ഒരു കപ്പ് ചോറ് മതി, ചൂട് ചായക്കൊപ്പം കഴിക്കാൻ​ കണ്ണൂരപ്പം റെഡി

ഭക്ഷണ കാര്യത്തിൽ മലബാറുകാരുടെ രുചിക്കൂട്ടുകൾ എന്നും മുൻപന്തിയിലാണ്. മണം കൊണ്ട് കൊതിപ്പിക്കാൻ കഴിയുന്ന ധാരാളം വിഭവങ്ങൾ അവർക്കുണ്ട്. അതിൽ തന്നെ ഉറപ്പായും കഴിച്ചു നോക്കേണ്ടതാണ് കണ്ണൂരപ്പം. ഒറ്റക്കാഴ്ചയിൽ ഉണ്ണിയപ്പത്തോട് സാമ്യം തോന്നുമെങ്കിലും ആളൽപം വെറൈറ്റിയാണ്. മുകളിൽ വെള്ളം നിറവും താഴെ ബ്രൗൺ നിറവുമുള്ള കണ്ണൂരപ്പം തയ്യാറാക്കാൻ വേവിച്ച ചോറും പച്ചരിയുമാണ് പ്രധാനമായും വേണ്ടത്. വൈകിട്ട് ചായക്കൊപ്പം കഴിക്കാൻ ഇനി ഇതൊന്ന് ട്രൈ ചെയ്യൂ. ഹംന തൻ്റെ ഇൻസ്റ്റഗ്രാം പേജിലൂടെയാണ് ഇതിൻ്റെ റെസിപ്പി പരിചയപ്പെടുത്തി തരുന്നത്. 

Also Read: പോഷകസമൃദ്ധമാണ്, ഇനി ബ്ലഡ് ഷുഗർ പേടിക്കാതെ മതിവരുവോളം ലഡ്ഡു കഴിക്കാം

ചേരുവകൾ

• പച്ചരി- 1 കപ്പ്
• പഞ്ചസാര- 3/4 കപ്പ്
• ഏലയ്ക്ക- 2
• ചോറ്- 1 കപ്പ്
• മൈദ- 1/4 കപ്പ്
• വെള്ളം- ആവശ്യത്തിന്
• ഉപ്പ്- 1/4 ടീസ്പൂൺ
• ബേക്കിംഗ് സോഡ- 1/2 ടീസ്പൂൺ

Also Read: പഞ്ഞി പോലെ സോഫ്റ്റ് ചപ്പാത്തി വേണോ? ഗോതമ്പ് പൊടി ഇങ്ങനെ കുഴയ്ക്കൂ

View this post on Instagram

A post shared by Hamna✨ (@tale_f_yumm)

Also Read: ഇത് അറിഞ്ഞാൽ ഉള്ളി വട ഇനി കൂടുതൽ ക്രിസ്പിയായി വറുക്കാം

തയ്യാറാക്കുന്ന വിധം

• പച്ചരി കഴുകി വൃത്തിയാക്കിയെടുത്ത് 8 മണിക്കൂർ എങ്കിലും വെള്ളത്തിൽ കുതിർത്തു വയ്ക്കാം.
• ശേഷം വെള്ളം കളഞ്ഞ് അതിലേയ്ക്ക് മൈദ, ഏലയ്ക്ക, വേവിച്ച ചോറ് എന്നിവ ചേർത്ത് നന്നായി അരച്ചെടുക്കാം.
• ഇതിലേയ്ക്ക് പഞ്ചസാര ചേർത്ത് വീണ്ടും എട്ട് മണിക്കൂർ അടച്ചു മാറ്റി വയ്ക്കാം.
• പുളിച്ച മാവിലേയ്ക്ക് ബേക്കിങ് പൗഡറും ആവശ്യത്തിന് ഉപ്പും ചേർത്തിളക്കി യോജിപ്പിക്കാം.
• ഉണ്ണിയപ്പം ചട്ടി അടുപ്പിൽ വച്ച് വെളിച്ചെണ്ണ ഒഴിച്ചു ചൂടാക്കാം. ഇതിലേയ്ക്ക് തയ്യാറാക്കിയ മാവ് ഒഴിക്കാം.
• ഇരു വശം വെന്തു കഴിയുമ്പോൾ മറിച്ചിട്ടു കൊടുക്കാം.
• ഇരുവശവും ഇളം ബ്രൗൺ നിറമാകുമ്പോൾ ചൂടോടെ ഒരു പാത്രത്തിലേയ്ക്കു മാറ്റാം, ആവശ്യാനുസരണം കഴിക്കാം.

Read More: ഇഡ്ഡലി സോഫ്റ്റാകും ഒപ്പം രുചികരവും, ഇനി മാവ് അരയ്ക്കുമ്പോൾ പച്ചരിക്കു പകരം ഇത് ചേർക്കൂ