ചായക്കടയിലെ ക്രിസ്പി ഉള്ളവട ഇനി അതേ രുചിയിൽ വീട്ടിൽ തയ്യാറാക്കാം

ഉഴുന്നു വടയേയും പരിപ്പു വടയേയും കടത്തി വെട്ടാൻ ഒരാൾക്കേ കഴിയൂ, അത് ഉള്ളി വടക്കാണ്. കട്ടി കുറച്ച് അരിഞ്ഞെടുത്ത സവാളയിൽ കടലമാവ് ചേർത്ത് തിളച്ചു വരുന്ന എണ്ണയിലേക്കിട്ട് വറുത്തെടുക്കുന്നത് കണ്ടാൽ തന്നെ കൊതിതോന്നും. വളരെ എളുപ്പത്തിൽ തയ്യാറാക്കാവുന്ന ഒരു കിടിലൻ പലഹാരമാണിത്. നല്ല ക്രിസ്പിയായിട്ടുള്ള ഉള്ളി വട വറുത്തെടുക്കാം, അഞ്ജന തൻ്റെ ഇൻസ്റ്റഗ്രാം പേജിലൂടെയാണ് അതിൻ്റെ റെസിപ്പി പരിചയപ്പെടുത്തി തരുന്നത്. 

Also Read: പഞ്ഞിക്കെട്ടു പോലൊരു പലഹാരം, കാരറ്റും മുട്ടയും ഉണ്ടെങ്കിൽ ട്രൈ ചെയ്തു നോക്കൂ

ചേരുവകൾ

• കടലമാവ്
• സവാള
• ഉപ്പ്
• പച്ചമുളക്
• കുരുമുളക്
• ജീരകം
• ഇഞ്ചി
• കറിവേപ്പില
• വെളിച്ചെണ്ണ

Also Read: പഞ്ചസാരയില്ലെങ്കിലും ഇനി ലഡ്ഡു രുചികരമായി തയ്യാറാക്കാം, പകരം ഇങ്ങനെ ചെയ്താൽ മതി

View this post on Instagram

A post shared by Cookingstoriesbyanjana (@c_ookingstoriesbyanjana)

Also Read: വെറും 10മിനിറ്റിൽ അച്ചപ്പം തയ്യാറാക്കാം, മുട്ടയും തേങ്ങാപ്പാലും വേണ്ട

തയ്യാറാക്കുന്ന വിധം

• സവാള കഴുകി തൊലി കളഞ്ഞ് കട്ടി കുറച്ച് നീളത്തിൽ അരിഞ്ഞെടുക്കാം.
• അതിലേക്ക് പച്ചമുളക്, ഇഞ്ചി, അൽപ്പം കറിവേപ്പില എന്നിവ ചെറുതായി അരിഞ്ഞതു ചേർക്കാം.
• ജീരകവും, കുരുമുളകും, കടലമാവും ചേർത്തിളക്കി യോജിപ്പിച്ച് അൽപ്പ സമയം മാറ്റി വയ്ക്കാം.
• അടി കട്ടിയുള്ള ഒരു പാത്രം അടുപ്പിൽ വച്ച് അൽപ്പം എണ്ണയൊഴിച്ചു ചൂടാക്കാം.
• മാറ്റി വച്ചിരിക്കുന്ന സവാള ചെറിയ ഉരുളകളാക്കി എണ്ണയിലേക്ക് ചേർത്ത് വറുത്തെടുക്കുക. ചൂടോടെ ചായക്കൊപ്പം കഴിച്ചു നോക്കൂ.

Read More: കറുമുറു കഴിക്കാൻ ഹെൽത്തി കട്ലറ്റ്, കടലമാവും മൈദയും ചേർക്കാതെ ഇങ്ങനെ വറുത്തെടുക്കൂ