വൈകുന്നേരത്തെ ചായ രാജസ്ഥാനി സ്റ്റൈലിൽ കുടിക്കാം ഇങ്ങനൊരു പലഹാരം കൈയ്യിലുണ്ടെങ്കിൽ

ഇന്ത്യയിൽ പ്രധാനമായും രാജസ്ഥാനിൽ പ്രചാരത്തിലിരിക്കുന്ന ഒന്നാണ് മാത്രി. ഗുജറാത്തിൻ്റെ രുചിവൈവിധ്യത്തിലും ഇത് ഉൾപ്പെടും. മൈദയും, റവയുമൊക്കെ ഉപയോഗിച്ച് തയ്യാറാക്കാൻ സാധിക്കുന്ന പലഹാരമാണിത്. ബിസ്കറ്റിനോട് സാദൃശ്യം പുലർത്തുന്ന ആകൃതിയും രുചിയുമാണിതിന്. വെറും നാല് ചേരുവകൾ കൊണ്ട് വളരെ പെട്ടെന്ന് തയ്യാറാക്കാൻ സാധിക്കും എന്നതാണിതിൻ്റെ പ്രത്യേകത.

Also Read: ഒരുപിടി തേങ്ങ ചിരകിയതു മതി, ഇനി സിംപിളായി കേക്ക് തയ്യാറാക്കാം

സ്കൂൾ വിട്ട് വിട്ടിലെത്തുന്ന കുട്ടികൾക്ക് വെറൈറ്റിയായി എന്ത് ഉണ്ടാക്കും എന്ന ആശയക്കുഴപ്പം ഉണ്ടെങ്കിൽ ഇതൊന്ന് ട്രൈ ചെയ്തു നോക്കൂ. അച്ചാർ, സോസ് അങ്ങനെ എന്തിൻ്റെ ഒപ്പവും കഴിക്കാവുന്ന ക്രിസ്പ്പിയായ സ്നാക്കാണിത്. രാജശ്രീ തൻ്റെ യൂട്യൂബ് ചാനലിലൂടെയാണ് മാത്രിയുടെ റെസിപ്പി പങ്കുവെയ്ക്കുന്നത്.

Also Read: ഒരു കപ്പ് പുട്ടി പൊടി മതി, കുറച്ച് എണ്ണയിൽ കൂടുതൽ ക്രിസ്പിയായി പത്തിരി വറുത്തെടുക്കാം

ചേരുവകൾ

• മൈദ
• കുരുമുളകുപൊടി
• ഉപ്പ്
• നെയ്യ്
• എണ്ണ

Also Read: ഒരു തവണ​ ഇങ്ങനെ ചെയ്തു നോക്കൂ, ക്രിസിയായി പഴംപൊരി വറുത്തെടുക്കാം

തയ്യാറാക്കുന്ന വിധം

• ഒരു ബൗളിലേയ്ക്ക്  ഒരു കപ്പ മൈദപ്പൊടിയടുക്കാം. 
• അതിലേയ്ക്ക് അര ടീസ്പൂൺ കുരുമുളകുപൊടിടി, ആവശ്യത്തിന് ഉപ്പ്, മൂന്ന് ടേബിൾസ്പൂൺ നെയ്യ്, എന്നിവ ചേർത്തിളക്കാം. 
• കുറച്ചു വീതം വെള്ളം ഒഴിച്ച് മാവ് കുഴച്ചെടുക്കാം. തയ്യാറാക്കിയ മാവ് പതിനഞ്ച് മിനിറ്റ് അടച്ചു മാറ്റി വയ്ക്കാം.
• ശേഷം അവ ചെറുതായി പരത്തി ഇഷ്ടമുള്ള ആകൃതിയിൽ മുറിച്ചെടുക്കാം.
• അടി കട്ടിയുള്ള ഒരു ഇരുമ്പ് ചീനച്ചട്ടി അടുപ്പിൽ വച്ചു ചൂടാക്കാം.
• അതിലേയ്ക്ക് വെളിച്ചെണ്ണ ഒഴിക്കം. എണ്ണ ചൂടായി കഴിയുമ്പോൾ പരത്തിയെടുത്തവ ചേർത്തു വറുക്കാം.
• തീ കുറച്ചു വച്ച് വറുക്കാൻ ശ്രദ്ധിക്കാം. നന്നായി വെന്തതിനു ശേഷം എണ്ണയിൽ നിന്നും മാറ്റി വയ്ക്കാം. 

Read More: അരിപ്പൊടി വേണ്ട, ഈ രണ്ട് ചേരുവകൾ ഉണ്ടെങ്കിൽ പഞ്ഞിപോലുള്ള അപ്പം ചുട്ടെടുക്കാം