ഒരു മുട്ട കൊണ്ട് ഇഷ്ടം പോലെ ബജ്ജി കഴിക്കാം, ഇതാണാ സിംപിൾ റെസിപ്പി

മലയാളികൾ പൊതുവെ ചായയും ഒപ്പം എന്തെങ്കിലും കടിയും അഥവ പലഹാരവും കഴിക്കാൻ ഇഷ്ടപ്പെടുന്നവരാണ്. അതും നല്ല ക്രിസ്പിയും സ്പൈസിയുമായ വറുവൽ സ്നാക്സ് ആണെങ്കിൽ അത്രയും നല്ലത്. പരിപ്പു വടയും, സമൂസയും, കട്ലറ്റ്, ഉഴുന്നു വടയുമൊക്കെ ഈ പട്ടികയിൽ മാറി മാറി വരുന്നുണ്ടാകും. എന്നാൽ ഇനി അതിനൊരു മാറ്റം കൊണ്ടുവരാം, വ്യത്യസ്തമായ പലഹാരങ്ങൾ പരീക്ഷിക്കാം. വെറുതെ പുഴുങ്ങി കഴിക്കുന്ന മുട്ട മതിയാകും, ആവശ്യത്തിലേറെ സ്നാക്സ് തയ്യാറാക്കാൻ. ഇച്ചൂസ് കിച്ചൺ എന്ന യൂട്യൂബ് ചാനലാണ് ഈ വ്യത്യസ്ത മുട്ട റെസിപ്പി പരിചയപ്പെടുത്തി തരുന്നത്. 

Also Read: ചായക്കട രുചിയിൽ സിംപിളായി വെട്ടുകേക്ക് വറുത്തെടുക്കാം

ചേരുവകൾ

• മുട്ട- 4 
• അരിപ്പൊടി- 1/4 കപ്പ്
• കടലമാവ്- 1 കപ്പ്
• സവാള- 1 എണ്ണം
• പച്ചമുളക്- 1 എണ്ണം
• കാരറ്റ്- 1
• ഇഞ്ചി
• വെളുത്തുള്ളി
• കറിവേപ്പില
• മഞ്ഞൾപ്പൊടി- 1/4 ടീസ്പൂൺ
• മുളകുപൊടി- 1/2 ടീസ്പൂൺ
• ഗരംമസാല- 1/4 ടീസ്പൂൺ
• ഉപ്പ്- ആവശ്യത്തിന്

Also Read: ചായപ്പീടികയിലെ ഉള്ളി വട ഇനി കൂടുതൽ ക്രിസ്പിയായി തയ്യാറാക്കാം, മാവിലേയ്ക്ക് ഇവ ചേർത്തു നോക്കൂ

Also Read: ചൂടൻ ഉഴുന്നു വട മധുരിച്ചാലും കിടില​ൻ രുചിയാണ്

തയ്യാറാക്കുന്ന വിധം

• നാല് മുട്ട പുഴുങ്ങിയെടുക്കാം. ചൂടാറിയതുനു ശേഷം അതിൻ്റെ വെള്ള ഭാഗം പ്രത്യേകം എടുത്ത് അരയ്ക്കാം.
• അതിലേക്ക് ഒരു കപ്പ് കടലമാവ്, കാൽ കപ്പ് അരിപ്പൊടി, ഇടത്തരം വലിപ്പമുള്ള സവാള ചെറുതായി അരിഞ്ഞത്, ഒരു പച്ചമുളക് അരിഞ്ഞത്, ഒരു കാരറ്റ് അരിഞ്ഞത് എന്നിവ
• ചേർത്ത് ഇളക്കി യോജിപ്പിക്കാം.
  കുറച്ച് വെളുത്തുള്ളിയും, ഇഞ്ചിയും അരച്ചെടുത്തത് ഒരു ടീസ്പൂണും, കറിവേപ്പിലയും, ചേർത്തോളൂ.
• മസാലകളായി കാൽ ടീസ്പൂൺ മഞ്ഞൾപ്പൊടി, അര ടീസ്പൂൺ മുളകുപൊടി, കാൽ ടീസ്പൂൺ ഗരംമസാല എന്നിവ ചേർത്തിളക്കി യോജിപ്പിക്കാം.
• ആവശ്യത്തിന് ഉപ്പ് കൂടി ചേർക്കാൻ മറക്കേണ്ട.
• മാറ്റി വച്ചിരിക്കുന്ന മുട്ടയുടെ മഞ്ഞ ഇതിലേക്ക് ഉടച്ചു ചേർക്കാം.
• തയ്യാറാക്കിയ മാവ് ചെറിയ ഉരുളകളാക്കാം.
• അടികട്ടിയുള്ള ഒരു പാത്രം അടുപ്പിൽ വച്ച് ആവശ്യത്തിന് എണ്ണ ഒഴിച്ചു ചൂടാക്കാം.
• അതിലേയ്ക്ക് ഉരുളകൾ ചേർത്തു വറുക്കാം.
• ഇരു വശങ്ങളും വെന്തതിനു ശേഷം എണ്ണയിൽ നിന്ന് മാറ്റാം. ചൂട് ചായക്കൊപ്പം കഴിച്ചു നോക്കൂ.

Read More: മുളകും മുട്ടയും വേണ്ട, തക്കാളി ഉണ്ടെങ്കിൽ ചൂടൻ ബജ്ജി കഴിക്കാം