൊരു വഴുതനങ്ങ റോസ്റ്റ്

പോഷകഗുണത്തിൻ്റെ കാര്യത്തിൽ ഒട്ടും താഴെയല്ല വഴുതനങ്ങ. ശരീരത്തിൻ്റെ ആരോഗ്യത്തിന് ഏറെ നല്ലതാണിത്. ധാരാളം വിറ്റാമിനുകളും, പൊട്ടാസ്യവും, കാത്സ്യവും, സിങ്കുമൊക്കെ അടങ്ങിയിരിക്കുന്ന വഴുതനങ്ങ ഹൃദയാരോഗ്യത്തിനും നല്ലതാണ്. എന്നാൽ വഴുതനങ്ങ ഇഷ്ട്ടപ്പെടുന്നവർ കുറവായിരിക്കും. അതിനാൽ അധിക കറികളിൽ ഇതിന് സ്ഥാനം ലഭിക്കാറുമില്ല. ബംഗാളിൻ്റെ രുചിക്കൂട്ടിൽ വഴുതനങ്ങ ഉപയോഗിച്ചുള്ള ധാരാളം കറികളുണ്ട്. അതിൽ ഏറ്റവും സിംപിളായ ഒന്നാണ് 'ബെയ്ഗൻ കലോഞ്ചി'. പേരു കേട്ടാൽ ചിലപ്പോൾ മനസ്സിലായില്ലെന്നു വരും. എന്നാൽ ഇത് ഒരു തരത്തിലുള്ള വഴുതനങ്ങ റോസ്റ്റാണ്. 'ബൈഗാൻ ജുക്കി', 'ബൈഗാൻ ഭരുവ' എന്നിങ്ങനെ വിവിധ പേരുകളിൽ ഇത് അറിയപ്പെടുന്നു. വഴുതനങ്ങ കഴിക്കാൻ​ താൽപ്പര്യമില്ലാത്തവരെപ്പോലും കൊതിപ്പിക്കുന്ന റെസിപ്പി ഇൻസ്റ്റഗ്രാം പേജിലൂടെ ശിവാംഗിയാണ് പരിചയപ്പെടുത്തി തരുന്നത്.

ചേരുവകൾ

• വഴുതനങ്ങ
• കടുക്
• വെളുത്തുള്ളി
• പച്ചമുളക്
• കുരുമുളക്
• ജീരകം
• പച്ചമാങ്ങ
• എണ്ണ
• ഉപ്പ്
• മഞ്ഞൾപ്പൊടി

View this post on Instagram

A post shared by Shivangi Dubey (@cookwithshivangi_)

തയ്യാറാക്കുന്നവിധം

• അൽപ്പം കടുക്, പച്ചമുളക്, കുരുമുളക്, ജീരകം, പച്ചമാങ്ങ എന്നിവ അരച്ചെടുക്കുക.
• അടികട്ടിയുള്ള ഒരു പാത്രം അടുപ്പിൽ വെച്ച് അൽപ്പം എണ്ണയൊഴിച്ച് അരപ്പ് അതിലേയ്ക്കു ചേർത്ത് വഴറ്റുക.
• ആവശ്യത്തിന് ഉപ്പും, കുറച്ച് മഞ്ഞൾപ്പൊടിയും, മല്ലിയിലയും ചേർത്തിളക്കി അടുപ്പിൽ നിന്നും മാറ്റിവെയ്ക്കുക.
•  നാലോ അഞ്ചോ വഴുതനങ്ങ കഴുകി വൃത്തിയാക്കിയതിൻ്റെ നടുവെ പിളർന്ന് ഉള്ളിൽ വഴറ്റിയെടുത്ത അരപ്പ് വെയ്ക്കുക.
•  ഒരു പാൻ അടുപ്പിൽ വെച്ച് അൽപ്പം എണ്ണൊഴിച്ച് ചൂടാക്കി വഴുതനങ്ങ അതിലേയ്ക്ക് ചേർത്ത് അടച്ചുവെച്ച് ഇരു വശങ്ങളും വേവിക്കുക.

Read More

• മാമ്പഴക്കാലം കഴിയുന്നതിനു മുൻമ്പ് തയ്യാറാക്കിക്കോളൂ ഈ പായസം
• കോഴിക്കോടൻ സ്പെഷ്യൽ പൊരിച്ച പത്തിരി
• ബ്രെഡ് ബാക്കി വന്നാൽ ഇനി റോളാക്കി മാറ്റാം
• ബാക്കി വന്ന ചെമ്മീൻ കൊണ്ട് ഒരു വെറൈറ്റി അട
• മഴയത്ത് അൽപ്പം കപ്പ ഉലർത്തിയത് കഴിച്ചാലോ?
• കരിമീൻ കിട്ടിയാൽ ഇങ്ങനെ തിളപ്പിച്ചെടുത്തോളൂ
• ഷുഗർ ഫ്രീ ഐസ്ക്രീം തയ്യാറാക്കാം മാമ്പഴം ഉപയോഗിച്ച്
• ബാക്കി വന്ന ചെമ്മീൻ കൊണ്ട് ഒരു വെറൈറ്റി അട
• ഊണിനൊപ്പം അടിപൊളി മുരിങ്ങയില ചമ്മന്തി
• പഴുത്ത മാങ്ങയുണ്ടോ? എന്നാൽ ട്രൈ ചെയ്യൂ ഈ നാടൻ വിഭവം
• ബീറ്റ്റൂട്ട് നിസാരക്കാരനല്ല, ഇങ്ങനെ ചെയ്തു നോക്കൂ