കടയിൽ നിന്നു വാങ്ങുന്നതിനേക്കാൾ രുചിയിൽ വീട്ടിൽ വറുത്തെടുക്കാം ചീട, ഈ 5 ചേരുവകൾ മതി

ഓണ പലഹാരം എന്നു പറഞ്ഞാൽ ഉപ്പേരിയും, ശർക്കരവരട്ടിയും, ചീടയും തന്നെ പ്രധാനികൾ. അതിൽ അൽപ്പം വ്യത്യസ്തത ഉള്ള ഒന്നാണ് ചീട. ചില ഇടങ്ങളിൽ കളിയടക്ക എന്നും പറയും. അരിപ്പൊടിയോ, അല്ലെങ്കിൽ പുഴുക്കലരിയോ ആണ് ഇതിലെ പ്രധാന ചേരുവ. ഒപ്പം തേങ്ങയും ജീരകവും, കുരുമുളക് ആവശ്യമെങ്കിൽ അതും ചേർക്കാറുണ്ട്. തയ്യാറാക്കാൻ വളരെ എളുപ്പം എന്നു തോന്നാമെങ്കിലും വളരെ ശ്രദ്ധയോടെ വറുത്തെടുക്കണം. മാവ് തയ്യാറാക്കുമ്പോൾ ചേർക്കുന്ന വെള്ളത്തിൻ്റെ അളവ് മുതൽ ഉരുട്ടിയെടുക്കുന്നതിൽ വരെ ഈ ശ്രദ്ധ വേണം. 

Also Read: ഓണ സദ്യയിലെ മധുരപ്രിയനായ ശർക്കരവരട്ടിയെ ഇനി ക്രിസ്പിയായി വറുത്തെടുക്കാം, ഇതൊരു നുള്ള് ചേർത്താൽ മതി

തിളച്ചു വരുന്ന വെളിച്ചെണ്ണയിലേയ്ക്കാണ് ഉരുട്ടിയെടുത്ത ചീട ചേർക്കുന്നത്. അതു കൊണ്ട് തന്നെ മാവിൽ വെള്ളം അധികം ഉണ്ടാകരുത്. കൈകൊണ്ട് ഉരുട്ടിയെടുക്കാൻ പാകത്തിന് മാത്രം വെള്ളം ചേർത്ത് മാവ് അരച്ചാൽ മതിയാകും. ഇടത്തരം വലിപ്പത്തിൽ മാവ് ഉരുട്ടിയെടുക്കുക. ചീടയുടെ നിറം ലൈറ്റ് ബ്രൗൺ നിറത്തിലേക്കാകുമ്പോൾ  ഉടൻ എണ്ണയിൽ നിന്നും മാറ്റുക. അല്ലെങ്കിൽ കരിഞ്ഞു പോകുവാനുള്ള സാധ്യതയുണ്ട്.

നാടൻ സ്റ്റൈലിൽ പുഴുക്കലരി ഉപയോഗിച്ച് ചീട തയ്യാറാക്കി നോക്കൂ. യദു പഴയിടം തൻ്റെ ഇൻസ്റ്റഗ്രാം പേജിലൂടെയാണ് ഇതിൻ്റെ ചേരുവകളും റെസിപ്പിയും പരിചയപ്പെടുത്തി തരുന്നത്. 

Also Read: മുറുക്ക് ക്രിസ്പി മാത്രമല്ല കൂടുതൽ രുചികരവുമാക്കാം, മാവിലേയ്ക്ക് ഇത് ഒഴിച്ചിളക്കി യോജിപ്പിക്കാം

ചേരുവകൾ

• പുഴുക്കലരി- 1 കപ്പ്‌
• ജീരകം- 1 ടീസ്പൂൺ 
• കുരുമുളക്- 1 ടീസ്പൂൺ 
• തേങ്ങ- 1/2 മുറി
• വെളിച്ചെണ്ണ- ആവശ്യത്തിന് 
• ഉപ്പ്- ആവശ്യത്തിന്

Also Read: അരിപ്പൊടിയിൽ ഇത് ഒരു കപ്പ് ഒഴിച്ച് മാവ് കുഴച്ചെടുക്കൂ, മുറുക്ക് ക്രിസ്പിയാക്കാൻ ഇനി മറ്റൊന്നും വേണ്ട

തയ്യാറാക്കുന്ന വിധം 

• ഒരു കപ്പ് പുഴുക്കലരി മൂന്ന് മണിക്കൂറെങ്കിലും വെള്ളത്തിൽ കുതിർത്തു വെയ്ക്കാം.
• ശേഷം ഒരു ടീസ്പൂൺ കുരുമുളകും, ഒരു ടീസ്പൂൺ ജീരകവും, അര മുറി തേങ്ങ ചിരകിയതും ചേർത്ത് അരച്ചെടുക്കാം.
• ആവശ്യത്തിന് വെള്ളം ഒഴിച്ച് അരയ്ക്കാം.
• ഇതിലേയ്ക്ക് ആവശ്യത്തിന് ഉപ്പ് ചേർത്ത് ഇളക്കാം.
• അടികട്ടിയുള്ള ഒരു പാത്രത്തിൽ അല്ലെങ്കിൽ ചീനച്ചട്ടിൽ വെളിച്ചെണ്ണ ഒഴിച്ച് ചൂടാക്കാം.
• എണ്ണ തിളച്ചു വരുമ്പോഴേയ്ക്കും അരച്ചെടുത്ത മാവിൽ നിന്നും കുറച്ചു വീതം ഉരുട്ടിയെടുക്കാം.
• ഇത് എണ്ണയിലേയ്ക്ക് ചേർത്ത് വറുത്തെടുക്കാം.

Read More: ഓണ സദ്യക്ക് മാറ്റ് കൂട്ടാൻ അടിപൊളി ഇഞ്ചി കറി ഇത്തവണ ആലപ്പുഴ സ്റ്റൈലിൽ ട്രൈ ചെയ്യൂ