ഓണ സദ്യയിലെ മധുരപ്രിയനായ ശർക്കരവരട്ടിയെ ഇനി ക്രിസ്പിയായി വറുത്തെടുക്കാം, ഇതൊരു നുള്ള് ചേർത്താൽ മതി

ഉപ്പേരിയും ശർക്കര വരട്ടിയും ഇല്ലാതെ ഓണം എങ്ങനെ ആഘോഷിക്കും?. മധുര പ്രിയർക്ക് ഓണ സദ്യയിൽ ഏറ്റവും പ്രിയപ്പെട്ടതാണ് ശർക്കര വരട്ടി. വാഴയിലയുടെ ഇടതു ഭാഗത്ത് ഉപ്പേരിക്കൊപ്പം സ്ഥാനം പിടിച്ചിരിക്കുന്ന ശർക്കര വരട്ടി എത്ര കഴിച്ചാലും മതിവരാറില്ല.

Also Read: രണ്ടേ രണ്ട് ഉരുളക്കിഴങ്ങു കൊണ്ട് ഇഷ്ടം പോലെ സ്നാക്സ്, ഇതൊന്ന് ട്രൈ ചെയ്യൂ

ഉപ്പേരി വറുത്തെടുക്കുന്നതിലും അൽപം ശ്രമകരമാണ് ശർക്കര വരട്ടി തയ്യാറാക്കാൻ. ഉപ്പേരിയേക്കാളും അൽപം കട്ടിയിൽ കായ അരിഞ്ഞെടുക്കണം. ശർക്കര കട്ടകളില്ലാതെ അലിയിച്ചെടുത്തതിൽ വറുത്തെടുത്ത കായ കഷ്ണങ്ങൾ ചേർക്കുമ്പോഴാണ് ശ്രദ്ധിക്കേണ്ടത്. അവ പരസ്പരം ഒട്ടി പിടിക്കാനുള്ള സാധ്യത ഏറെയാണ്. ഈ പ്രശ്നം ഒഴിവാക്കാൻ ഒരുഗ്രൻ വിദ്യയാണ് റെനി തൻ്റെ യൂട്യൂബ് ചാനലിലൂടെയാണ് അത് തയ്യാറാക്കുന്ന വിധം പരിചയപ്പെടുത്തി തരുന്നത്.  

ചേരുവകൾ

• പച്ചകായ- 1 കിലോ
• ഉപ്പ്- ആവശ്യത്തിന്
• മഞ്ഞൾപ്പൊടി- 1/2 ടീസ്പൂൺ
• വെളിച്ചെണ്ണ- ആവശ്യത്തിന്
• അരി- 1/4 കപ്പ്
• പഞ്ചസാര- 2 ടേബിൾസ്പൂൺ
• ചുക്ക്- 1 ടേബിൾസ്പൂൺ
• കുരുമുളകുപൊടി- 1/2 ടീസ്പൂൺ
• ഏലയ്ക്ക- 5 
• ജീരകം- അര ടീസ്പൂൺ
• ശർക്കര- 200 ഗ്രാം
• വെള്ളം- 1/4 കപ്പ്

Also Read: മഴയത്ത് ചൂടോടെ കഴിക്കാൻ മധുരമുള്ള വട ആയാലോ? 5 മിനിറ്റിൽ വറുത്തെടുക്കാം

Also Read: ഇതളുകൾ പോലെ സോഫ്റ്റ്, ഈ​ കണ്ണൂർ സ്പെഷ്യൽ അപ്പം കഴിക്കാൻ ആരും കൊതിക്കും

തയ്യാറാക്കുന്ന വിധം

• ഒരു കിലോ പച്ചകായ തൊലി കളഞ്ഞ് ഉപ്പു വെള്ളത്തിൽ മുക്കി വെയ്ക്കാം.
• അവ നടുവെ കീറി അധികം കട്ടി കുറയാതെ അരിഞ്ഞെടുത്ത് കുറച്ച് മഞ്ഞൾ ചേർത്ത വെള്ളത്തിൽ മുക്കി വെയ്ക്കാം.
• ശേഷം വെള്ളം കളഞ്ഞ് അരിച്ചെടുക്കാം.
• അടി കട്ടിയുള്ള ഒരു പാത്രം അടുപ്പിൽ വെച്ച് ആവശ്യത്തിന് വെളിച്ചെണ്ണയൊഴിച്ചു ചൂടാക്കി കായ കഷ്ണങ്ങൾ ചേർത്തു വറുത്തെടുക്കാം.
• കാൽ കപ്പ് അരി വറുത്തെടുത്തിലേയ്ക്ക് രണ്ട് ടേബിൾസ്പൂൺ പഞ്ചസാരയും, ഒരു ടേബിൾസ്പൂൺ ചുക്കും, അര ടീസ്പൂൺ കുരുമുളകുപൊടിയും, അഞ്ച് ഏലയ്ക്കയും, അര ടീസ്പൂൺ ജീരകവും ചേർത്ത് പൊടിച്ചെടുക്കാം.
• അടി കട്ടിയുള്ള ഒരു പാത്രം അടുപ്പിൽ വെച്ച് 200 ഗ്രാം ശർക്കരയിലേയ്ക്ക് കാൽ കപ്പ് വെള്ളം ചേർത്ത് അലിയിച്ചെടുക്കാം.
• വറുത്തു വെച്ചിരിക്കുന്ന കായ കഷ്ണങ്ങൾ അതിലേയ്ക്കു ചേർത്ത് ഇളക്കാം.
• പൊടിച്ചു വെച്ചിരിക്കുന്ന അരിയും പഞ്ചസാരയും ചേർത്തിളക്കി യോജിപ്പിക്കുക. ശേഷം കഴിച്ചു നോക്കൂ.

Read More: വൈകുന്നേരത്തെ സ്നാക്സ് ആരോഗ്യകരമാക്കാം, ഇനി പരിപ്പിനു പകരം വട തയ്യാറാക്കാൻ ഇത് ഉപയോഗിക്കൂ