മൈദ വേണ്ട, ഗോതമ്പ് പൊടിയിലേയ്ക്ക് ഇത് ഒരു കപ്പ് ഒഴിക്കാം; പഞ്ഞിപോലുള്ള പൊറോട്ട റെഡി

പൊറോട്ടയും ബീഫും മലയാളികളുടെ ദേശീയ ഭക്ഷണമാണെന്ന് പറയപ്പെടുന്നു. മൈദ കൊണ്ടുള്ള പൊറോട്ടക്കാണ് ആരാധകരുള്ളത്. എന്നാൽ സ്ഥിരമായി അതു കഴിക്കുന്നത് ആരോഗ്യത്തിന് ഗുണം ചെയ്തേക്കില്ല. പക്ഷേ പൊറോട്ടയോടുള്ള പ്രിയം കുറയുന്നില്ല എന്നാണെങ്കിൽ ഹെൽത്തി ആയിട്ട് വീട്ടിൽ തന്നെ അത് തയ്യാറാക്കി നോക്കാം. ഇതിന് ഗോതമ്പ് പൊടി മാത്രം മതി. കടയിൽ നിന്നും  വാങ്ങുന്നതിനേക്കാൽ സോഫ്റ്റായിട്ടുള്ള ഗോതമ്പ് പാൽ പൊറോട്ട ഇൻസ്റ്റൻ്റ് ആയിട്ട് വളരെ എളുപ്പത്തിൽ ചുട്ടെടുക്കാം. ബിൻസി തൻ്റെ ഇൻസ്റ്റഗ്രാം പേജിലൂടെ ഇത് എങ്ങനെ തയ്യാറാക്കാം എന്ന് പരിചയപ്പെടുത്തി തരുന്നത്.

Also Read: ഒരിക്കൽ കഴിച്ചു തുടങ്ങിയാൽ പിന്നെ നിർത്താൻ പറ്റില്ല, ഒരു കപ്പ് റവ കൊണ്ട് നാവിലലിയുന്ന മധുരപലഹാരം

ചേരുവകൾ

• ഗോതമ്പ്- 2 കപ്പ്
• പാൽ- 3/4 കപ്പ്
• വെള്ളം- ആവശ്യത്തിന്
• നെയ്യ്- ആവശ്യത്തിന്

View this post on Instagram

A post shared by bincyskitchen (@bincyskitchen)

Also Read: ഉഴുന്നു വേണ്ട, അരിയിലേയ്ക്ക് ഇവ രണ്ടും ചേർത്ത് മാവ് അരയ്ക്കൂ; പഞ്ഞിപോലുള്ള സോഫ്റ്റ് ദോശ കഴിക്കാം

തയ്യാറാക്കുന്ന വിധം

• രണ്ട് കപ്പ് ഗോതമ്പ് പൊടിയിലേയ്ക്ക് മുക്കാൽ കപ്പ് ചൂട് പാൽ ചേർക്കാം.
• അൽപ്പം വെള്ളം കൂടി ഒഴിച്ച് ഇളക്കി മാവ് കുഴയ്ക്കാം.
• കുഴച്ചെടുത്ത മാവ് ചെറിയ ഉരുളകളാക്കുക. അവ പരത്താം.
• ആദ്യം കുറച്ച് കട്ടിയിൽ പരത്തി ഉള്ളിൽ കുറച്ച നെയ്യ് ചേർത്ത് ത്രികോണാകൃതിയിൽ മടക്കി പരത്താം.
• ഒരു പാൻ അടുപ്പിൽ വെച്ച് ചൂടാക്കി പൊറോട്ട ചുട്ടെടുക്കാം. 
• ഇത് ചൂടോടെ കഴിച്ചു നോക്കൂ.

Also Read: വീശിയടിക്കേണ്ട, തട്ടുകടയിലെ സോഫ്റ്റ് പൊറോട്ട ഇനി വീട്ടിൽ തയ്യാറാക്കാം

മാവ് സോഫ്റ്റാകാൻ ചില പൊടിക്കൈകൾ

• ചപ്പാത്തി സോഫ്റ്റ് മാത്രമല്ല രുചികരവുമാക്കാൻ ചെറുചൂടോടെ പാൽ ഒഴിച്ച് മാവ് കുഴയ്ക്കാം.
• ചപ്പാത്തി മാവ് കുഴയ്ക്കുമ്പോൾ അൽപം നെയ്യ് ചേർക്കാം. ഇത് മാവ് കൂടുതൽ സോഫ്റ്റാകാൻ ഗുണകരമാണ്.
• നെയ്യും തൈരും ഇല്ലെങ്കിൽ കുറച്ച് വെളിച്ചെണ്ണ ചേർത്ത് ചപ്പാത്തി മാവ് കുഴയ്ക്കാം.
• പാൻ ചൂടാകുന്നതിനു മുമ്പ് ചപ്പാത്തി മാവ് അതിൽ വയ്ക്കരുത്. പാൻ ചൂടായി അൽപം നെയ്യ് പുരട്ടിയതിനു ശേഷം ചപ്പാത്തി ചുട്ടെടുത്തു നോക്കൂ.
• മാവ് കുഴയ്ക്കാൻ തണുത്ത വെള്ളത്തിനു പകരം ചൂടാക്കിയ വെള്ളം ഉപയോഗിക്കാം.

Read More: തലേദിവസം അരച്ചു വയ്‌ക്കേണ്ട, അരിപ്പൊടിയിലേയ്ക്ക് ഇതു കൂടി ചേർത്താൽ ഞൊടിയിടയിൽ ദോശ ചുട്ടെടുക്കാം