മാവ് കുഴയ്‌ക്കേണ്ട വീശി അടിക്കേണ്ട, ഏറ്റവും എളുപ്പത്തിൽ പൊറോട്ട തയ്യാറാക്കാൻ ഇനി ബാക്കി വന്ന ചോറ് മതി

മലയാളികൾക്ക് ഏറെ ഇഷ്ടമുള്ള വിഭവങ്ങളിൽ ഒന്നാണ് പൊറോട്ട. ബീഫിനൊപ്പവും ചിക്കനൊപ്പവുമൊക്കെ നന്നായി ചേർന്നുപോവുന്ന വിഭവം.നല്ല മൊരിഞ്ഞ ഒരു പൊറോട്ട ബീഫിന്‍റെ ചാറില്‍ മുക്കിയോ ചിക്കനൊപ്പമോ ഒക്കെ കഴിക്കുന്നത് ഓർത്താലേ വായിൽ വെള്ളം വരുന്ന പൊറോട്ട കൊതിയന്മാർ ഏറെയാണ്.

Also Read: പഞ്ഞി പോലുള്ള പുട്ടിന് അരിപ്പൊടിയും ഗോതമ്പും വേണ്ട, ഇത് രണ്ട് കപ്പ് ഉപയോഗിക്കാം

വീട്ടിൽ പൊറോട്ട ഉണ്ടാക്കാൻ പലർക്കും മടിയാണ്. ഹോട്ടലുകളിൽ നിന്നും വാങ്ങിക്കുമ്പോൾ കിട്ടുന്ന ആ പെർഫെക്ഷൻ അതിനു കിട്ടില്ല എന്നതു തന്നെയാണ് കാരണം. വീശിയടിച്ചെടുക്കാതെ തന്നോ സോഫ്റ്റായിട്ടുള്ള പൊറോട്ട ചുട്ടെടുക്കാം ഇനി വീട്ടിൽ. അതിന് ബാക്കി വന്ന ചോറ് ഉപയോഗിക്കാം.

Also Read: ഇനി മാവ് കുഴയ്ക്കുമ്പോൾ ഇത് കൂടി ചേർക്കാം, ചപ്പാത്തി സോഫ്റ്റും രുചികരവുമാക്കാം

 ചേരുവകൾ

• മൈദപ്പൊടി- 4 കാപ്പ്
• ചോറ്- 3 കപ്പ്
• ഉപ്പ്- ആവശ്യത്തിന്
• പഞ്ചസാര- ഒന്നര ടീസ്പൂൺ
• നെയ്യ് അല്ലെങ്കിൽ വെണ്ണ

Also Read: റവ മാത്രമല്ല, ഇവ കൂടി ചേർത്താൽ ഉപ്പുമാവ് ആരും കഴിച്ചു പോകും

തയ്യാറാക്കുന്ന വിധം

• നാല് കപ്പ് മൈദപ്പൊടിയിലേയ്ക്ക് മൂന്ന് കപ്പ് ചോറ് ചേർക്കാം.
• ഇതിലേയ്ക്ക് ആവശ്യത്തിന് ഉപ്പും ഒന്നര ടീസ്പൂൺ പഞ്ചസാരയും ചേർക്കാം. ഇത് ഇളക്കി യോജിപ്പിക്കാം.
• മിക്സിയുടെ ഉള്ളിൽ നെയ്യ് പുരട്ടി അതിലേയ്ക്ക് തയ്യാറാക്കിയ മാവ് ചേർത്ത് നന്നായി അരച്ചെടുക്കാം. ആവശ്യത്തിന് വെള്ളം ഒഴിക്കാം.
• വെള്ളം കൂടിപ്പോകാതിരിക്കാൻ ശ്രദ്ധിക്കണം. അരച്ചെടുത്ത മാവ് ഒരു ബൗളിലേയ്ക്കു മാറ്റി കൈ ഉപയോഗിച്ച് കുഴയ്ക്കാം.
• മുകളിൽ കുറച്ച് നെയ്യ് പുരട്ടി അര മണിക്കൂറെങ്കിലും അടച്ചു വയ്ക്കാം.
• ശേഷം അത് ചെറിയ ഉരുളകളാക്കി കൈ ഉപയോഗിച്ച് പരത്താം.
• കട്ടി കുറച്ച് പരത്തിയ മാവ് നീളത്തിൽ കീറാം. അവ ചേർത്ത് വീണ്ടും ഉരുളകളാക്കി മുകളിൽ നെയ്യ് പുരട്ടി 15 മിനിറ്റെങ്കിലും മാറ്റി വയ്ക്കാം.
• വീണ്ടും കൈ ഉപയോഗിച്ച് അത് പരത്താം. ഒരു പാൻ അടുപ്പിൽ വച്ചു ചൂടാക്കാം.
• അതിൽ കുറച്ച് നെയ്യ് പുരട്ടാം. പരത്തിയെടുത്ത മാവ് അതിലേയ്ക്കു വച്ച് ഇരുവശവും വേവിച്ചെടുക്കാം.
• ഇടയ്ക്ക് മുകളിൽ നെയ്യോ എണ്ണയോ പുരട്ടി കൊടുക്കാം. ഇത് ചൂടോടെ ചിക്കൻ കറിയോടൊപ്പമോ  ബീഫിനൊപ്പമോ കഴിക്കാം. 

Read More: അരിപ്പൊടി ഇല്ലാതെയും ഇനി അടിപൊളി ഇടിയപ്പം തയ്യാറാക്കാം