മഴയത്ത് ചൂടോടെ കഴിക്കാൻ മധുരമുള്ള വട ആയാലോ? 5 മിനിറ്റിൽ വറുത്തെടുക്കാം

ഉഴുന്നു വട, പരിപ്പു വട ഇവയൊക്കെ പരിചിതമായിരിക്കമെല്ലോ?. എന്നാൽ മധുര വട കഴിച്ചിട്ടുണ്ടോ?. പേര് പോലെ തന്നെ നല്ല മധുരമാണ് ഒപ്പം ക്രിസ്പിയുമാണ്. പഴുത്ത നേന്ത്രപ്പഴം ഉപയോഗിച്ച് തയ്യാറാക്കുന്ന അടിപൊളി പലഹാരമാണിത്. മജീദ തൻ്റെ ഇൻസ്റ്റഗ്രാം പേജിലൂടെയാണ് ഈ സ്നാക്ക് തയ്യാറാക്കുന്ന വിധം പരിചയപ്പെടുത്തി തരുന്നത്.

Also Read: ഒറ്റക്കാഴ്ചയിൽ കൊതിപ്പിക്കും മലബാർ സ്പെഷ്യൽ ഏലാഞ്ചി, സിംപിളാണ് റെസിപ്പി

ചേരുവകൾ

• നേന്ത്രപ്പഴം- 2
• തേങ്ങ- 1/2 കപ്പ്
• ശർക്കര- 1/4 കപ്പ്
• ഏലയ്ക്കപ്പൊടി- 1 ടീസ്പൂൺ
• ഉപ്പ്- ആവശ്യത്തിന്
• ഗോതമ്പ് പൊടി- 1/2 കപ്പ്
• വെളിച്ചെണ്ണ

View this post on Instagram

A post shared by Pepper hut (@pepper_huut)

Also Read: ഒരിക്കൽ കഴിച്ചു തുടങ്ങിയാൽ പിന്നെ നിർത്താൻ പറ്റില്ല, ഒരു കപ്പ് റവ കൊണ്ട് നാവിലലിയുന്ന മധുരപലഹാരം

തയ്യാറാക്കുന്ന വിധം

• നന്നായി പഴുത്ത രണ്ട് നേന്ത്രപ്പഴം പുഴുങ്ങിയെടുക്കാം.
• ചൂടാറിയതിനു ശേഷം അത് ഉടച്ച് വയ്ക്കാം.
• അര കപ്പ് തേങ്ങ ചിരകിയത്, കാൽ കപ്പ് ശർക്കര പൊടിച്ചത്, ഒരു ടീസ്പൂൺ ഏലയ്ക്ക പൊടിച്ചത്, ഒരു നുള്ള് ഉപ്പ്, അര കപ്പ് ഗോതമ്പ് പൊടി എന്നിവ ചേർത്തിളക്കി യോജിപ്പിക്കാം.
• കൈയ്യിൽ അൽപ്പം എണ്ണ പുരട്ടി തയ്യാറാക്കിയ ഈ മാവ് ചെറിയ ഉരുളകളാക്കി നടുവിൽ ചെറിയ ദ്വാരം ഇട്ട് മാറ്റി വയ്ക്കാം.
• അടി കട്ടിയുള്ള ഒരു പാത്രം അടുപ്പിൽ വച്ച് ആവശ്യത്തിന് എണ്ണ ഒഴിച്ചു ചൂടാക്കാം.
• അതിലേയക്ക് മാറ്റി വച്ചിരിക്കുന്ന ഉരുളകൾ ചേർത്ത് വറുത്തെടുക്കുക. ചൂട് കട്ടൻ ചായക്കൊപ്പം കഴിച്ചു നോക്കൂ.

Also Read: ചായക്കടയിലെ ക്രിസ്പി ഉള്ളവട ഇനി അതേ രുചിയിൽ വീട്ടിൽ തയ്യാറാക്കാം

ഇക്കാര്യങ്ങൾ ശ്രദ്ധിക്കാം

• നന്നായി പഴുത്ത പഴം ആവിയിൽ വേവിച്ച് ഉടച്ചെടുക്കാം. മാവ് കട്ട പിടിക്കാതിരിക്കാൻ തരികളില്ലാതെ ഉടച്ചെടുക്കാൻ ശ്രദ്ധിക്കാം. 
• കൈയ്യിൽ അൽപം വെള്ളമോ എണ്ണയോ പുരട്ടിയിട്ട് മാവ് ഉരുട്ടുന്നത് കൈയ്യിൽ ഒട്ടിപിടിക്കാതിരിക്കാൻ സഹായിക്കും.
• എണ്ണ നന്നായി ചൂടായി കഴിഞ്ഞേ മാവ് വറുക്കാൻ ഇട്ടു കൊടുക്കാവൂ. 
• വറുത്തെടുത്ത് വട ടിഷ്യൂ പേപ്പറിൽ വയ്ക്കുന്നത് അമിത എണ്ണ മയം കുറയ്ക്കാൻ സഹായിക്കും.

Read More: രണ്ടേ രണ്ട് ഉരുളക്കിഴങ്ങു കൊണ്ട് ഇഷ്ടം പോലെ സ്നാക്സ്, ഇതൊന്ന് ട്രൈ ചെയ്യൂ