അരിയും ഉഴുന്നും അരക്കാതെ 10 മിനിറ്റിൽ തയ്യാറാക്കാം നല്ല സോഫ്റ്റ് ദോശ

മലയാളികളുടെ ബ്രേക്ക്ഫാസ്റ്റ് വിഭവങ്ങളിൽ മാറ്റി നിർത്താനാകാത്ത ഒന്നാണ് ദോശ. തലേ ദിവസം ഉഴുന്ന് വെള്ളത്തിലിട്ട് പിന്നെ അത് അരച്ചെടുത്ത് വേണം ദോശയ്ക്കുള്ള മാവ് തയ്യാറാക്കാൻ. ഉഴുന്ന് വെള്ളത്തിലിടാൻ മറന്നു പോയാൽ ദോശ പ്ലാൻ തന്നെ മാറ്റി വയ്‌ക്കേണ്ടി വരും. എന്നാൽ ഇനി പ്രശ്‌നമില്ല, സ്വാദിഷ്ടമായ ഇൻസ്റ്റന്റ് ദോശയുണ്ടാക്കാം അതും വളരെ എളുപ്പത്തിൽ. 

10 മിനിറ്റ് കൊണ്ട് തയ്യാറാക്കിയെടുക്കാവുന്ന നല്ല പഞ്ഞിപോലുള്ള ഒരു ദോശയുടെ റെസിപ്പി പരിചയപ്പെടാം. ഈ ദോശ തയ്യാറാക്കാൻ അരിയും ഉഴുന്നും ഒന്നും ആവശ്യമില്ല.

ചേരുവകൾ

• ബ്രെഡ്- 5
• റവ (വറുക്കാത്തത്)- 1 കപ്പ്
• പുളിയില്ലാത്ത തൈര്- അര കപ്പ്
• ഉപ്പ്- മുക്കാൽ ടീസ്പൂൺ
• ചെറു ചൂടുവെള്ളം- ഒന്നേകാൽ കപ്പ്
• ബേക്കിംഗ് സോഡ- കാൽക്കപ്പ്

തയ്യാറാക്കുന്ന വിധം

• ബ്രഡിന്റെ ബ്രൗൺ കളറിലുള്ള വശം മുറിച്ച് മാറ്റുക. ശേഷം ബ്രഡ് കഷ്ണങ്ങളായി മുറിച്ച് മിക്സിയിലിട്ട് പൊടിച്ചെടുക്കുക.
• പൊടിച്ചെടുത്ത ബ്രഡിലേക്ക്, വറുക്കാത്ത റവ, അരക്കപ്പ് പുളിയില്ലാത്ത തൈര്, ഉപ്പ്, ചെറു ചൂടുവെള്ളം എന്നിവ ചേർത്ത് മിക്സിയിൽ അരച്ചെടുക്കുക.
• ഈ മാവിലേക്ക് അൽപ്പം വെള്ളം കൂടി ചേർത്ത് ദോശമാവിന്റെ പരുവമാക്കുക. ശേഷം കാൽ ടീസ്പൂൺ ബേക്കിംഗ് സോഡ കൂടി ചേർത്ത് നന്നായി ഇളക്കി യോജിപ്പിച്ചെടുക്കുക.
• ദോശമാവ് പോലെ പുളിക്കാനായി മാറ്റിവയ്ക്കേണ്ട ആവശ്യമൊന്നുമില്ല, ഉടനെ തന്നെ ചുട്ടെടുക്കാം. വേണമെങ്കിൽ നെയ് ചേർത്തും ചുട്ടെടുക്കാവുന്നതാണ്.
• സാമ്പാർ, ചട്നിപൊടി, ചമ്മന്തി എന്നിവ ചേർത്ത് കഴിക്കാം.

Read More Related Stories

• 2 മിനിറ്റ് മതി, മയോണൈസ് വീട്ടിൽ തയ്യാറാക്കാം
• 3 ചേരുവകൾ മാത്രം; രുചികരമായ സ്പാനിഷ് ഓംലെറ്റ് തയ്യാറാക്കാം
• ഗോതമ്പു പൊടിയും തേങ്ങയും പഞ്ചസാരയും; വെറും 5 മിനിറ്റിൽ സൂപ്പർ പലഹാരം
• ബിഗ് ബോസ് വീട്ടിലെ വൈറൽ താരമായ കാരമൽ ദോശ തയ്യാറാക്കാം എളുപ്പത്തിൽ