ഒരു കെട്ട് പപ്പടം ഉണ്ടെങ്കിൽ ക്രിസ്പിയായി സമൂസ ഇങ്ങനെ വറുത്തെടുക്കാം

കട്ലറ്റും, പഫ്സും കഴിഞ്ഞാൽ അധികം ആളുകളും ഇഷ്ടപ്പെടുന്ന ഒന്നാണ് സമൂസ, നാലുമണി പലഹാരങ്ങളിൽ പ്രധാനി. ഉരുളക്കിഴങ്ങും കാരറ്റും ചേർത്തുള്ള മസാലയാണ് ഇതിൻ്റെ പ്രത്യേകത. ബേക്കറികളിലും മറ്റും കിട്ടുന്ന ക്രിസ്പി സമൂസ ദക്ഷിണേന്ത്യയിലടക്കം ജനപ്രിയമാണ്. സാധാരണ സമൂസ തയ്യാറാക്കാൻ പ്രത്യേകം ഷീറ്റ് ആവശ്യമാണ്. എന്നാൽ എപ്പോഴും അത് വാങ്ങി സൂക്ഷിക്കാൻ സാധിക്കാതെ വരാം, അങ്ങനെയെങ്കിൽ പപ്പടം കൊണ്ട് സമൂസ റെഡിയാക്കാം. നീത തൻ്റെ യൂട്യൂബ് ചാനലിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

Also Read: വൈകുന്നേരത്തെ ചായ രാജസ്ഥാനി സ്റ്റൈലിൽ കുടിക്കാം ഇങ്ങനൊരു പലഹാരം കൈയ്യിലുണ്ടെങ്കിൽ

ചേരുവകൾ

• സവാള
• കറിവേപ്പില
• മുളകുപൊടി
• മഞ്ഞൾപ്പൊടി
• ഗരംമസാല
• ഉപ്പ്
• മൈദ
• വെള്ളം

Also Read: ഒരുപിടി തേങ്ങ ചിരകിയതു മതി, ഇനി സിംപിളായി കേക്ക് തയ്യാറാക്കാം

Also Read: ഒരു തവണ​ ഇങ്ങനെ ചെയ്തു നോക്കൂ, ക്രിസിയായി പഴംപൊരി വറുത്തെടുക്കാം

തയ്യാറാക്കുന്ന വിധം

• ഇടത്തരം വലിപ്പമുള്ള രണ്ട് സവാള ചെറുതായി അരിഞ്ഞെടുക്കാം.
• അതിലേയ്ക്ക് കറിവേപ്പില അരിഞ്ഞു ചേർക്കാം.
• ആവശ്യത്തിന് മുളകുപൊടി, മഞ്ഞൾപ്പൊടി, ഉപ്പ്, ഗരംമസാല എന്നിവ ചേർത്തിളക്കി യോജിപ്പിക്കാം.
• ഒരു ചെറിയ ബൗളിൽ മൈദപ്പൊടിയെടുത്ത് വെള്ളം ഒഴിച്ചു കലക്കാം.
• മറ്റൊരു പാത്രത്തിൽ ചെറുചൂടുള്ള വെള്ളം ഒഴിച്ച് പപ്പടം അതിൽ മുക്കി കുതിർത്തെടുക്കാം.
• പപ്പടത്തിനുള്ളിലേയ്ക്ക് മസാലകൾ ചേർത്ത് റോൾ ചെയ്തെടുക്കാം.
  അരികുകൾ മൈദ ഉപയോഗിച്ച് ഒട്ടിക്കാം
• അടി കട്ടിയുള്ള ഒരു പാൻ അടുപ്പിൽ വച്ചു ചൂടാക്കി ആവശ്യത്തിന് വെളിച്ചെണ്ണ ഒഴിക്കാം.
• അതിലേയ്ക്ക് പപ്പടം ചേർത്തു നന്നായി വറുക്കാം. പപ്പടം സമൂസ തയ്യാറായിരിക്കുന്നു. 

 Read  More: ഒരു കപ്പ് പുട്ടി പൊടി മതി, കുറച്ച് എണ്ണയിൽ കൂടുതൽ ക്രിസ്പിയായി പത്തിരി വറുത്തെടുക്കാം