മുറുക്ക് ക്രിസ്പിയായി വറുത്തെടുക്കണോ? എങ്കിൽ മാവ് കുഴയ്ക്കുമ്പോൾ ഇതൊരു സ്പൂൺ ചേർക്കൂ

ദീപാവലി എന്നാൽ ദീപങ്ങളുടെ മാത്രമല്ല പലഹാരങ്ങലും ദിനങ്ങൾ കൂടിയാണ്. അവധി ദിനത്തിൽ വീട്ടിലെത്തുന്ന പ്രിയപ്പെട്ടവർക്കായി വ്യത്യസ്ത പലഹാരങ്ങൾ ഒരുക്കാൻ ഇഷ്ടമുള്ളവരുണ്ടാകും.  മുറുക്ക്, ലഡ്ഡു, വട തുടങ്ങി പലതരം മധുരപലഹാരങ്ങൾ ഉണ്ടാക്കാറുണ്ട്. മധുരപലഹാരങ്ങൾ എന്ന് കേൾക്കുമ്പോൾ ആദ്യം മനസ്സിൽ വരുന്നത് മുറുക്കാണ്. കൈകൊണ്ട് ഉണ്ടാക്കുന്ന മുറുക്ക്, പിൻ മുറുക്ക്, അച്ചുതണ്ട് മുറുക്ക്, തേൻ നിറച്ച മുറുക്ക്, സാധാരണ മുറുക്ക് എന്നിങ്ങനെ മുറുക്ക് തന്നെ പലവിധയമുണ്ട്. 

Also Read: 4 ചേരുവകൾ കൊണ്ട് 5 മിനിറ്റിൽ ഒരു ക്രിസ്പി സ്നാക് തയ്യാറാക്കാം

എന്നാൽ പലപ്പോഴും മുറുക്ക് വറുത്തെടുക്കുമ്പോൾ ക്രിസ്പിയായി കിട്ടണം എന്നില്ല. എന്നാൽ അതിന് മാവ് കുഴച്ചെടുക്കുമ്പോൾ ചില കാര്യങ്ങൾ ശ്രദ്ധിച്ചാൽ മതി. ഫുഡീ തമിഴ എന്ന ഇൻസ്റ്റഗ്രാം പേജാണ് ഇത് തയ്യാറാക്കേണ്ട വിധം പരിചയപ്പെടുത്തി തരുന്നത്. 

Also Read: 1 കപ്പ് അരിയുണ്ടെങ്കിൽ ഇനി ഇഷ്ടം പോലെ ബർഫി കഴിക്കാം, സിംപിളാണ് റെസിപ്പി

ചേരുവകൾ

• അരിപ്പൊടി
• കടലമാവ്
• വെണ്ണ
• ജീരകം
• കായപ്പൊടി
• ഉപ്പ്

View this post on Instagram

A post shared by FoodieTamizha (@foodietamizha)

Also Read: പിരിഞ്ഞു പോയ പാൽ വെറുതെ കളയരുതേ... മിനിറ്റുകൾക്കുള്ളിൽ ഒരു മധുരം തയ്യാറാക്കാം

തയ്യാറാക്കുന്ന വിധം

• അരിപ്പൊടിയിലേയ്ക്ക് കുറച്ച് കടലമാവ് ചേർത്തിളക്കാം. അതിലേയ്ക്ക് ജീരകം, മഞ്ഞൾപ്പൊടി, വെണ്ണ, ആവശ്യത്തിന് ഉപ്പ് എന്നിവ ചേർത്തിളക്കി യോജിപ്പിക്കാം. 
• ആവശ്യമെങ്കിൽ ചെറുചൂടുള്ള വെള്ളമൊഴിച്ച് മാവ് കുഴയ്ക്കാം. 
   
• സേവനാഴിയിൽ വെണ്ണ പുരട്ടാം. അതിലേയ്ക്ക് തയ്യാറാക്കിയ മാവ് ചേർക്കാം. 
• അടി കട്ടിയുള്ള ഒരു പാത്രം അടുപ്പിൽ വച്ചു ചൂടാക്കാം. അതിലേയ്ക്ക് വെളിച്ചെണ്ണ ഒഴിക്കാം. 
• എണ്ണ ചൂടായി കഴിയുമ്പോൾ സേവനാഴിയിൽ നിന്ന് മാവ് അതിലേയ്ക്ക് പിഴിഞ്ഞൊഴിക്കാം. 
• മാവ് വെന്തതിനു ശേഷം ടിഷ്യൂ പേപ്പർ വച്ച് ഒരു പാത്രത്തിലേയ്ക്ക് അത് മാറ്റാം. എണ്ണ മയം കുറയ്ക്കാനാണ് ഇങ്ങനെ ചെയ്യുന്നത്. 
• ഇത് വായു സഞ്ചാരമില്ലാത്ത ഒരു പാത്രത്തിലേയ്ക്കു മാറ്റി സൂക്ഷിക്കാം. 

Read More: ഈ ദീപാവലിക്ക് പ്രിയപ്പെട്ടവർക്കായി ഒരുക്കാം മധുരമൂറുന്ന വിഭവങ്ങൾ ഹെൽത്തിയായി, ട്രൈ ചെയ്യൂ ഈ റെസിപ്പികൾ