പഞ്ഞിക്കെട്ടു പോലൊരു പലഹാരം, കാരറ്റും മുട്ടയും ഉണ്ടെങ്കിൽ ട്രൈ ചെയ്തു നോക്കൂ

സ്കൂൾ വിട്ടെത്തുന്ന കുട്ടിക്കുറുമ്പൻമാർക്ക് കഴിക്കാൻ സ്പെഷ്യലായി എന്ത് നൽകും എന്ന് ചിന്തിക്കാറുണ്ടോ? അമിതമായ എണ്ണമയവും കൃത്രിമ നിറവും ചേർത്ത പലഹാരങ്ങൾ വാങ്ങിക്കൂട്ടുന്നതിനു പകരം അവ വീട്ടിൽ തയ്യാറാക്കാൻ നോക്കാം. അതിന് ഒരുപാട് ചേരുവകൾ ഒന്നും ആവശ്യമില്ല, കാരറ്റും മുട്ടയും മതി. പഞ്ഞി പോലുള്ള ഈ സോഫ്റ്റ് പലഹാരം ഒരു തവണ തയ്യാറാക്കിയാൽ ദിവസങ്ങളോളം സൂക്ഷിച്ചു വച്ച് കഴിക്കാം. നുസീറയാണ് തൻ്റെ ഇൻസ്റ്റാഗ്രാം പേജിലൂടെ കാരറ്റ് ബോൾ റെസിപ്പി പങ്കുവെയ്ക്കുന്നത്. 

Also Read:അരിപ്പൊടി വേണ്ട, ഈ രണ്ട് ചേരുവകൾ ഉണ്ടെങ്കിൽ പഞ്ഞിപോലുള്ള അപ്പം ചുട്ടെടുക്കാം

ചേരുവകൾ

• കാരറ്റ്
• മുട്ട 
• പഞ്ചസാര
• മൈദ 
• ബേക്കിങ്ങ് പൗഡർ 
• ഏലയ്ക്കാപ്പൊടി
• പാൽ 
• എണ്ണ

Also Read: ഒരു കെട്ട് പപ്പടം ഉണ്ടെങ്കിൽ ക്രിസ്പിയായി സമൂസ ഇങ്ങനെ വറുത്തെടുക്കാം

View this post on Instagram

A post shared by Nuseera PA (@dians_kannur_kitchen)

Also Read: വൈകുന്നേരത്തെ ചായ രാജസ്ഥാനി സ്റ്റൈലിൽ കുടിക്കാം ഇങ്ങനൊരു പലഹാരം കൈയ്യിലുണ്ടെങ്കിൽ

തയ്യാറാക്കുന്ന വിധം

• മീഡിയം വലിപ്പത്തിലുള്ള ഒരു കാരറ്റ് അരിഞ്ഞതിലേയ്ക്ക് ഒരു മുട്ട പൊട്ടിച്ചൊഴിച്ചതും അര കപ്പ് പഞ്ചസാരയും ചേർത്ത് അരച്ചെടുക്കാം.
• ബൗളിലേയ്ക്ക് ഒരു കപ്പ് മൈദയെടുത്ത് അതിലേയ്ക്ക് ഒരു ടീസ്പൂൺ ബേക്കിങ്ങ് പൗഡർ, ഒരു ടീസ്പൂൺ ഏലയ്ക്കാപ്പൊടിയും ചേർത്ത് ഇളക്കാം.
• അരച്ചു വെച്ചിരിക്കുന്ന കാരറ്റ് അതിലേയ്ക്കു ചേർത്തിളക്കുക. കാൽ കപ്പ് പാൽ കൂടിചേർക്കാം.
• അടുപ്പിൽ ചീനച്ചട്ടി വെച്ച് അൽപ്പം എണ്ണയൊഴിച്ച് ചൂടാക്കി ആവശ്യാനുസരണം മാവ്  ഇട്ടു കൊടുക്കുക. വറുത്തെടുത്താൽ ചൂടോടെ കഴിക്കാം നല്ല സോഫ്റ്റ് സ്നാക്ക്.

Read More: ഊർജ്ജവും ഉന്മേഷവും വീണ്ടെടുക്കാൻ ഈ ഹൽവ ശീലമാക്കൂ