അച്ചാർ കിടിലൻ രുചിയിൽ തയ്യാറാക്കാം, ഈ മസാലക്കൂട്ട് ചേർത്തു നോക്കൂ

ചോറിനൊപ്പം അൽപം അച്ചാറ് കൂടി ചേർന്നാൽ അടിപൊളി രുചിയാണ്. അതിൽ തന്നെ പച്ചമാങ്ങ അച്ചാറുണ്ടെങ്കിൽ പ്രിയമേറും. തയ്യാറാക്കി ദീർഘനാൾ സൂക്ഷിക്കാം എന്നതാണ് ഇതിൻ്റെ ഗുണം. ഉപ്പിലിട്ടും, ഉണക്കിയും, വരട്ടിയും അങ്ങനെ പലതരത്തിൽ മാങ്ങ ഉപയോഗിച്ച് ആച്ചാർ തയ്യാറാക്കാൻ​ സാധിക്കും. വിപണിയിലും വ്യത്യസ്ത രുചിയിൽ ഇത് ലഭ്യമാണ്. അച്ചാർ തയ്യാറാക്കാൻ അധികം സമയം ചിലവഴിക്കാനില്ല എങ്കിൽ ഒരു ഇൻസ്റ്റൻ്റ്  റെസിപ്പി പരീക്ഷിച്ചു നോക്കൂ. ഷമീസ് തൻ്റെ യൂട്യൂബ് ചാനലിലൂടെയാണ് അച്ചാർ തയ്യാറാക്കുന്ന വിധം പരിചയപ്പെടുത്തി തരുന്നത്. 

Also Read: കടയിൽ നിന്നു വാങ്ങുന്നതിനേക്കാൾ രുചിയിൽ വീട്ടിൽ വറുത്തെടുക്കാം ചീട, ഈ 5 ചേരുവകൾ മതി

ചേരുവകൾ

• മാങ്ങ
• മുളകുപൊടി
• ഉപ്പ്
• ഉലുവ
• കായം
• വെളിച്ചെണ്ണ

Also Read: ഓണ സദ്യക്ക് മാറ്റ് കൂട്ടാൻ അടിപൊളി ഇഞ്ചി കറി ഇത്തവണ ആലപ്പുഴ സ്റ്റൈലിൽ ട്രൈ ചെയ്യൂ

Also Read: ഓണ സദ്യയിലെ മധുരപ്രിയനായ ശർക്കരവരട്ടിയെ ഇനി ക്രിസ്പിയായി വറുത്തെടുക്കാം, ഇതൊരു നുള്ള് ചേർത്താൽ മതി

തയ്യാറാക്കുന്ന വിധം

• രണ്ട് പച്ചമാങ്ങ കഴുകി തൊലി കളയാതെ ചെറുതായി അരിഞ്ഞെടുക്കാം.
• അതിലേയ്ക്ക് എരിവിനനുസരിച്ച് മുളകുപൊടി, കുറച്ച് ഉലുവ പൊടിച്ചത്, കായപ്പൊടി, ആവശ്യത്തിന് ഉപ്പ് എന്നിവ ചേർത്തിളക്കി യോജിപ്പിക്കാം.
• ഇതിലേയ്ക്ക പച്ച വെളിച്ചെണ്ണ ഒഴിച്ചിളക്കി യോജിപ്പിക്കാം.
• സദ്യ സ്റ്റൈൽ ഇൻസ്റ്റൻ്റ് അച്ചാർ റെഡി.

Read More: ഇനി ചമ്മന്തിയും രുചികരവും ഹെൽത്തിയുമാകും, ഇത് ഒരു മുറി ചേർത്ത് അരച്ചെടുക്കൂ