ഒരുപിടി തേങ്ങ ചിരകിയതു മതി, ഇനി സിംപിളായി കേക്ക് തയ്യാറാക്കാം

ആഘോഷം എന്തും ആയിക്കൊള്ളട്ടെ കേക്ക് മുറിച്ച് പങ്കു വെയിക്കുന്നത് സന്തോഷകരമായ കാര്യമാണ്. പ്ലം കേക്ക് മുതൽ വാൻചോ കേക്ക് വരെ, ഇങ്ങനെ വിവിധ പേരുകളിൽ വ്യത്യസ്ത രുചികളിലും ആകൃതിയിലും കേക്ക് വിപണിയിൽ ലഭ്യമാണ്.

Also Read: ഒരു കപ്പ് കടലമാവ് ഉണ്ടെങ്കിൽ മതിവരുവോളം കഴിക്കാൻ ബർഫി ഉണ്ടാക്കാം

ബേക്കറികളിൽ മാത്രം ലഭ്യമായിരുന്ന കേക്ക് ഇപ്പോൾ വീടുകളിലും തയ്യാറാക്കാം. ഓവനും, ബേക്കിങ് സിസ്റ്റവും, മുട്ടയും, ക്രീമുകളും ഇല്ലാതെ തന്നെ ഇത് സാധ്യമാണ്. കുറച്ച് തേങ്ങ ചിരകിയതും കശുവണ്ടിയും അടുക്കളയിൽ ഉണ്ടെങ്കിൽ മിനിറ്റുകൾക്കുള്ളിൽ അത് റെഡി, ചൂടോടെ കഴിക്കുകയും ആകാം. ഹോം കുക്കിങ് ഷോ എന്ന ഇൻസ്റ്റഗ്രാം പേജാണ് ഈ തേങ്ങ കേക്ക് റെസിപ്പി പരിചയപ്പെടുത്തി തരുന്നത്.

Also Read: തേങ്ങാപ്പാലും അരിപ്പൊടിയും വേണ്ട, പഞ്ഞിപോലുള്ള വട്ടയപ്പം ഇനി ഇങ്ങനെയും തയ്യാറാക്കാം

ചേരുവകൾ

• റവ
• തേങ്ങ
• തേങ്ങാപ്പാൽ
• ബേക്കിങ് പൗഡർ
• ഏലയ്ക്കപ്പൊടി
• വെണ്ണ
• ബ്രൗൺ ഷുഗർ
• കശുവണ്ടി

Also Read: ഓവനും മൈദയും വേണ്ട, ഒരു കപ്പ് റാഗിപ്പൊടിയുണ്ടെങ്കിൽ ഇനി ഞൊടിയിടയിൽ കുക്കീസ് തയ്യാറാക്കാം

View this post on Instagram

A post shared by HomeCookingShow (@homecookingshow)

Also Read: ഈ മൂന്ന് ചേരുവ മതി, വായിലിട്ടാൽ അലിയുന്ന മിഠായി വീട്ടിൽ തയ്യാറാക്കാം

തയ്യാറാക്കുന്ന വിധം
ഒന്നേ മുക്കാൽ കപ്പ് റവ ഒരു ബൗളിൽ എടുത്തതിലേയ്ക്ക് കാൽ കപ്പ് തേങ്ങ ചിരകിയതും, ഒന്നേ മുക്കാൽ കപ്പ് കട്ടിയുള്ള തേങ്ങാപ്പാലും, കാൽ ടീസ്പൂൺ ഉപ്പ്, മൂന്ന് ടീസ്പൂൺ ബേക്കിങ് പൗഡർ, അര ടീസ്പൂൺ ഏലയ്ക്ക പൊടിച്ചത്, അര കപ്പ് വെണ്ണ ഉരുക്കിയത്, ഒപ്പം രണ്ട് കപ്പ് ബ്രൗൺ ഷുഗർ കൂടി ചേർത്ത് ഇളക്കാം. ആവിയിൽ വേവിക്കുന്നതിനായി ഒരു പാത്രത്തിൽ ബട്ടർ പേപ്പർ വെച്ച് അൽപ്പം വെണ്ണയോ നെയ്യോ പുരട്ടി തയ്യാറാക്കിയ മാവ് അതിലേയ്ക്ക് ഒഴിക്കുക. മുകളിലായി അൽപ്പം തേങ്ങ വറുത്തതും കശുവണ്ടിയും കൂടി ചേർക്കുക. ശേഷം അടച്ചു വെച്ച്  ആവിയിലോ  ഓവൻ ഉപയോഗിച്ചോ വേവിക്കുക.

Read More: പുട്ട് ഇതാണെങ്കിൽ ഇനി കറിയൊന്നും വേണ്ട