നാല് ചേരുവകൾ മതി, മലബാർ സ്പെഷ്യൽ ചിരട്ടമാല ഇനി പലഹാരങ്ങളിൽ പ്രിയപ്പെട്ടതാകും

മലപ്പുറം, കോഴിക്കോട് ഭാഗങ്ങളിൽ ഏറെ പ്രചാരത്തിലുള്ള മുട്ടമാല രുചിയിലും ആകൃതിയിലും സ്പെഷ്യലാണ്. പേരുപോലെ തന്നെ മുട്ടയാണ് പ്രധാന ചേരുവ. ഇതേ മുട്ടമാലയുടെ അപരനാണ് ചിരട്ടമാല. ചേരുവകളിൽ വലിയ വ്യത്യാസമില്ല. ഷാഗി ഉഷകുമാർ ഇൻസ്റ്റഗ്രാം പേജിലൂടെയാണ് ചിരട്ടമായ തയ്യാറാക്കുന്ന വിധം പരിചയപ്പെടുത്തി തരുന്നത്. 

Also Read: ഒരു മുട്ട കൊണ്ട് ഇഷ്ടം പോലെ ബജ്ജി കഴിക്കാം, ഇതാണാ സിംപിൾ റെസിപ്പി

ചേരുവകൾ

• മുട്ട- 3
• പഞ്ചസാര- 1/4 കപ്പ്
• ഏലയ്ക്കപ്പൊടി- 1/2 ടീസ്പൂൺ
• ഉപ്പ്- 1/2 ടീസ്പൂൺ
• മൈദ- 3/4 കപ്പ്

Also Read: പച്ചരി ഉണ്ടോ? എങ്കിൽ മലബാർ രുചിയിൽ കലത്തപ്പം കഴിക്കാം

View this post on Instagram

A post shared by Shagi Ushakumar (@easy_cooking_island)

Also Read: മലബാർ സ്പെഷ്യൽ ഇറച്ചി പത്തിൽ

തയ്യാറാക്കുന്ന വിധം

• ഒരു ചെറിയ ബൗളിലേയ്ക്ക് മൂന്ന് മുട്ട പൊട്ടിച്ചൊഴിക്കാം. ഇതിലേയ്ക്ക് കാൽ കപ്പ് പഞ്ചസാരയും അര ടീസ്പൂൺ ഉപ്പും, അര ടീസ്പൂൺ ഏലയ്ക്കപ്പൊടിയും ചേർത്തിളക്കി യോജിപ്പിക്കാം.
• ഇതിലേയ്ക്ക് മുക്കാൽ കപ്പ് മൈദപ്പൊടി ചേർക്കാം.
• ഇവ നന്നായി ഇളക്കി യോജിപ്പിക്കാം. ഒരു ചിരട്ടയെടുത്ത് അതിൽ ചെറിയ ദ്വാരമിട്ടു കൊടുക്കാം.
• അടി കട്ടിയുള്ള ഒരു പാത്രം അടുപ്പിൽ വച്ചു ചൂടാക്കാം. അതിലേയ്ക്ക് വെളിച്ചെണ്ണ ഒഴിച്ചു ചൂടാക്കാം. എണ്ണ തിളച്ചു വരുമ്പോൾ തീ കുറച്ചു വയ്ക്കാം. ചിരട്ടയിലേയ്ക്ക് മാവൊഴിച്ച് ദ്വാരത്തിലൂടെ അത് എണ്ണയിലേയ്ക്ക് ഒഴിക്കാം. ഇളം ബ്രൗൺ നിറമാകുമ്പോൾ എണ്ണയിൽ നിന്നു കോരിയെടുക്കാം. ഇത് ചൂടോടെ കഴിച്ചു നോക്കൂ.

Read More: നേന്ത്രപ്പഴം കഴിക്കാത്തവരും ഈ മലബാർ വിഭവത്തിനായി കൊതിക്കും