വയറു നിറയെ ചോറുണ്ണാൻ പോഷകഗുണങ്ങളുള്ള ഈ ഒരു ചമ്മന്തി മതി

ഇന്നത്തെ കാലത്ത് ശരീരഭാരം കൂടുന്നത് ഒരു വലിയ പ്രശ്നമാണ്. സമ്മർദ്ദം, അനാരോഗ്യകരമായ ഭക്ഷണക്രമം, ആരോഗ്യ പ്രശ്നങ്ങൾ എന്നിവ ശരീരഭാരം വർധിപ്പിക്കുന്നതിന് കാരണമാകും. വ്യായാമം ചെയ്യുന്നതിലൂടെയും പോഷകസമൃദ്ധമായ ഭക്ഷണങ്ങൾ കഴിക്കുന്നതിലൂടെയും ആളുകൾക്ക് ശരീരഭാരം കുറയ്ക്കാൻ കഴിയും. 

Also Read: രോഗപ്രതിരോധ ശേഷി കൂട്ടാം, ദിവസവും രാവിലെ ഇത് ഒരു ഗ്ലാസ് കുടിക്കൂ

അമിതഭാരമുള്ളവരും പേശികൾ തൂങ്ങിക്കിടക്കുന്നവരും വ്യായാമത്തോടൊപ്പം ഈ ചമ്മന്തി ഭക്ഷണത്തിൽ ഉൾപ്പെടുത്തിയാൽ ശരീരഭാരം പെട്ടെന്ന് കുറയും. അതിനായി മുതിര ഉപയോഗിക്കാം. വ്യായാമം ശരീരഭാരം കുറയ്ക്കാൻ സഹായിക്കുന്നതുപോലെ മുതിര ചമ്മന്തി ശരീരത്തിലെ മോശം കൊഴുപ്പുകൾ അലിയിക്കുന്നതിന് സഹായിക്കും. പ്രോട്ടീൻ, ഇരുമ്പ്, കാൽസ്യം, മോളിബ്ഡിനം തുടങ്ങിയ ധാതുക്കളാൽ സമ്പന്നമായ ഒരു മികച്ച ഭക്ഷണമാണ് മുതിര. പ്രത്യേകിച്ച്, സസ്യാഹാരങ്ങളിൽ പ്രോട്ടീനും കാൽസ്യവും ഇതിൽ കൂടുതലാണെന്ന് പറയപ്പെടുന്നു. വീരൻ വീടു എന്ന ഇൻസ്റ്റഗ്രാം പേജാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

Also Read: ശരീരഭാരം മാത്രമല്ല ബ്ലഡ് ഷുഗറും നിയന്ത്രിക്കാം, ഗോതമ്പ് പൊടിക്ക് പകരം ചപ്പാത്തി തയ്യാറാക്കാൻ ഇത് ഉപയോഗിക്കൂ

ചേരുവകൾ

• മുതിര
• നല്ലെണ്ണ
• വെളുത്തുള്ളി
• ഉണങ്ങിയ മുളക്
• കറിവേപ്പില
• തേങ്ങ
• പുളി
• കായപ്പൊടി

Also Read: കഠിനമായ ഡയറ്റുകൾ വേണ്ട, ശരീരഭാര നിയന്ത്രണത്തിന് ദിവസവും ഒരു നേരം ഇത് കഴിക്കൂ

View this post on Instagram

A post shared by Veeran veedu (@veeran_veedu)

തയ്യാറാക്കുന്ന വിധം

• അടി കട്ടിയുള്ള ഒരു പാത്രം അടുപ്പിൽ വച്ചു ചൂടാക്കാം.
• അതിലേയ്ക്ക് മുതിര ചേർത്ത് നന്നായി വറുക്കാം.
• മുതിരയുടെ നിറം മാറി വരുമ്പോൾ അത് തണുക്കാൻ മാറ്റി വയ്ക്കാം.
• അതേ പാത്രത്തിലേയ്ക്ക് കുറച്ച് നല്ലെണ്ണ ഒഴിക്കാം.
• ശേഷം വെളുത്തുള്ളി, വറ്റൽമുളക്, തേങ്ങ, എന്നിവ ചേർത്ത് വറുക്കാം. ശേഷം ഇവ തണുക്കാൻ മാറ്റി വയ്ക്കാം.
• തണുത്ത കഴിഞ്ഞ് ഇവ ഒരുമിച്ച് മിക്സിയിലേയ്ക്കു മാറ്റാം.
• അതിലേയ്ക്ക് ഒരു നെല്ലിക്ക വലിപ്പത്തിലുള്ള പുളിയും ആവശ്യത്തിന് ഉപ്പും ചേർത്ത് അരച്ചെടുക്കാം. ഇത് ചോറിനൊപ്പം കഴിച്ചു നോക്കൂ. 

Read More: പ്രമേഹവും ശരീരഭാരവും നിയന്ത്രിക്കാം, ജങ്ക് ഫുഡുകൾ ഒഴിവാക്കി ഈ 6 ഭക്ഷണങ്ങൾ കഴിക്കൂ