പച്ചരി ഉണ്ടോ? എങ്കിൽ മലബാർ രുചിയിൽ കലത്തപ്പം കഴിക്കാം

മലബാർ രുചിപ്പെരുമയിൽ ഏറെ പ്രചാരത്തിലുള്ള മധുരപലഹാരമാണ് കലത്തപ്പം. ഒറ്റ കാഴ്ചയിൽ നെയ്യപ്പത്തിനോട് സാമ്യ തോന്നുമെങ്കിലും രുചിയിൽ ഇതിനെ വെല്ലാൻ മറ്റൊരു പലഹാരമില്ല. പച്ചരിയും ശർക്കരയും തന്നെയാണ് പ്രധാന ചേരുവകൾ. ചിവയിടങ്ങളിൽ ഇതിനൊപ്പം ചുവന്നുള്ളിയും ചേർക്കാറുണ്ട്. മലബാറുകാരുടെ ഗൃഹാതുര ഓർമയെ ഉണർത്തുന്ന കലത്തപ്പം വൈകിട്ട് ചായക്കുള്ള സ്നാക്കായി കഴിക്കാം. 

ചേരുവകൾ

• പച്ചരി- 1 കപ്പ്
• തേങ്ങ- 1/4 കപ്പ്
• ജീരകം- 1 ടീസ്പൂൺ
• ശർക്കര- 1 കപ്പ്
• വെള്ളം- ആവശ്യത്തിന്
• നെയ്യ്- ആവശ്യത്തിന്
• തേങ്ങ- ആവശ്യത്തിന്
• ഉപ്പ്- 1/4 ടീസ്പൂൺ
• ഏലയ്ക്കപ്പൊടി- 1/4 ടീസ്പൂൺ
• കുക്കങ് സോഡ- 1/4 ടീസ്പൂൺ
• വെളിച്ചെണ്ണ

View this post on Instagram

A post shared by HomeCookingShow (@homecookingshow)

തയ്യാറാക്കുന്ന വിധം

• ഒരു കപ്പ് പച്ചരിയിലേയ്ക്ക് കാൽ കപ്പ് വേവിച്ച ചോറ് ചേർക്കാം.
• അതിലേയ്ക്ക് കാൽ കപ്പ് തേങ്ങ ചിരകിയതും ചേർത്ത് ആവശ്യത്തിന് വെള്ളവും ഒഴിച്ച് അരച്ചെടുക്കാം.
• അടി കട്ടിയുള്ള ഒരു പാൻ അടുപ്പിൽ വച്ച് കുറച്ച് വെള്ളം ഒഴിക്കാം.
• അതിലേയ്ക്ക് ഒരു കപ്പ് ശർക്കര പൊടിച്ചതു ചേർത്ത് അലിയിക്കാം.
• ശർക്കര നന്നായി അലിഞ്ഞതിനു ശേഷം അത് അരിച്ചെടുക്കാം.
• മറ്റൊരു പാനിലേയ്ക്ക് അൽപം നെയ്യ് ഒഴിച്ച് തേങ്ങ കഷ്ണങ്ങൾ ചേർത്തു വറുക്കാം.
• അരച്ചെടുത്ത മാവിലേയ്ക്ക് ശർക്കര ലായനിയും തേങ്ങ വറുത്തതും ചേർക്കാം.
• ഇതിലേയ്ക്ക് ഏലയ്ക്ക പൊടിച്ചത് കാൽ ടീസ്പൂൺ, കാൽ ടീസ്പൂൺ കുക്കിങ് സോഡ എന്നിവ ചേർത്തിളക്കി യോജിപ്പിച്ച് 10 മിനിറ്റ് മാറ്റി വയ്ക്കാം.
• പാലപ്പ ചട്ടി അടുപ്പിൽ വച്ച് കുറച്ച് വെളിച്ചെണ്ണ ഒഴിക്കാം.
• അതിലേയ്ക്ക് മാവ് ഒഴിച്ച് കിണ്ണത്തപ്പം വേവിച്ചെടുക്കാം.
• ഉണ്ണിയപ്പ ചട്ടിയിലും ഇത് തയ്യാറാക്കാം.

Read More

• അരിയും ഉഴുന്നും ഇല്ലാതെ ദോശ സോഫ്റ്റായി ചുട്ടെടുക്കാം, ഇങ്ങനെ ചെയ്യൂ
• ചിക്കൻ കറി സ്പെഷ്യലാക്കണമെങ്കിൽ ഈ രുചിക്കൂട്ട് തന്നെ വേണം
• റവയും മുട്ടയും കൈയ്യിലുണ്ടോ? എങ്കിൽ ഈ ബ്രേക്ക്ഫാസ്റ്റ് റെസിപ്പി ട്രൈ ചെയ്യൂ
• വെള്ളത്തിനു പകരം തേങ്ങാപ്പാൽ, ഇതാ ഒരു സൊയമ്പൻ നാരങ്ങ ജ്യൂസ്
• വായിലിട്ടാൽ അലിഞ്ഞു പോകും കിണ്ണത്തപ്പം തയ്യാറാക്കാൻ ഇനി ഗോതമ്പ് പൊടി മതി
• മുട്ട വേണ്ട, ക്രിസ്പിയും അകമേ സോഫ്റ്റുമായ കട്ലറ്റ് തയ്യാറാക്കാൻ ഈ ചേരുവകൾ മതി
• മുളക് ചമ്മന്തി അരച്ചെടുക്കുന്നതിനു മുമ്പ് ഇങ്ങനെ ചെയ്യൂ, സൂപ്പർ രുചിയാണ്