ഇതളുകൾ പോലെ സോഫ്റ്റ്, ഈ​ കണ്ണൂർ സ്പെഷ്യൽ അപ്പം കഴിക്കാൻ ആരും കൊതിക്കും

നാടൻ കേരളീയ ഭക്ഷണമാണ് വട്ടയപ്പം. ക്രിസ്ത്യൻ വീടുകളിലാണ് അധികവും ഇതി തയ്യാറാക്കാറുള്ളത്. പ്രത്യേകിച്ച് കറികളൊന്നും ഇല്ലാതെ തന്നെ കഴിക്കാം എന്നതാണ് ഇതിൻ്റെ സവിശേഷത. അരിപ്പൊടിയും തേങ്ങാപ്പാലുമാണ് പ്രധാന ചേരുവകളായി വരുന്നത്. ഇവ ഉപയോഗിച്ചു തയ്യാറാക്കുന്ന മാവ് ആവിയൽ വേവിക്കുന്നതാണ് വട്ടയപ്പത്തിൻ്റെ പാചക രീതി. വട്ടത്തിലുള്ള ആകൃതി ആയതിനാലാണ് വട്ടയപ്പം എന്നു വിളിക്കുന്നത്.  അതേ രുചിയിൽ കൂടുതൽ സോഫ്റ്റായ  കണ്ണൂർ സ്പെഷ്യൽ പലഹാരമുണ്ട്, അതാണ് ഇതൾ ഒറോട്ടി. ഷാഗി തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്.

Also Read: തലേദിവസം അരച്ചു വയ്‌ക്കേണ്ട, അരിപ്പൊടിയിലേയ്ക്ക് ഇതു കൂടി ചേർത്താൽ ഞൊടിയിടയിൽ ദോശ ചുട്ടെടുക്കാം

ചേരുവകൾ

• ജീരകശാല അരി- 2 കപ്പ്
• ചോറ്- 3 ടേബിൾസ്പൂൺ
• തേങ്ങാപ്പാൽ- 2.5 കപ്പ്
• ഉപ്പ്-1 ടീസ്പൂൺ

Also Read: മൈദ വേണ്ട, ഗോതമ്പ് പൊടിയിലേയ്ക്ക് ഇത് ഒരു കപ്പ് ഒഴിക്കാം; പഞ്ഞിപോലുള്ള പൊറോട്ട റെഡി

View this post on Instagram

A post shared by Shagi Ushakumar (@easy_cooking_island)

Also Read:  ഒരു കപ്പ് അരിപ്പൊടിയിലേയ്ക്ക് ഇത് കൂടി ചേർത്താൽ സോഫ്റ്റും രുചികരവുമായ ഇടിയപ്പം കഴിക്കാം

തയ്യാറാക്കുന്ന വിധം

• രണ്ട് കപ്പ് അരി വെള്ളം ചേർത്ത് മൂന്ന് മണിക്കൂർ കുതിർത്തു വയ്ക്കാം.
• അല്ലെങ്കിൽ ഒരു രാത്രി മുഴുവൻ വെള്ളത്തിൽ കുതിർത്തു വയ്ക്കാം.
• ശേഷം വെള്ളം അരിച്ചു കളഞ്ഞെടുക്കാം.
• അതിലേയ്ക്ക് വേവിച്ച ചോറ് മൂന്ന് ടേബിൾസ്പൂണും ഒരു ടീസ്പൂൺ ഉപ്പും ചേർക്കാം.
• ഒരു കപ്പ് തേങ്ങാപ്പാൽ അതിലൊഴിച്ച് അരച്ചെടുക്കാം.
• ശേഷം 1.5 കപ്പ് തേങ്ങാപ്പാൽ മുകളിലേയ്ക്ക് ഒഴിച്ചിളക്കി യോജിപ്പിക്കാം.
• ഇഡ്ഡലി പാത്രത്തിൽ വെള്ളമെടുത്തു ചൂടാക്കാം.
• ശേഷം പരന്ന പാത്രത്തിൽ നെയ്യ് പുരട്ടാം.
• അതിലേയ്ക്ക് തയ്യാറാക്കിയ മാവ് ഒരു തവി ഒഴിക്കാം.
• ശേഷം മൂന്ന് മിനിറ്റ് ആവിയിൽ വേവിക്കാം.
• വീണ്ടും ഒരു തവി മാവ് അതിനു മുകളിൽ ഒഴിക്കാം.
• ശേഷം ആവിയിൽ വേവിച്ചെടുക്കാം.
• ഇങ്ങനെ പല ലെയറുകളിലായി ഒഴിച്ച് ആവിയിൽ വേവിക്കാം. ഇത് ചൂടോടെ തന്നെ മുറിച്ചെടുത്ത് കഴിക്കാം. 

Read More: മാവ് അരച്ചു പൊങ്ങാൻ വെക്കേണ്ട പെട്ടെന്ന് തയ്യാറാക്കാം പഞ്ഞി പോലുള്ള ഈ ദോശ