തേങ്ങാപ്പാലും അരിപ്പൊടിയും വേണ്ട, പഞ്ഞിപോലുള്ള വട്ടയപ്പം ഇനി ഇങ്ങനെയും തയ്യാറാക്കാം

നാടൻ കേരളീയ ഭക്ഷണമാണ് വട്ടയപ്പം. ക്രിസ്ത്യൻ വീടുകളിലാണ് അധികവും ഇതി തയ്യാറാക്കാറുള്ളത്. പ്രത്യേകിച്ച് കറികളൊന്നും ഇല്ലാതെ തന്നെ കഴിക്കാം എന്നതാണ് ഇതിൻ്റെ സവിശേഷത. അരിപ്പൊടിയും തേങ്ങാപ്പാലുമാണ് പ്രധാന ചേരുവകളായി വരുന്നത്. ഇവ ഉപയോഗിച്ചു തയ്യാറാക്കുന്ന മാവ് ആവിയൽ വേവിക്കുന്നതാണ് വട്ടയപ്പത്തിൻ്റെ പാചക രീതി. വട്ടത്തിലുള്ള ആകൃതി ആയതിനാലാണ് വട്ടയപ്പം എന്നു വിളിക്കുന്നത്.

Also Read: അരിപ്പൊടിയിലേയ്ക്ക് ഇതു കൂടി ചേർക്കൂ, ഇനി ഇടിയപ്പം പഞ്ഞിപോലെ സോഫ്റ്റും രുചികരവുമാകും

എന്നാൽ, അരിപ്പൊടിയും തേങ്ങാപ്പാലും ഇല്ലാതെ വ്യത്യസ്തമായി വട്ടയപ്പം തയ്യാറാക്കാൻ സാധിക്കും. റവ മാത്രം മതി അൽപ്പം എരിവുള്ള ഈ വട്ടയപ്പത്തിന്.  ഈറ്റ് ഡിലിഷ്യസ് ഒഫിഷ്യൽസ് എന്ന ഇൻസ്റ്റഗ്രാം പേജാണ് ഈ സ്പെഷ്യൽ റവ റെസിപ്പി പരിചയപ്പെടുത്തി തരുന്നത്. 

Also Read: പൂപോലുള്ള ദോശ വേണോ? മാവ് തയ്യാറാക്കുമ്പോൾ ഇവ രണ്ടും ചേർക്കൂ

ചേരുവകൾ

• റവ
• തൈര്
• ഇഞ്ചി
• പച്ചമുളക്
• പഞ്ചസാര
• ഉപ്പ്
• വെള്ളം
• എണ്ണ
• കടുക്
• ജീരകം
• കറിവേപ്പില
• ബേക്കിങ് പൗഡർ

View this post on Instagram

A post shared by Eat Delicious (@eatdelicious_official)

Also Read: തന്തൂരി റൊട്ടി തവയിൽ ചുട്ടെടുക്കാം, ഇത്രമാത്രം ചെയ്താൽ മതി

തയ്യാറാക്കുന്ന വിധം

• ഒരു ബൗളിലേയ്ക്ക് ഒരു കപ്പ് റവയെടുത്ത് അര കപ്പ് തൈര് ചേർത്തിളക്കാം.
• ഇതിലേയ്ക്ക് ചെറിയ കഷ്ണം ഇഞ്ചി വെളുത്തുള്ളി എന്നിവ അരച്ചെടുത്തത് ഒരു ടേബിൾസ്പൂൺ, ഒരു ടീസ്പൂൺ പഞ്ചസാര, ഒരു നുള്ള് ഉപ്പ്, ആവശ്യത്തിന് വെള്ളം എന്നിവ ഒഴിച്ച് മാവ് തയ്യാറാക്കാം.
• ഒരു പാൻ അടുപ്പിൽ വെച്ച് രണ്ട് ടീസ്പൂൺ എണ്ണയൊഴിച്ചു ചൂടാക്കാം.
• ഒരു ടീസ്പൂൺ കടുക്, ഒരു ടീസ്പൂൺ ജീരകം, അൽപ്പം കറിവേപ്പില എന്നിവ എണ്ണയിൽ വറുത്തെടുത്ത് മാവിലേയ്ക്കു ചേർക്കാം.
• ബേക്കിങ് സോഡ ആവശ്യത്തിനു ചേർത്തിളക്കാം.
• ഒരു പരന്ന പാത്രത്തിൽ അൽപ്പം നെയ്യ് പുരട്ടി മാവ് അതിൽ ഒഴിച്ചു പരത്താം.
• ആവശ്യമെങ്കിൽ മുകളിലായി അൽപ്പം മുളകുപൊടിയും മല്ലിയിലും ചേർക്കാം.
• ശേഷം ആവിയിൽ വേവിച്ചെടുക്കുക. ഇഷ്ടാനുസരണം മുറിച്ചു കഴിക്കാം.

Read More: 10 മിനിറ്റിൽ പഞ്ഞിപോലൊരു ദോശ, അരിയും ഉഴുന്നും വേണ്ട