മാവ് അരച്ചു പൊങ്ങാൻ വെക്കേണ്ട പെട്ടെന്ന് തയ്യാറാക്കാം പഞ്ഞി പോലുള്ള ഈ ദോശ

എല്ലാ ദിവസവും രാവിലെ ദോശ കഴിക്കുന്നവരാണോ നിങ്ങൾ?. അതല്ലെങ്കിൽ ആഴ്ച്ചയിൽ രണ്ടു തവണയെങ്കിലും ദോശ കഴിക്കാതിരിക്കില്ലെല്ലോ. അരിയും ഉഴുന്നും, അല്ലെങ്കിൽ ഗോതമ്പ് പൊടി കൊണ്ടും ആണ് സാധാരണ ദോശ തയ്യാറാക്കാറുള്ളത്.  ഒരാഴ്ച്ചത്തേയ്ക്കു വേണ്ട മാവ് കാലേകൂട്ടി സൂക്ഷിച്ചു വെയ്ക്കുന്നവരും ഉണ്ട്. എന്നാൽ ഇതൊന്നും പറ്റാത്ത ചില അവസരങ്ങൾ വന്നേക്കാം, പ്രത്യേകിച്ച് അപ്രതീക്ഷിതമായി ഏതെങ്കിലു അതിഥിതികൾ വീട്ടിലേയ്ക്ക് രാവിലെ വന്നാൽ മാവ് ഇല്ലെങ്കിൽ പിന്നെ അടുക്കള കാര്യം അവതാളത്തിലായേക്കാം.

Also Read: ബാക്കി വന്ന ദോശ മാവിനൊപ്പം ഈ മസാലക്കൂട്ട് ചേർത്തു ചുട്ടെടുക്കൂ, കിടിലൻ രുചിയാണ്

എങ്കിലിനി ഇവയൊന്നും ഇല്ലാതെ രുചികരവും ഹെൽത്തിയുമായി ദോശ തയ്യാറാക്കാം മിനിറ്റുകൾക്കുള്ളിൽ. ഇസ്രത് പ്രവീൺ തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്.

ചേരുവകൾ

• റവ- 1 കപ്പ്
• വെള്ളം- 1 1/4 കപ്പ്
• വറ്റൽമുളക്- 3
• ചുവന്നുള്ളി- 5
• ഇഞ്ചി- 1
• തക്കാളി- 1
• ഉപ്പ്- ആവശ്യത്തിന്
• ഇഎൻഒ- 1/4 ടീസ്പൂൺ

Also Read: തലേദിവസം അരച്ചു വയ്‌ക്കേണ്ട, അരിപ്പൊടിയിലേയ്ക്ക് ഇതു കൂടി ചേർത്താൽ ഞൊടിയിടയിൽ ദോശ ചുട്ടെടുക്കാം

View this post on Instagram

A post shared by Ishrath Parveen T T (@roseapplekitchen)

Also Read: മൈദ വേണ്ട, ഗോതമ്പ് പൊടിയിലേയ്ക്ക് ഇത് ഒരു കപ്പ് ഒഴിക്കാം; പഞ്ഞിപോലുള്ള പൊറോട്ട റെഡി

തയ്യാറാക്കുന്ന വിധം

• ഒരു കപ്പ് റവിയിലേയ്ക്ക് ഒരു കപ്പ് വെള്ളം ഒഴിച്ച് 10 മിനിറ്റ് അടച്ചു വയ്ക്കാം.
• റവയിലേയ്ക്ക് മൂന്ന് വറ്റൽമുളക്, അഞ്ച് ചുവന്നുള്ളി, ഒരു ചെറിയ കഷ്ണം ഇഞ്ചി, ഒരു തക്കാളി ചെറിയ കഷ്ണങ്ങളാക്കിയത് എന്നിവ ചേർത്ത് അരച്ചെടുക്കാം.
• അതിലേയ്ക്ക് ആവശ്യത്തിന് ഉപ്പ് ചേർത്തിളക്കി യോജിപ്പിക്കാം. കാൽ ടീസ്പൂൺ ഇഎൻഒ ചേർത്ത് യോജിപ്പിച്ച് 10 മിനിറ്റ് മാറ്റി വയ്ക്കാം.
• ഒരു പാൻ അടുപ്പിൽ വച്ചു ചൂടാക്കാം.
• അതിലേയ്ക്ക് കുറച്ച് എണ്ണ പുരട്ടാം.
• മാവ് പാനിലേയ്ക്ക് ഒഴിച്ച് ഇരുവശങ്ങളും വേവിച്ചെടുക്കാം.
• ഇത് ചമ്മന്തിയോടൊപ്പമോ അല്ലെങ്കിൽ സാമ്പാറിൻ്റെ കൂടെയോ കഴിക്കാം. 

Read More: ഒരു കപ്പ് അരിപ്പൊടിയിലേയ്ക്ക് ഇത് കൂടി ചേർത്താൽ സോഫ്റ്റും രുചികരവുമായ ഇടിയപ്പം കഴിക്കാം