തേങ്ങ മതി ഇനി വട തയ്യാറാക്കൽ സിംപിളാണ്

ചായക്കൊപ്പം ചൂട് വട എന്ന് പറഞ്ഞു കേൾക്കുന്നതു തന്നെ സുഖമാണ്. വട എന്നു പറയുമ്പോൾ ഉഴുന്നു വട, പരിപ്പു വട, എന്നിവയാണ് സുപരിചിതമായിട്ടുള്ളത്. എന്നാൽ തേങ്ങ കൊണ്ടുള്ള വട കഴിച്ചിട്ടുണ്ടോ?. കേരളത്തിലും, തമിഴ്നാട്ടിലും, കർണാടകയിലും മാത്രമല്ല ഒഡീഷയിലും വടയുണ്ട്. അതാണ് തേങ്ങ ഉപയോഗിച്ച് തയ്യാറാക്കുന്ന വട. നാദിയ ബാര എന്ന പേരിൽ അറിയപ്പെടുന്ന ആ പലഹാരത്തിന് സ്ഥിരം വടയുടെ ആകൃതിയിൽ തന്നെ സാദൃശ്യം തോന്നിയേക്കാം, തയ്യാറാക്കുന്ന വിധവും ഏറെക്കുറെ ഒരുപോലെയാണ്. തേങ്ങ കട്ലെറ്റ്, തേങ്ങ ഡംപ്ലിങ്, തേങ്ങ വട എന്നിങ്ങനെ വിവിധ പേരുകളിലാണ് ഇത് അറിയപ്പെടുന്നത്. തേങ്ങയും അരിപ്പൊടിയും കൊണ്ടുള്ള ഈ വട കൊണ്ട് രസ വട രീതിയിൽ കറിയും തയ്യാറാക്കാൻ സാധിക്കും. ശിവാങ്കി തൻ്റെ ഇൻസ്റ്റഗ്രാം പേജിലൂടെയാണ് ഈ  ഒഡീഷൻ വടയുടെ റെസിപ്പി പരിചയപ്പെടുത്തി തരുന്നത്.

ചേരുവകൾ

• തേങ്ങ
• ഇഞ്ചി
• പച്ചമുളക്
• കറിവേപ്പില
• കുരുമുളകുപൊടി
• ജീരകം
• ഉപ്പ്
• അരിപ്പൊടി
• എണ്ണ

View this post on Instagram

A post shared by Shivangi Dubey (@cookwithshivangi_)

തയ്യാറാക്കുന്ന വിധം

• തേങ്ങ ചിരകിയതിലേയ്ക്ക് എരിവിനനുസരിച്ച് പച്ചമുളക്, ഇഞ്ചി, കുറച്ച് കറിവേപ്പില, അൽപ്പം കുരുമുളക്, ജീരകം, ആവശ്യത്തിന് ഉപ്പ് എന്നിവ ചേർത്ത് അരയ്ക്കുക.
• ഇതിലേയ്ക്ക് അൽപ്പം അരിപ്പൊടിയും ആവശ്യത്തിന് വെള്ളവും ചേർത്തിളക്കി മാവ് തയ്യാറാക്കുക.
• തയ്യാറാക്കിയ മാവിൽ നിന്നും കുറച്ച് മാവ് വീതം എടുത്ത് വടയുടെ ആകൃതിയിലാക്കിയെടുക്കുക.
• അടികട്ടിയുള്ള പാത്രം അടുപ്പിൽ വെച്ച് ആവശ്യത്തിന് എണ്ണയൊഴിച്ചു ചൂടാക്കി വട എണ്ണയിലേയ്ക്ക് ചേർത്ത് വറുത്തെടുക്കുക.

Read More

• ഈ രാജസ്ഥാനി സ്നാക്ക് ക്രിസ്പ്പിയാണ്, ഹെൽത്തിയുമാണ്
• നാവിൽ കൊതിയൂറും അവൽ ഉടച്ചത്
• വഴുതനങ്ങ ബാക്കിയുണ്ടെങ്കിൽ ഇങ്ങനെ ചെയ്യൂ
• വാഴക്കൂമ്പ്‌ കിട്ടിയാൽ ഈ റെസിപ്പി ഉറപ്പായും ട്രൈ ചെയ്യൂ
• ചിക്കൻ റോസ്റ്റിനെ വെല്ലുന്നൊരു സോയ റെസിപ്പി
• ബിഹാർ സ്റ്റൈലിലൊരു വഴുതനങ്ങ റോസ്റ്റ്
• മാമ്പഴക്കാലം കഴിയുന്നതിനു മുൻമ്പ് തയ്യാറാക്കിക്കോളൂ ഈ പായസം
• കോഴിക്കോടൻ സ്പെഷ്യൽ പൊരിച്ച പത്തിരി
• ബ്രെഡ് ബാക്കി വന്നാൽ ഇനി റോളാക്കി മാറ്റാം
• ബാക്കി വന്ന ചെമ്മീൻ കൊണ്ട് ഒരു വെറൈറ്റി അട
• മഴയത്ത് അൽപ്പം കപ്പ ഉലർത്തിയത് കഴിച്ചാലോ?
• കരിമീൻ കിട്ടിയാൽ ഇങ്ങനെ തിളപ്പിച്ചെടുത്തോളൂ