ഇനി ചമ്മന്തിയും രുചികരവും ഹെൽത്തിയുമാകും, ഇത് ഒരു മുറി ചേർത്ത് അരച്ചെടുക്കൂ

പച്ചക്കറി കഴിക്കാൻ മടികാട്ടുന്ന കുട്ടികളുണ്ടോ?. എങ്കിൽ അവ ഇഷ്ടപ്പെടുന്ന രീതിയിൽ പാചകം ചെയ്തെടുക്കാം. ബീറ്റ്റൂട്ടിനോട് പലർക്കും താൽപ്പര്യമുണ്ടാകില്ല. എന്നാൽ ഗുണത്തിൻ്റെ കാര്യത്തിൽ അവ ഒട്ടും പിന്നിലല്ല. ഉയർന്ന അളിവിൽ നൈട്രെറ്റ് അടങ്ങിയിരിക്കുന്നതിനാൽ ബീറ്റ്റൂട്ട് രക്തയോട്ടം മെച്ചപ്പെടുത്തുന്നതിന് സഹായിക്കും. കൂടാതെ ധാരാളം നാരുകളും, ബീറ്റൈനും ഇതിൽ ഉൾക്കൊള്ളുന്നു. ഇവ ദഹനാരോഗ്യത്തെ പ്രോത്സാഹിപ്പിക്കുന്നു.

Also Read: ഒരു കപ്പ് ഉഴുന്ന് മതി, ശരീരഭാരം കുറയ്ക്കാൻ ഇത് കഴിച്ചു നോക്കൂ

ഒരു ബീറ്റ്റൂട്ട് ഉണ്ടെങ്കിൽ ഇനി ആർക്കും ഇഷടപ്പെടുന്ന രുചിയിൽ ചമ്മന്തി തയ്യാറാക്കാം. ആതിര അഖിൽ തൻ്റെ ഇൻസ്റ്റഗ്രാം പേജിലൂടെയാണ് ബീറ്റ്റൂട്ട് ചമ്മന്തി തയ്യാറാക്കുന്ന വിധം പരിചയപ്പെടുത്തി തരുന്നത്.

ചേരുവകൾ

• ബീറ്റ്റൂട്ട്- 1
• തേങ്ങ- 1 കപ്പ്
• ചുവന്നുള്ളി- 6
• പച്ചമുളക്- 2
• ഉപ്പ്- 3/4 ടീസ്പൂൺ
• വാളൻപുളി- ചെറിയ കഷ്ണം
• കറിവേപ്പില- ആവശ്യത്തിന്
• വറ്റൽമുളക്- 2
• കടുക്- 1/2 ടീസ്പൂൺ

Also Read: ഊർജ്ജവും ഉന്മേഷവും ഞൊടിയിടയിൽ നേടാം, റാഗി ജ്യൂസ് ട്രൈ ചെയ്യൂ

View this post on Instagram

A post shared by Athira Akhil (@athys_cookbook)

Also Read: ഒരു തവണ​ ചോറ് ഇങ്ങനെ വേവിച്ചു നോക്കൂ, ബിരിയാണിയെ വെല്ലുന്ന രുചിയാണ്

തയ്യാറാക്കുന്ന വിധം

• ഒരു ബീറ്റ്റൂട്ട് തൊലി കളഞ്ഞ് ചെറിയ കഷ്ണങ്ങളാക്കിയെടുക്കാം.
• അതിലേയ്ക്ക് ഒരു കപ്പ് തേങ്ങ ചിരകിയതും, ആറ് ചുവന്നുള്ളിയും, രണ്ട് പച്ചമുളകും, മുക്കാൽ ടീസ്പൂൺ ഉപ്പും ചേർക്കാം.
• ചെറിയ കഷ്ണം വാളൻ പുളിയും അൽപ്പം കറിവേപ്പിലയും ചേർത്ത് നന്നായി അരച്ചെടുക്കാം.
• ഒരു പാൻ അടുപ്പിൽ വച്ച് ആവശ്യത്തിന് എണ്ണ ഒഴിച്ചു ചൂടാക്കാം.
• അതിലേക്ക് അര ടീസ്പൂൺ കടുക് ചേർത്തു പൊട്ടിക്കാം.
• രണ്ട് വറ്റൽമുളകും, കുറച്ച് കറിവേപ്പിലയും ചേർത്തു വറുക്കാം.
• അതിലേക്ക് ബീറ്റ്റൂട്ട് അരച്ചെടുത്തതു ചേർത്തിളക്കി വഴറ്റാം.
• വെള്ളം വറ്റി വെന്തു വന്ന ബീറ്റ്റൂട്ടിലേക്ക് കുറച്ച് കറിവേപ്പില കൂടി ചേർത്തിളക്കി അടുപ്പിൽ നിന്നും മാറ്റാം. ബീറ്റ്റൂട്ട് ചമ്മന്തി തയ്യാർ.

Read More: ബീറ്റ്റൂട്ട് ഒരിക്കൽ ഇങ്ങനെ ചെയ്തു നോക്കൂ, ഇനി കറുമുറു കഴിക്കാൻ ചിപ്സ് വാങ്ങി സൂക്ഷിക്കേണ്ട