ബാക്കി വന്ന ദോശ മാവിനൊപ്പം ഈ മസാലക്കൂട്ട് ചേർത്തു ചുട്ടെടുക്കൂ, കിടിലൻ രുചിയാണ്

മാവ് അരച്ച് പുളിപ്പിച്ച് ഇഡ്ഡലി തട്ടിൽ ഒഴിച്ച് ആവിയിൽ വേവിച്ചെടുക്കുന്നതാണ് കേരളീയരുടെ സ്വന്തം ഇഡ്ഡലി. ആവിയിൽ വെന്തു പൊങ്ങി വരുന്ന ഇഡ്ഡലിയും സാമ്പാറും അല്ലെങ്കിൽ ചമ്മന്തിയും ആരേയും കൊതിപ്പിക്കും. എന്നാൽ എല്ലായിപ്പോഴും ഇതു തന്നെ തീൻമേശയിൽ കണ്ടാൽ ചിലപ്പോൾ ഒരു മടുപ്പ് തോന്നിയേക്കാം. എന്നാൽ ഇനി ഇഡ്ഡലി പാത്രം ഇല്ലാതെ തന്നെ വ്യത്യസ്തമായ രുചിയിൽ അടിപൊളി ഇഡ്ഡലി കഴിക്കാം. നുസീറ തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്.

Also Read: ദോശ കഴിക്കാൻ മടി തോന്നാറുണ്ടോ? എങ്കിലിനി മസാല ചേർത്തൊരു പരീക്ഷണം നടത്തി നോക്കാം

ചേരുവകൾ

• വെളിച്ചെണ്ണ
• ഇഞ്ചി
• വെളുത്തുള്ളി
• പച്ചമുളക്
• കറിവേപ്പില
• സവാള
• ജീരകം
• ഉപ്പ്
• തക്കാളി
• മുളകുപൊടി
• മഞ്ഞൾപ്പൊടി

Also Read: ഒറ്റക്കാഴ്ചയിൽ കൊതിപ്പിക്കും മലബാർ സ്പെഷ്യൽ ഏലാഞ്ചി, സിംപിളാണ് റെസിപ്പി

View this post on Instagram

A post shared by Nuseera PA (@dians_kannur_kitchen)

Also Read: ഇടിയപ്പം മൃദുവും രുചികരവുമാക്കാം, മാവ് കുഴയ്ക്കുമ്പോൾ ഇത് ഒരു സ്പൂൺ ചേർക്കൂ

തയ്യാറാക്കുന്ന വിധം

• ഒരു പാൻ അടുപ്പിൽ വെച്ച് അൽപ്പം വെളിച്ചെണ്ണ ഒഴിച്ചു ചൂടാക്കാം.
• അതിലേയ്ക്ക് ഇഞ്ചി, വെളുത്തുള്ളി, പച്ചമുളക്, കറിവേപ്പില, എന്നിവ ചേർത്തു വഴറ്റാം.
  സവാള ചെറുതായി അരിഞ്ഞതു ചേർത്തിളക്കി യോജിപ്പിക്കാം.
• സവാള വഴറ്റിയതിലേയ്ക്ക് കാൽ ടീസ്പൂൺ ജീരകവും ഉപ്പും ചേർത്തിളക്കാം.
• തക്കാളി ചെറിയ കഷ്ണങ്ങളാക്കിയത് ചേർത്തിളാക്കി വേവിക്കാം.
• എണ്ണ തെളിഞ്ഞു വരുമ്പോൾ എരിവിനനുസരിച്ച് മുളകുപൊടി, മഞ്ഞൾപ്പൊടി എന്നിവ ചേർത്തിളക്കാം. കുറച്ച് വെള്ളം ചേർത്തിളക്കി യോജിപ്പിക്കാം.
• ഇതിനു മുകളിലായി മാവ് ഒഴിക്കാം.
• ഇരുവശങ്ങളും വേവിച്ചെടുക്കുക. ആവശ്യമെങ്കിൽ മുകളിൽ മല്ലിയില കൂടി ചേർക്കാം. 

Read More: ഉഴുന്നു വേണ്ട, അരിയോടൊപ്പം ഇവ രണ്ടും ചേർത്ത് മാവ് അരയ്ക്കൂ; പഞ്ഞിപോലുള്ള സോഫ്റ്റ് ദോശ കഴിക്കാം