കോഴിക്കോടൻ സ്പെഷ്യൽ പൊരിച്ച പത്തിരി

ഒരോ ദേശത്തിനും പറയാൻ തനതായ ഒരു വിഭവം ഉണ്ടാകും. പാരമ്പര്യവും സംസ്കാരവും വിളച്ചോതുന്നവ ആയിരിക്കും ഇത്തരത്തിലുള്ള വിഭവങ്ങൾ. ഭക്ഷണരീതികളിൽ തനതായ രുചി ഭേദങ്ങൾക്കു പേരുകേട്ടതാണ് മലബാർ മേഖല. രുചിയിലും തയ്യാറാക്കുന്ന വിധത്തിലും വൈവിധ്യം പുലർത്തുന്ന ഒരുപിടി റെസിപ്പികൾ അവിടെ ഇപ്പോഴും ഉരുത്തിരിഞ്ഞു വരുന്നുണ്ട്. കേരളത്തിനൊപ്പം തന്നെ ഇവ പ്രസിദ്ധമാണ്.

മലബാറിൻ്റെ രുചി ഭേദങ്ങളിൽ എടുത്തു പറയേണ്ടതാണ് പത്തിരി. അരിപ്പൊടി ഉപയോഗിച്ചു തയ്യാറാക്കുന്ന സാധാരണ പത്തിരിയല്ലിത്. അരിപ്പൊടിയും, മൈദയും ചേർന്ന പൊരിച്ച പത്തിരി രുചിയിൽ കേമനാണ്. ഏതു സമയത്തും  കഴിക്കാവുന്ന ഒന്നാണ് പൊരിച്ച പത്തിരി. ഷബ്നം തൻ്റെ ഇൻസ്റ്റഗ്രാം പേജിലൂടെയാണ് പൊരിച്ച പത്തിരി റെസിപ്പി പരിചയപ്പെടുത്തുന്നത്. . 

ചേരുവകൾ

• വെള്ളം 
• ഉപ്പ്
• പഞ്ചസാര
• കരിഞ്ചീരകം
• അരിപ്പൊടി 
• മൈദ 
• നേന്ത്രപ്പഴം 
• വെളിച്ചെണ്ണ

View this post on Instagram

A post shared by 𝓢𝓱𝓪𝓫𝓷𝓪𝓶 𝓢𝓱𝓪𝓶𝓼𝓾𝓭𝓭𝓲𝓷 (@frommykitchen__)

തയ്യാറാക്കുന്ന വിധം
രണ്ട് കപ്പ് വെള്ളത്തിലേയ്ക്ക് അൽപ്പം ഉപ്പ്, കരിഞ്ചീരകം, പഞ്ചസാര എന്നിവ ചേർത്ത് തിളപ്പിക്കുക . വെള്ളം തിളച്ചു വരുമ്പോൾ രണ്ട് കപ്പ് അരിപ്പൊടിയും, കാൽ കപ്പ് മൈദയും ചേർത്തിളക്കി മറ്റൊരു ബൗളിലേയ്ക്കു മാറ്റുക. ഇതിലേയ്ക്ക് നന്നായി പഴുത്ത ഒരു നേന്ത്രപ്പഴം ഉടച്ചത് അൽപ്പം എണ്ണയോടൊപ്പം ചേർത്തിളക്കുക. ഈ മാവ് അൽപ്പം കട്ടിയിൽ പരത്തിയെടുത്ത് വട്ടത്തിൽ മുറിച്ചെടുക്കുക. അടി കട്ടിയുള്ള ഒരു പാത്രം അടുപ്പിൽ വെച്ച് അൽപ്പം എണ്ണയൊഴിച്ചു ചൂടാക്കി വറുത്തെടുക്കാം. ഇഷ്ടാനുസരണം കഴിക്കാം.  . 

Read More

• ബ്രെഡ് ബാക്കി വന്നാൽ ഇനി റോളാക്കി മാറ്റാം
• ബാക്കി വന്ന ചെമ്മീൻ കൊണ്ട് ഒരു വെറൈറ്റി അട
• മഴയത്ത് അൽപ്പം കപ്പ ഉലർത്തിയത് കഴിച്ചാലോ?
• കരിമീൻ കിട്ടിയാൽ ഇങ്ങനെ തിളപ്പിച്ചെടുത്തോളൂ
• ഷുഗർ ഫ്രീ ഐസ്ക്രീം തയ്യാറാക്കാം മാമ്പഴം ഉപയോഗിച്ച്
• ബാക്കി വന്ന ചെമ്മീൻ കൊണ്ട് ഒരു വെറൈറ്റി അട
• ഊണിനൊപ്പം അടിപൊളി മുരിങ്ങയില ചമ്മന്തി
• പഴുത്ത മാങ്ങയുണ്ടോ? എന്നാൽ ട്രൈ ചെയ്യൂ ഈ നാടൻ വിഭവം
• ബീറ്റ്റൂട്ട് നിസാരക്കാരനല്ല, ഇങ്ങനെ ചെയ്തു നോക്കൂ
• വെറും പത്ത് മിനിറ്റിൽ ടിക്കി തയ്യാറാക്കാം, സിംപിളാണ് റെസിപ്പി